112
29
21
港鐵石門站B出口或第一城站 D 出口,步行8分鐘
繼續閱讀
電話號碼
36531168
開飯介紹
位於沙田的酒店餐廳,設270呎的自助餐桌,提供各式各樣的多國菜,如晚市時段供應: 即開生蠔、鐵板燒及爐端燒、日式天婦羅、自家製意大利雪糕、Häagen-Dazs雪糕、冰鎮龍蝦、長腳蟹等。自助餐亦設有下午茶、晚餐時段。
繼續閱讀
營業時間
今日營業
07:00 - 22:00
星期一至日
07:00 - 22:00
以上資料只供參考, 請與餐廳確認詳情
有關獎賞計劃
招牌菜
食家推介
相關文章
新年約成班好友聚餐,大家都不約而同揀咗自助餐!今晚黎到主打粵式海陸盛宴既Alva House,帝逸酒店ALVA HOTEL BY ROYAL一向口碑甚佳,令大家都好期待💗Alva House推出全新「粵.嚐.食」海鮮自助晚餐,精選環球時令優質食材,匠心巧製各式手工佳餚,今晚同好友們一同嚐盡經典滋味🌟頭盤、沙律菜,有新鮮沙律菜、橄欖油及特色醬汁;仲有清新味蕾既海蜇手撕雞沙律、泰式鳳爪沙律、蟹肉芒果牛油果沙律等🥗另設時令水果區,推介少見既蜜柑、車厘子、蜜梨,哈密瓜、西瓜等切成片裝方便食用,新鮮又香甜!更有多款日式前菜,如味付螺肉、芝麻八爪魚、中華汾律等,好有童年回憶,中學時期最愛食🤪 🤪🧀冷盤有齊芝士拼盤、Cold Cut、煙三文魚、風乾火腿,煙三文魚每次一REFILL就引來長龍,滑順絲柔、帶點煙燻鹹香風味,的確出色~🦞冰鎮海鮮有即開生蠔、冰鎮龍蝦、麵包蟹、海蝦、蟹腳、青口、翡翠螺等,即開生蠔柔滑肥美、極富濃郁海洋氣息,愛蠔者必試!麵包蟹膏肥肉美,飽滿蟹肉夠哂結實!冰鎮龍蝦肉質鮮甜味美,Q彈又爽口!🇯🇵刺身即叫即切,有油甘魚、阿根廷赤蝦、希靈魚、帆立貝、吞拿魚、三文魚等;壽司款式亦頗多,最推介迷你魚生丼飯,細細碗有齊三文魚子、香蔥吞拿魚腩蓉、帆立貝及海膽,鮮味十足!🇯🇵日式美食仲有即炸天婦羅、即燒串燒,師傅們一整晚忙過不停,持續出品REFILL,每次取天婦羅同串燒都係熱辣辣香噴噴!滋味升級!🥢中式美食有老火菜乾湯、蟹粉小籠包、迷你佛跳牆,三款都好多棒場客!我就最愛迷你佛跳牆,聞落香濃撲鼻,精選多種昂貴食材,包括鮑魚、花膠、瑤柱、竹笙、花菇等,同熬煮湯頭相互搭配,鮮香甘甜,令人回味無窮!另有秘製片皮鴨、中式烤乳豬、豬腳薑、杭州排骨、花膠鮑螺片、海南雞飯,同好友一致最愛水煮龍躉片,由新鮮龍躉炮製而成,魚肉嫩滑辛香,溫補祛寒一流~🍜粉麵及粥均有供應,推介鮮味龍蝦鮑魚粥,由新鮮蝦頭熬製成綿滑粥底,再配上龍蝦、鮑魚,可再自選配料,食得更滿足~🍴西式美食點少得自助餐必備既燒牛肉,估唔到仲有我最愛既威靈頓牛排!忍唔住ENCORE咗幾次~酥皮鬆脆金黃,包裹着鮮甜多汁既牛肉,脂肪含量低,口感豐富、層次多元,出色!另有燒羊髀、紅酒牛尾、黑松露粟米餅、忌廉青口、西式餐包、超濃稠番茄湯,而鍾情澱粉質朋友必試海鮮意大利麵及南瓜蟹肉意大利飯,飽肚滋味之選~🇮🇳異國美食今期有印度美食~印度羊肉咖喱及雜菜咖喱,配印度烤餅、印度米,100% matched!仲有好友大力推薦既迷你薄餅,餅皮薄脆,餡料鹹香。☕飲品提供凍、熱檸檬紅茶,水及自助咖啡機。🍮甜品同樣精彩豐富!兩大甜品櫃放滿色彩奪目既甜品,款式甚多實在令人睇見都興奮!!是夜有一大班好朋友,大家開心SHARE嚐盡多款出色甜點,尤其推介榴槤類,芳香濃郁、甜中帶甘,榴槤控既大家都表示好滿意!推介炸榴槤酥、榴槤奶凍、榴槤斑斕慕絲蛋糕、斑蘭榴槤蛋糕、榴槤卷蛋!🍰另外亦試咗蝶豆花果凍、雲呢拿芒果百香果慕絲蛋糕、意大利芝士餅、焦糖燉蛋、麵包布甸、荔枝啫喱、焦糖香蕉朱古力蛋糕、芒果拿破崙蛋糕、鮮雜果千層酥、楊枝甘露布甸、伯爵茶歌劇院蛋糕、紅桑子朱古力蛋糕、冰糖燉木瓜雪耳糖水等,滿足一眾甜迷胃口,真高興~🍨甜品櫃旁邊就係自家製意大利雪糕,必試陳皮老薑雪糕,大廚特意用上廣東三寶之二 - 陳皮+老薑,精選遠年陳皮配以老薑搾製薑汁,陣陣陳皮香氣夾雜微辛薑香氣息,清香獨特!另有蜜柑雪葩、蘋果山楂雪葩及榴槤控最愛既榴槤雪糕,嘆盡咁多款中西式美食加甜品,今晚真係滿足又開心!
繼續閱讀
好耐冇嚟呢度食lunch buffet,食物款式大致相同,但係原來而家冇咗生蠔🥹不過佢其他海鮮全部都好新鮮!上次記得蟹腳好味,今次費事食到太多飽到頂住個胃,就決定花多啲啲時間去食蟹腳!不過蟹腳真係好花時間,同埋佔嗰啲好多位拎唔到好多嘢哈哈!朋友話蟹腳好鹹,我自己就覺得好鮮味而且都有肉,不過每一隻都好細,同埋今次嚟嘅體驗就係覺得佢唔係太會refill食物🥲🥲覺得好味嘅讓比拎咗一片之後行咗幾次都冇加,點知臨走嘅時候就refill咗,不過嗰啲已經係好乾硬嘅,燒牛肉都唔好食,好硬豬腳薑亦都冇以前咁入味!燒味方面除咗燒鴨之外,其他都麻麻哋!之前好出名嘅沙田乳鴿都好乾硬,我情願食多幾舊燒鴨青口,螺,蝦等等海鮮都好新鮮!刺身方面就普普通通,不過之後出咗嘅燒鰻魚壽司唔錯!呢嚿牛睇落好鮮紅,但係原來食落都好硬同以往每一次一樣,老豆腐係勁好味!個豆腐滑得來豆味勁香然後我記得呢度嘅豆腐花都好好味,不過今次就太甜,未加糖水已經好似落咗糖整體而言服務質素好好!比較出色嘅係海鮮,不過海鮮嘅size都比較細,亦都唔會太refill食物,好快就得啲鹼性嘅食物!今次連上湯娃娃菜都冇乜點會我估係因為客人少咗唔想咁浪費,而且成本又貴咗因為收入會少咗不過呢度嘅服務態度就非常之好,服務員收碟勤快有禮貌因為小人嘅關係,所以座位都好寬闊今次冇做promotion,只有會員嘅八五折,之前有時會有七五折㗎😝不過我諗佢生意都好難做,始終客人少咗好多🥺
繼續閱讀
湊埋小朋友黎食,就係貪佢5歲以下免費😍Lunch buffet 都超多野食,真係喜出望外。午餐都有生蠔、長腳蟹任食已經難得👍刺身、壽司、沙律、天婦羅、串燒、燒味,竟然仲有乳鴿食,食物種類多。甜品都有成廿款,仲會限時推出火焰雪山蛋糕,另外仲有生果、乳酪、Häagen-Dazs 、自家製意大利雪糕,竟然有榴槤味添😍仲有手調飲品。超多野岩小朋友食,仲有珍寶珠任食😂除左食,仲有全場圖書任睇。另外仲有遊戲區,有得玩充氣彈床,同埋賽車Game。真係完全唔使驚會悶親小朋友🤭
繼續閱讀
一大班朋友開心聚餐,最岩就係食自助餐❤️坐得舒服又可以揀選自己鍾意既菜式,最後仲可以食埋甜品雪糕,真係不亦樂亦也🎊🎊今晚約咗成班朋友去帝逸酒店Alva House 享受✨全新「粵.嚐.食」海鮮自助晚餐💁🏻♀️粵式海陸盛宴🍽️有經典手工粵菜又有時令海鮮,真係令人「粵」食愈「嚐」食🤪🤪Alva House長達270呎長自助餐桌逾60款環球美食😍有齊粵菜手工佳餚、新鮮海鮮、日式鐵板燒、爐端燒及天婦羅、各式烤肉與日式炸物、甜品、雪糕、糕點等等,真係超級豐富💗可以同朋友享受無與倫比既味覺饗宴🎉🔹新鮮水果吧:提供哈密瓜、西瓜、蜜梨、蜜柑、菠蘿等,重點推介車厘子,當造季節食落真係特別香甜爽脆!🔹沙律區:可自選新鮮沙律菜配橄欖油/醬汁,亦有蟹肉芒果牛油果沙律、海蜇手撕雞沙律、泰式鳳爪沙律等~最愛蟹肉芒果牛油果沙律,蟹肉香甜、芒果又多汁,拌以牛油果,有營又滋味!🔹Cold Cut區:多款風乾火腿、芝士拼盤、煙三文魚等,款款都好出色,自製返個Cold Cut Platter絕對無難度~🔹冰鎮海鮮區:提供多款新鮮冰鎮海鮮,數量之多令人目不暇接~有龍蝦、翡翠螺、麵包蟹、藍青口、蟹腳、海蝦,重點推介即開生蠔,海水味濃、蠔肉爽脆飽滿又帶點Creamy,味道層次豐富!🔹日式前菜、刺身、壽司、炸物、串燒:日式區有超級多選擇!!👉🏻前菜推介味付螺肉、中華沙律,細細個已經好鍾意食中華沙律,爽脆又有咬口~👉🏻刺身壽司有三文魚、吞拿魚、油甘魚、希靈魚、八爪魚等,仲有好可愛既迷你魚生丼飯,香蔥吞拿魚蓉拌以海膽、帆立貝等,細細碗岩哂我~👉🏻炸物係現場新鮮即炸天婦羅,夠哂熱辣辣,特別香脆可口!👉🏻串燒同樣由師傅現場即燒,真係睇見都流哂口水,超香噴噴!推介串燒雞中翼,外皮酥脆、咬開鮮嫩多汁~🔹印度美食區:估唔到連印式美食都有!仲要款式都唔少添!照顧唔到人既口味~有迷你薄餅、印度雜菜咖喱、印度羊肉咖喱,可以配搭印度米/印度烤餅同食,滋味再升級!🔹中式美食區:重點推介迷你佛跳牆、蟹粉小籠包!迷你佛跳牆精選鮑魚、金華火腿、花膠、竹笙、花菇等,湯頭清香、鮮不膩口,養生首選~蟹粉小籠包皮薄且蟹肉甜,粒粒飽滿多汁~👉🏻另推介杭州排骨、片皮鴨、中式烤乳豬、豬腳薑醋、香煎魚柳、水煮龍躉片等,豬腳薑醋酸酸甜甜、蛋香夠鬆化,豬腳入味滿滿膠質,啖啖滋味十足!👉🏻仲有即煮粉麵及即滾靚粥,可自選配料,DIY返碗心水粉麵/粥品~🔹西式美食區:必試燒牛肉以及自助餐少見既威靈頓牛,酥皮飽滿厚實、包裹着鮮嫩粉紅牛柳~👉🏻另有紅酒牛尾、海鮮意大利麵、南瓜蟹肉意大利飯、燒羊髀、黑松露粟米餅、忌廉青口、濃香番茄湯配各款西式餐包。🔹飲品區:有自助咖啡機、凍/熱檸檬紅茶等,消滯解膩一流!🔹甜品區:甜魔們絕對不能錯過超豐富既甜品AREA,有接近30-40款甜品不斷供應,色彩繽紛奪目,大人小朋友都愛!👉🏻試勻咁多款甜品,最出色必定係榴槤類!推介榴槤卷蛋、榴槤斑斕慕絲蛋糕、斑蘭榴槤蛋糕、榴槤奶凍,尤其榴槤卷蛋,中間有新鮮榴槤肉,果肉飽滿香濃,口感綿密,未入口已經傳來超濃郁榴槤香,榴槤控必試!!👉🏻另以下甜品同樣出色:意大利芝士餅、藍莓芝士蛋糕、芒果拿破崙蛋糕、蝶豆花果凍、伯爵茶歌劇院蛋糕、雪燕冰花燉蛋白、烏龍茶寒天芝士奶蓋、楊枝甘露布甸、焦糖燉蛋、麵包布甸、超滋潤冰糖燉木瓜雪耳糖水~👉🏻最後點少得食埋招牌自家製意大利雪糕!有創意十足既蘋果山楂雪葩、陳皮老姜雪糕,以及清新解膩蜜柑雪葩,仲有人氣大熱既榴槤雪糕!記得仲有杯裝Häagen-Dazs雪糕~全新「粵.嚐.食」海鮮自助餐現已開放訂座,有興趣既朋友可到酒店官方網站瀏覽更多。
繼續閱讀
新界區酒店自助餐來說,我和家人最常去到帝逸酒店Alva House,因為有供應生蠔、多款海款、多款特色甜品,還有自家製榴槤雪糕、蛋糕等等,超多美食﹗今次「粵.嚐.食」海鮮自助晚餐,美食款式超級多,當我以為已經每款都嚐過之際,怎知道又再捧出新款美食,只恨自己胃口太細,我真的投降了﹗ 首要推介的,是迷你佛跳牆,包括了花膠、鮑魚、瑤柱,雞及腳筋,分別以燜煮至入味軟腍後,再以原隻鮮雞及豬骨熬煮的高湯燉製,湯頭濃郁而清澈,鮮香甘甜,喝後特別暖胃驅寒。接著旁邊有一口爆汁的熱騰騰蟹粉小籠包,以及由新鮮蝦頭熬製成綿滑粥底再配上龍蝦、鮑魚製成的鮮味龍蝦鮑魚粥。高級海鮮美饌,有龍蝦、長腳蟹、麵包蟹、青口、翡翠螺、凍蝦,即開生蠔,鮮甜爽嫩,我至少要食半打。鮮美刺身丼,有厚身帶子、綿滑拖羅蓉、三文魚籽、海膽,超正﹗多款刺身選擇,必食阿根廷紅蝦,鮮甜美味。天婦羅及爐端燒一區超多款式,即炸即燒,確保享用時最新鮮熱辣,另有鵝肝多士。背面一區有龍蝦什果沙律、蟹肉牛油果芒果沙律、海蜇手撕雞沙律、泰式鳳爪沙律,好吸引,忍不住每款試少少﹗另有多款沙律配料、巴馬火腿拼哈蜜瓜、凍肉拼盤及芝士拼盤、原個及切粒水果。燒味區,有中式燒乳豬、即烤即片的秘製片皮鴨、五香牛展、切雞、滷水豆腐等等,乳豬烤得香脆,好快被清,無緣一試;片皮鴨伴以特製的山楂條、喬頭,洋葱絲及木瓜條等特色配菜,特別美味。熱葷區有以新鮮龍躉炮製成辛香兼備的酸菜龍躉片、杭州排骨、花膠鮑螺片、豬腳薑、香煎魚柳、白酒青口、紅酒牛尾、海鮮意大利麵、南瓜蟹肉意大利飯!我特別喜歡酸菜龍躉片及杭州排骨呢﹗烤肉區有燒牛肉及威靈頓牛肉、燒羊髀、豬頸肉等等,燒牛肉入口幼嫩,牛味濃郁,好吸引﹗麵檔提供多款麵餅及材料以供選擇,想吃清淡的烚菜也可以啊﹗印度美食區,有迷你薄餅、印度薄餅烤餅、印度咖喱羊肉及雜菜。記得記得,一定要留肚食甜品,超級多款式,單是榴槤系列已經有幾款,自家製意大利雪糕,有榴槤雪糕、陳皮老薑雪糕、蘋果山楂雪葩及蜜柑雪葩,每款味道都好突出,不用選擇,全都要一球就對了﹗榴槤斑蘭慕絲蛋糕、榴槤卷蛋、榴槤奶凍、炸榴槤球、雪燕冰花燉蛋白、烏龍茶寒天芝士奶蓋、斑蘭椰青糕、青提麻糬蛋糕、Lotus焦糖餅乾咖啡芝士蛋糕、鮮雜果千層酥、焦糖燉蛋、楊枝甘露等等,多不勝數,好彩有朋友同我一齊食,我才可以試多幾款。更特別炮製出麻雀造型的千層馬拉糕,寓意新年發財,好有心思呢﹗還有Haagen-Dazs杯裝雪糕啊﹗除了中西湯、木瓜雪耳湯水、也設有紅茶、檸茶及自助咖啡機,無限供應啊。
繼續閱讀
您可能會有興趣的...