105
33
14
港铁中环站 D2 出口, 步行约3分钟
继续阅读
开饭介绍
餐厅以50年代怀旧三藩市作主题。
继续阅读
营业时间
星期一至六
12:00 - 14:30
18:00 - 22:00
星期日
全日休息
以上资料只供参考,请与餐厅确认详情
招牌菜
食家推介
相关文章
VeggieSF is changing to Veggie4Love, thanks very much for supporting us.Many fds are asking about the meaning of the new name --- Veggie4Love.Actually there are so many couples having sweet memories here, including the staffs. And indeed we need more LoVe, to parents, to fds, to life, to animals, to everyone, etc...
继续阅读
餐厅四围有好多旧式玩具,有Betty公仔,一见到就觉得好有回忆🤣。我哋一行廿人来,又试下唔同的菜式,每一款都好好味!这一间好值得推介!我食的laksa cha cha cha 个汁配埋薄饼好好味~个菇好大件,食到好饱🤣粟米仔又甜😍
继续阅读
年头收到VeggieSF要结业既消息真系好唔舍得素食未有依家咁流行之前,喺香港想食素就只有斋铺、斋铺、同埋斋铺...非素食者对素食既概念都只有斋卤味、芋头鱼同罗汉斋之类既野。VeggieSF喺10年前就已经开始提供西式fusion素食,令人知道素食唔规限於油淋淋既中式素食,而系非常多元化,色香味俱全。後来佢地更由蛋奶素,摇身一变成为无蛋奶既100% vegan餐厅,果种determination真系好令人佩服同景仰。天下无不散之延席,VeggieSF都有落幕既一日,趁仲有得食就要快啲黎帮趁。依个KFC炸鸡个名好盏鬼,本来以为佢系食字「肯德基」,原来佢全写系Korean Fried Chicken,系如货真价实既KFC!厚厚既韩式辣酱包住素炸鸡,加埋啲沙律菜中和左个辣味同腻感,作为开胃菜浅嚐都唔错。Laksa Cha Cha Cha 星洲喇沙花生椰汁咖喱腰果杂菜饭 - 可以配饭或者印度薄饼,我地就拣左要饭,贪饭可以用黎捞汁。依味喇沙绝对适合重口味人士,味道够哂浓郁。配料都好丰富,有唔同既蔬菜,仲有啲nuts。Union Square 焗意大利香草红甜椒汁杂菜意粉或饭伴腰果香草酱 - 依个我地要左腰果,焗既野系即叫即焗,所以要等耐少少。个酱汁系由蔬菜打成,非常健康,钟意食简单既食物原味道就一定要点佢。Trip to Bali 印尼加多加多沙律、炸豆腐、腰果、大豆炸物伴椰汁饭 - 超级大堆头既一个dish,可以一次过满张N个愿望!首先系卖相非常级引,有好多颜色同唔同款式,另外一个碟入面就装住哂啲印尼名物,食完真系好似去左一转峇里咁。椰汁饭好香,食多多都唔厌,块素虾片都好特别。Oakland Breeze 越式捞米粉伴香草、炸豆腐、腰果及大豆炸物配自家制有机檬汁 - 如果钟意比较清新口味,Oakland Breeze就啱哂。檬汁酸酸甜甜够哂开胃,仲有好多蔬菜。啲配料同Oakland Breeze类似,但就比到完全唔同既感觉。本身好钟意食佢地既I am Fabulous红菜头burger,份量大但又好好食,结果次次都食到太饱,所以都好耐冇再食过。希望喺佢地结业前可以再去试一次啦!
继续阅读
餐厅嘅设计以怀旧美国风为概念,连餐牌都别具特色。餐牌上大部分嘅菜式都标明可走葱蒜,只要落单时同店员讲明就可以,其余冇标嘅我估本身系冇葱蒜。越式捞米粉(室温) 伴香草、炸豆腐、腰果、及大豆作物 配自家制有机柠汁 ($138)整体味道偏酸,尤其食到最底。炸豆腐超好食,外脆、入面好滑。腐皮卷炸得好脆口,入面包住甘笋丝、冬菇同沙葛。其他配料包括青瓜丝、甘笋丝、银芽、芫荽同香叶。印尼加多加沙律、炸豆腐、腰果、大豆作物 伴椰汁饭 ($148)食材超丰富同打卡一流嘅菜式。虽然大部分食材都伴有唔少酱汁,但份量刚好,食落一D都唔腻。印尼加多加沙律系用花生酱捞椰菜、四季豆同腰果,所以食到好香花生酱味。串烧本身已经够味,可以点埋沙嗲酱一齐食。素汉堡扒 伴惹味烧烤酱 ($158)汉堡包除咗素汉堡扒,仲加咗苜蓿芽、蕃茄、芝士作配料。味道感觉同普通素汉堡差不多,食唔到烧烤酱嘅味道。餐汤 (跟餐附送)是日餐汤系蕃茄薯仔汤,大部份嘅薯仔已经打烂哂,溶入汤入面,仲有少部分嘅薯仔站可以食到。饮品: 黑糖姜茶、抹茶绿茶 (跟餐附送)
继续阅读
VeggieSF做到今个秋天就结业啦😢?大家快啲趁呢几个月多啲帮衬佢地啦💁🏻♀️呢到美式嘅怀旧风装修,会令人暂时忘却身处於繁忙嘅中环嘅感觉。中环翻工嘅朋友们,不妨平日book个lunch time上来relax下😌Soi Nam Chick’n Rice$148🍗素海南鸡伴黄姜油饭,时菜及自家制姜蓉及辣酱-个姜蓉超级正,黑酱油都系,点鸡又好味,就咁捞饭都好满足😋Oakland Breeze$138🍜越式捞米粉(室温)伴香草,炸豆腐,腰果,及大豆炸物及自家制有机檬汁-个汁酸酸甜甜又清爽又开胃🤩个炸物好有惊喜,咬落去一啲都唔柴,配埋泰式辣酱仲好惹味添👍🏻Kobe’s Favourite$158🍔素汉堡扒伴惹味烧烤酱-我通常好少食burger因为岀边自家制个啲唔系好dry就好湿,但呢个真心刚刚好,酱汁好够但整体又唔会好湿,而且素汉堡扒同烧烤酱都几夹☺️
继续阅读