影片
更多
2014-02-01
5714 浏览
因为太太教会又搞大聚餐，翻兜「五月花」，所以重临旧地再次大擦一餐。「上篇」讲到日式小食、汽水啤酒、刺身料理、台式料理、东瀛烧物等5个类别，跟住「下篇」就再继续讲埋其他。 日式扬物我哋点咗好多海老天妇罗（炸虾），亦点咗一大篮蕃薯、南瓜天妇罗，以及软壳蟹天妇罗，粉浆稍微有啲厚，不过，点几多俾几多，无缩水俾少啲，算喺咁啦！蕃薯、南瓜天妇罗几好食，够粉香 。 粉 / 面 / 饭类饱肚嘢尽可能都唔点，不过，有朋友想试鲍鱼鸡丝粥及滋味水蟹粥，觉得喺粉面饭类中，依两款似喺贵嘢。咁老实讲，两碗粥又真喺有鲍鱼鸡丝同蟹钳，已经可以话喺好意外，无欺场啦。粥底算够绵，味道不俗，相信朋友满意收货 ！ 港日式料理估唔到，我哋晌港日式料理堆中，亦点得唔少嘢，12款嘢拣咗6款，一半一半咁啦。清酒骨汤煮大蚬、咖喱炒青口、黑椒薯仔和牛粒、田园什菜炒野菌、鱼籽酱炸青蚝、一口炸豆腐，以后两者最深印象，尤其个鱼籽酱炸青蚝，其实喺青口嚟，唔喺蚝，不过酥炸后加少少沙律酱同黑鱼籽酱，咸咸鲜鲜效果唔错，而一口炸豆腐上次都有试，外皮炸得甘脆入口热呼呼，里面保持滑嫩，所以确喺好食呢 ！ 新菜推介除咗个汁烧墨鱼须串唔觉有咩特别
日式扬物
我哋点咗好多海老天妇罗（炸虾），亦点咗一大篮蕃薯、南瓜天妇罗，以及软壳蟹天妇罗，粉浆稍微有啲厚，不过，点几多俾几多，无缩水俾少啲，算喺咁啦！蕃薯、南瓜天妇罗几好食，够粉香 。
粉 / 面 / 饭类饱肚嘢尽可能都唔点，不过，有朋友想试鲍鱼鸡丝粥及滋味水蟹粥，觉得喺粉面饭类中，依两款似喺贵嘢。咁老实讲，两碗粥又真喺有鲍鱼鸡丝同蟹钳，已经可以话喺好意外，无欺场啦。粥底算够绵，味道不俗，相信朋友满意收货 ！
港日式料理估唔到，我哋晌港日式料理堆中，亦点得唔少嘢，12款嘢拣咗6款，一半一半咁啦。清酒骨汤煮大蚬、咖喱炒青口、黑椒薯仔和牛粒、田园什菜炒野菌、鱼籽酱炸青蚝、一口炸豆腐，以后两者最深印象，尤其个鱼籽酱炸青蚝，其实喺青口嚟，唔喺蚝，不过酥炸后加少少沙律酱同黑鱼籽酱，咸咸鲜鲜效果唔错，而一口炸豆腐上次都有试，外皮炸得甘脆入口热呼呼，里面保持滑嫩，所以确喺好食呢 ！
新菜推介除咗个汁烧墨鱼须串唔觉有咩特别外，其他5款都点齐一试，包括香芒酱爆珠沙律、黑鱼籽三文脆饼、关东银萝酥、日式胡麻牛舌、香茅串串鸡腿。个爆珠沙律其实无咩特别，只喺用咗大大粒人造香芒酱爆珠，反而黑鱼籽三文脆饼及日式胡麻牛舌带嚟惊喜，前者三文鱼刴蓉加入黑鱼籽放晌加拿饼，咸鲜脆，配拾几好 ；而牛舌厚切粒粒食落烟烟韧，配胡麻汁，麻香好食，又用鸡尾酒杯盛载，卖相别致 。
寿司 / 手卷寿司、手卷喺另一类饱肚之物，所以，就算有成十多款选择，我哋都只喺点其中两款过吓口瘾，三文鱼寿司、鲍鱼片寿司，不过不失，寿司饭亦唔会太松散，三文鱼、鲍鱼片都几鲜甜。其实依家睇番，有几款都仲可以不妨点嚟试试，如烧芝士牛肉反卷、芝士吉列虾反卷。
火锅料理记得上一次点过火锅料理，即喺涮涮锅，比较花时间搞，虽然有成30多款配料，不过都喺无谓费时失事，所以火锅料理喺今晚唯一无试嘅类别！
精美潮流甜品
甜品肯定比上次嚟多咗好多，一大张甜品纸共有14款甜品，真喺比一般日式放题劲多 。以小弟咁多心又钟意食甜品，无可能唔叫齐咁多样嘢啰！唔讲你可能唔信，以下张相叫齐晒咁多款甜品，其实都喺我嘅一人份 ，当然老婆都有黐啲嚟试，所以，同枱朋友都睇到眼傻，话我使唔使咁夸，哈哈！
14款甜品分别有果仁慕丝蛋糕、意大利芝士蛋糕、蓝莓乳酪蛋糕、富良野鲜奶蛋冻、北海道牛乳布甸、杨枝甘露、益力多红豆糕、日式泡芙、杞子桂花糕、磁烧棉花糖、雪糕糯米糍（改咗雀巢雪糕）、怀旧糖不甩、朱古力脆吐司、彩虹水果捞。其实整体份量唔算多，因为样样都细细件！啲蛋糕类唔错，尤其件蓝莓乳酪蛋糕；鲜奶蛋冻同牛乳布甸中规中矩；益力多红豆糕味道几得意，而杞子桂花糕好多子同桂花；最唔得喺杨枝甘露、彩虹水果捞，前者水汪汪，好似饮紧淡味嘅芒果汁，后者只喺求其揾啲罐头杂果捞埋一碗。怀旧糖不甩真喺好耐无食过，而朱古力脆吐司喺烘热嘅脆饼唧啲朱古力浆，似件过口瘾嘅零食 。
虽然今晚嚟食喺俾紧教会价，不过若以正价，近二百样嘢任饮任食两个钟，而质素好好又未算，好差又唔喺，虽知一分钱一分货，唔通你想蔗渣嘅价钱，想食烧鹅嘅味道咩 ！至于侍应或经理态度方面，我又无乜遇到其他食家所讲咁唔好，或者我哋以教会名义嚟食，在佢嚟讲喺大客啦，因为帮衬最早𠮶轮，又一次过百多个客嘅生意咁做，所以招呼都好啲啦 ！
张贴
