各国饮食文化源远流长，埃及人Chef Ahmed Menshawy正正擅长非常特别嘅黎巴嫩古老食谱，无论味道、摆盘都好出色，尽显传统典雅特质。
Chef Ahmed Menshawy超过40年黎巴嫩料理经验，曾于开罗嘅喜来登酒店掌厨；及后于黎巴嫩、杜拜同好多欧洲国家工作，阅历丰富。而家去尖沙咀“RUE DU LIBAN”，无论午市/晚市(营业时间: 11:30am-10:30pm) 都可以食到佢嘅手艺喇，即刻睇埋优惠详情～
“RUE DU LIBAN”优惠详情
逢星期一至五(3:00pm-5:00pm)，单点餐牌即享75折 |
埃及人Chef Ahmed Menshawy拥超过40年黎巴嫩料理经验，曾于开罗嘅喜来登酒店掌厨，擅长黎巴嫩古老食谱。
黎巴嫩当地人必食！冻/热开胃菜(Cold/Hot Mezze)
沿山林道行好快就到“RUE DU LIBAN”，见到蓝色花花大门好靓啊。一坐低可以嗌啲黎巴嫩地道开胃菜先，冻开胃菜(Cold Mezze)同热开胃菜(Hot Mezze) 都有好多选择，当地人冻/热都会食啲。
尖沙咀蓝色花花小店“RUE DU LIBAN”。
异国风装潢配搭漫天花海，好IGable。
【冻开胃菜(Cold Mezze)】
比萨拉(Bisara)
冻开胃菜主要系豆蓉、核桃蓉、茄子蓉、蒜香奶酪等，好有健康地中海饮食特色。当中最新出就系呢款比萨拉(Bisara)，将白豆蓉混入芫荽、莳萝、洋葱、大蒜，口感滑顺又有豆香，好啱配彼得包或脆片食㗎。
黎巴嫩菜有好多豆类、蔬菜入馔，健康好味。
【热开胃菜(Hot Mezze)】
热开胃菜杂锦拼盘(Hot Mezze Platter)
想一次试多几款Hot Mezze，可以直接拣杂锦拼盘，有炸羊肉球、乾酪酥角、炸鹰嘴豆饼、菠菜松子仁酥角。外层啡色嘅炸羊肉球同炸鹰嘴豆饼都好厚脆，有种外硬脆、内软绵嘅过瘾口感，羊肉味都几浓又唔会太羶。
另外嘅乾酪/菠菜松子仁酥角就香口好多，特别系乾酪酥角真系几脆，一咬开即刻湧出乾酪味，饮酒一流!! 另一款嘅菠菜馅超爆满，不过蔬菜味唔算好重，反而觉得几咸香。
热开胃菜杂锦拼盘，全部都好干身香脆唔油腻。
香烤哈罗米乾酪(Grilled Halloumi Cheese)
仪式感十足嘅Hot Mezze!! 铁板出晒烟兼「咋咋」声咁上枱，未食已经闻到好香乾酪味啦。哈罗米乾酪烧到金黄色，咬落去焦焦脆脆，跟住系柔软+烟韧嘅独特口感。
同平时啲拉丝乾酪唔同，一入口唔会好咸，后续会慢慢渗啲乾酪味出嚟。上面又铺满无花果、石榴糖蜜，撞出咸咸甜甜感觉，大讚！
铁板哈罗米乾酪好有仪式感，乾酪轻焦又有少少烟韧。
【主菜Main】
香烤蒜酱虎虾(Grilled Tiger Prawns with Garlic Sauce)
钟意铁板嘅话，主菜要嗌埋呢道烤虎虾！铁板嘅「咋咋」声更强劲，我哋个位即刻弥漫住海鲜+大蒜嘅香味啊。而且每只虎虾都好大只，我哋无剥虾壳直接咬啲虾肉出嚟，虾壳外层嘅汁又香又惹味，蘸埋个酱食平衡咸味啱啱好。
超级香嘅烤虎虾！连虾壳都整到好惹味。
招牌慢煮羊腿煲(Signature Lamb Shank Clay Pot)
唔只铁板有仪式感，连呢道招牌慢煮羊腿煲都有专人即席切开酥皮。用煲仔慢煮嘅羊腿煮到好软腍，入面嘅杂菜、松露薯蓉就吸满羊肉精华。食嗰阵用少少酥皮包住羊腿，再蘸埋入面嘅肉汁食，正啊!!
招牌慢煮羊腿煲，由专人即席切开酥皮。
食嗰阵用少少酥皮包住羊腿，再蘸埋入面嘅肉汁食。
【Lunch午餐】
而家尖沙咀打工仔又多个选择，“RUE DU LIBAN”每日都有午市套餐(包括是日餐汤、小食拼盘、主菜、甜品、饮品)，单单小食拼盘就有鹰嘴豆蓉&红菜头鹰嘴豆蓉、薄脆红石榴酱沙律、炸鹰嘴豆饼；而主菜有烤鸡肉串、烤羊肉串、黎巴嫩蘑菇白汁煮牛肉等。全部都系好地道嘅黎巴嫩料理，几有新鲜感。
有时想快食，可以拣经典中东美食—沙威玛手捲(Shawarma Wrap)，全部跟配薯条同汽水。烤鸡肉/烤牛肉/烤羊肉串都用香料醃过，风味浓郁，肉质仲keep住juicy。
唔想食咁多肉，都有香烤哈罗米乾酪手捲、炸鹰嘴豆饼手捲拣，爆馅口感更实在!!
经典中东美食—沙威玛手捲(Shawarma Wrap)。
烤鸡肉/烤牛肉/烤羊肉串 都好啖啖肉。
炸鹰嘴豆饼手捲。馅料绵滑，好有爆馅口感。
RUE DU LIBAN
地址: 尖沙咀山林道22-26号地下A号舖
电话: 23102922