10
6
3
港铁太古站 A2 出口
继续阅读
营业时间
星期一至日
10:00 - 21:30
以上资料只供参考，请与餐厅确认详情
食家推介
相关文章
話說朋友生日，本身夜晚已經約咗佢食大餐，怕買一整個生日蛋糕會食唔落🧐諗黎諗去，最後就買咗幾個唔同味道嘅撻，雖然最後佢都要打包一個走，但係我哋一致都認為買撻當做生日蛋糕都係一個唔錯嘅選擇！講返正題，因為我哋今次係去太古城嗰邊食晚餐，所以我就去咗呢一間舖頭度買撻啦。佢嘅撻有好多唔同嘅味道，今次我就揀咗3個唔同既撻，特別要推介野莓芝士撻同朱古力香蕉撻，佢嘅水果好足料，士多啤梨同香蕉都好甜，而且佢底層嘅cream cheese同朱古力都係濃味好食嘅，而另外嗰個撻因為食唔落，朋友拎走左，所以就唔知味道點啦。不過我覺得呢間舖頭嘅甜品賣相同味道都唔錯，值得推介👍🏻
继续阅读
有朋友生日在AEON 買左兩件蛋糕慶祝店舖位於門口位置，由地鐵一入來就見到非常方便店員都好有禮貌，裝好蛋糕之後會再同客人確認一次先封盒士多啤梨甜而不酸， 蛋糕又不會太淋，最好食係尾部的cream，非常滿足朱古力濃得黎又不漏，好想立即再買多件食！食完先減肥啦！
继续阅读
第一次食呢間蛋糕店嘅蛋糕，一望去陳列雪櫃，好多款蛋糕/撻/批都好吸引好想食！最後揀咗下面三款：蜜瓜批13cm呢個蜜瓜批幾驚喜，因為食過幾間類似嘅日式蛋糕店，好多蛋糕都係個樣好靚，但食咗就覺得係華而不實。而且買完先知原來係Italian tomato旗下⋯⋯更加⋯⋯會唔會中伏⋯⋯？第一啖食咗舊密瓜先～甜嘅！第一啖印象唔錯，繼續試！cream、夾層嘅海綿蛋糕、蜜瓜果粒，都正正常常～而中間內心會有一pat'糯米團'？煙煙韌韌！本人十分偏好煙煙韌韌嘅食物，所以加分！！呢個蜜瓜批整體都出色，打破咗我對'Italian tomato蛋糕=華而不實'嘅印象！但唯一要扣分嘅係佢個杏仁撻底比偏實還要實⋯⋯真心要不斷反覆切切切鋸鋸鋸（用鋪頭附上嘅蛋糕膠刀）+耐心 100%先可以食到呢個唔錯嘅蜜瓜批～撇除撻底～呢個$200幾嘅生日蛋糕都唔差啦！畀個好評啦～remark：第二日食埋剩下嘅小半，就發覺撻底已經變得更硬，撻底同上面嘅蛋糕已經分離，變咗兩個獨立個體，同埋撻底食落似雪硬咗嘅牛油味⋯⋯um⋯⋯究竟呢個批喺鋪頭放咗幾多日⋯⋯？不過蛋糕唔計撻底食係幾出色的！提子忌廉吉士撻呢個撻比想象中更出色！提子爽甜脆，而且提子皮唔會澀的。下層嘅紅莓醬好好味，好鬆軟，隻味似細細個果時食嘅紅莓餡餅，好有童年回憶🤣加分！呢三款撻/批個餅底都一樣，但似乎提子撻係最新鮮的，佢個撻底係三個入面最鬆脆，而且最易切開，唔係刀仔鋸大樹咁切極都切唔斷😅$40一個幾公道～值得一試🤤白桃吉士撻白桃好爽脆又甜！下層就係吉士醬，不過略嫌吉士醬偏實，感覺係雪咗幾日咁；而個杏仁撻底又偏厚，食落都係偏實、硬。$48一個，就偏貴了⋯⋯相信如果呢幾個撻/批都係新鮮即日製造即日食，應該會幾滋味～
继续阅读
吉之島地下food court有好多吾同既美食亦都有吾少既座位比食客坐低品嘗另外更設有企位 可以有張高檯擺放食物而不用等座位呢間蛋糕店 正正是座落於入口處一入門口就可以見到七彩繽紛的西餅同蛋糕唯一吸引我的是這個有設計過的香蕉朱古力達先評價外表佢將香港切開做一個個的圓餅用這6個圓餅 5個做花瓣 1個做花心離遠看就像一朵盛開的花上面還配上少量朱古力醬做裝飾然後 下面有個朱古力達其實整體感覺似盆栽然後評價味道同口感香蕉 是用了比較甜的香蕉朱古力 都是用了比較甜的 不太苦所以這個配搭 注定是甜的了之後還點了兩個蛋糕其實呢間是連鎖蛋糕店之一 只是名字不同了這兩件蛋糕 都是從Indian tomato來的以前都在Indian tomato其他分店食過 味道不錯的
继续阅读
不時不食乃人之常情，所以小人認為季節限定是有其道理的。話說吃完了美味的日本菜，還未到血拼時艱，我們先吃過甜品。店內陳設著不同的不同的季節限定產品，小人差不多每款都想試，不最友人拉著都不肯收手！最後我們選擇了菠蘿撻。餅底有厚度，不會過甜；反為濕軟的蛋糕更感鬆軟！菠蘿是吃得出的鮮，而且很多，似是吃極的吃不完似的！至於杏仁忌廉較為薄身，淡淡的忌廉加上淡淡的杏味，感覺是清新可口；最美妙的是帶有輕浮的感覺，多吃幾件都不會漏！此乃飯後甜品的不俗之選！
继续阅读