Deli and Wine (已結業)

最近要返星期六已经好惨 虽然都只系返半日 但我要ot 所以更加惨 放工好似冇左日假期咁 所以我决定食肥野慰劳自己hehe 我就去左附近嘅餐厅 deli and wine 到买左个双拼饭外卖 -叉烧油鸡饭 $46返到公司一打开个饭发觉都几大碗 而且卖相好好 叉烧同油鸡都好大光泽 加埋有啲椰菜同姜葱 望落都流哂口水 值得一赞嘅系佢个姜葱切得好细好多葱而且一啲都唔油 食落去有淡淡嘅姜味 点缀左油鸡嘅味道 而佢烧味都好有质素 叉烧上嘅蜜汁平均 而且厚切 食落好有口感同埋唔'鞋' 油鸡就好滑 虽然骨比较多 但肉质鲜嫩 好有水准 食完即刻开心哂 不过食得太饱开始眼训xd