帝景軒 (已結業)

不过不失的海鲜自助晚餐较早前去左食帝景轩自助晚餐，主题系东南亚龙虾鲍鱼海鲜自助晚餐，款式唔多，但每样食少少都可以好饱肚！当晚每人额外可以获赠*泰汁冻鲍鱼配香脆米通*，我觉得一般，米通有d硬。当中热食款式我觉得泰式辣椒炒青口和冬荫功海鲜汤几惹味，食完好开胃。肉骨茶猪排骨几特别，我仲饮左小小肉骨茶。另外都推介炭烧蒜蓉生蚝、大虾菠萝红咖哩。甜品我无食好多，系食左几杯haagen dazs雪糕，好正！佢哋有6种口味。我朋友就话甜品几出色，我见佢对葡式燕窝蛋挞情有独钟，食咗好几个。比较欣赏的系佢哋的罐装饮品可以任饮，而且款式非常多！