身为牛扒fans，一定要试吓牛扒界天花板—阿根廷牛扒!! 呢间阿根廷高级扒房“La Parrilla Steakhouse” 真系由当地直送草饲牛扒，牛味极浓又唔会太多脂肪。如果你追求肉味，呢度嘅牛扒真系越咬越有原始肉味。
中环店门口已经好有格调。
木系装潢好有外国气氛。
店内特设干式熟成柜，天然分解过程令牛扒更浓肉味及嫩滑。
“La Parrilla Steakhouse” 2间分店嘅木系欧洲装潢都好有feel。中环店眺望大馆够浪漫；北角店价钱就更亲民，睇吓你想要靓环境拍拖约会定朋友聚会锯扒啦。2间分店牛扒都系阿根廷直送，一样食到大大份靓扒㗎!!
【全新】牛油干式熟成牛仔骨扒(Butter – Aged Cowboy)
嚟到专业扒房，最开心就系食到出面好少见嘅扒。“La Parrilla Steakhouse” 除咗有多款肉位外，最近更新出罕见牛油干式熟成牛仔骨扒!!
牛油干式熟成牛仔骨扒，用高温扒炉猛火烧到外层焦香。
牛扒外层裹上特制牛油，好讲究手艺同精细度。
呢道奢华牛扒好大件，经干式熟成提升牛味后，再以独特牛油熟成技术处理，好讲究手艺同精细度。牛扒外层会裹上特制牛油，以及自家混合香草、香料、大蒜同橘皮，再放于特定温度、湿度环境熟成。
高温扒炉瞬间锁住肉汁，切开系多肉汁嘅牛油风味。
坊间罕见牛油干式熟成，系以前未食过嘅味道。
牛油熟成过程中，天然酵素会同牛油水分相结合，令牛扒格外嫩滑；而牛油脂肪渗入肉中亦带嚟丰富奶香。大厨再用高温扒炉猛火烧到外层焦香，切开系多肉汁嘅牛油风味，完全系以前未食过嘅味道，值得一试啊!!
【牛控必试】
各位牛控嚟到锯扒之馀，有无兴趣试吓牛胸腺(Mollejas)、牛骨髓(Bone Marrow)? 一试独特酥脆口感或油香，系锯扒以外嘅另一享受啊。
烤牛胸腺(Mollejas)
牛胸线外焦内嫩，有种奶油嘅滑顺口感，食落微甜又有脂肪香味。用高温炭火烧后，会逼出油香兼有浓郁烟燻风味，最后以焦香洋葱甜味、柠檬微酸平衡味道，油脂香超有满足感。
高温炭火烧牛胸线，逼出油香兼有浓郁烟燻风味。
烤骨髓(Bone Marrow)
另一道烤骨髓就用咗香草、大蒜烘烤，深沉油脂香又有淡淡咸味，完全系奢华原始风味。每啖牛骨髓都好滑腻，用嚟配脆脆面包食好夹啊。
烤骨髓以香草、大蒜烘烤，深沉油脂香又有淡淡咸味。
滑腻牛骨髓，好啱配脆脆面包食。
【扒房高级前菜】
“La Parrilla Steakhouse”唔止得牛扒，仲有好多阿根廷料理同高级前菜㗎。
鸭肉风干火腿(Duck Prosciutto)
自家制作嘅盐醃鸭胸好用心，因为初步醃制鸭肉后，要再用特调香料陈化几日先做到入味同加深风味。薄嫩鸭肉质地细腻咸香，又带淡淡香料味。呢道前菜同浓郁嘅阿根廷红酒好夹，因为红酒厚实风味撞上鸭肉嘅鲜味(umami)，令成个用餐体验好圆满。
自家制鸭肉风干火腿，初步醃鸭肉后再用特调香料陈化几日。
布拉塔沙律(Burrata Salad)
摆盘优雅嘅布拉塔沙律，系以柔软奢华布拉塔乾酪做主角。用跟配嘅脆脆面包蘸啲乾酪食，再食啲淋上罗勒油嘅新鲜罗马番茄、罗勒，清新满足。布拉塔乾酪嘅微酸风味，一直好受乾酪fans欢迎。用嚟配清爽白酒或轻盈红酒都好夹。
布拉塔沙律摆盘优雅。
布拉塔乾酪好受乾酪fans欢迎。
章鱼沙律(Octopus Salad)
炭火烧章鱼系呢道沙律嘅主角，再配上新鲜沙律菜、爽脆青瓜、多汁车厘茄同薄切红洋葱，最后淋上蒜香红酒醋酱汁。沙律色彩缤纷又有丰富口感，嚟紧春夏季节食几爽。
炭火烧章鱼，配新鲜沙律菜及蒜香红酒醋酱汁。
【海洋料理】
每日鲜鱼(Catch of the Day)
呢度嘅每日鲜鱼料理都几吸引，因为系用当日新鲜捕捞嘅鱼类为主，搭配纯朴嘅杂菜炖汤(Ratatouille) 突出海洋鲜味之馀，同时炖汤又有浓郁蔬菜滋味，平时下昼想食个健康lunch都好啱啊。
当日新鲜捕捞鲜鱼，搭配纯朴嘅杂菜炖汤(Ratatouille)。
【幸福甜品】
季节莓果鲜牛油(Seasonal Berries in Whipped Cream)
呢款甜品集合咗当季莓果，配搭新鲜打发淡奶油、自制草莓酱同薄荷叶。清新嘅莓果甜味、滑顺淡奶油同果酱鲜豔风味融合一齐，好有幸福感。
甜品集合莓果、鲜打发淡奶油、自制草莓酱风味，好有幸福感。
La Parrilla Steakhouse (中环店)
地址: 中环云咸街77号嘉兆商业大厦1楼
电话: 26378555
La Parrilla Steakhouse (北角店)
地址: 北角堡垒街19号景文楼LG层
电话: 26623000