337
17
4
營業時間
今日營業
11:00 - 21:30
星期一至日
11:00 - 21:30
以上資料只供參考, 請與餐廳確認詳情
有關餐廳
食家推介
相關文章
鍾意食餃子嘅餃控們可能都食過呢間餃子店，佢哋越開越多分店，近排發現屋企附近都就嚟開😍 今次去咗中環店，試咗兩款餃子，仲有雲吞，餃子大大隻，好有滿足感！🔸至尊松茸豬肉餃 $80（8隻）呢度嘅招牌餃，必叫！雖然比其他款式餃子貴，但用料靚同好足料，都值呢個價！松茸餃湯餃跟咗一碗狀元九鼎湯，餃子係灼熟，湯另上，所以餃子皮仍然保留到個煙韌度，唔會腍晒！豬肉餡好多，食到啖啖松茸味，感覺好健康又夠飽！點埋松茸醬一齊食更加滋味！個湯感覺比另一間分店淡啲，濃啲更好飲～🔸香煎軟心芝士餃 $58 （7隻）呢度嘅芝士煎餃都好好味！食到好多芝士🧀，入面仲有粟米增加口感！餃子皮煎得香脆，又唔算好油膩👍🏻🔸重慶鮮肉雲吞 $44 （12隻）揀咗小辣，雲吞係細細隻，餡有豬肉同木耳，加埋辣辣地嘅湯一齊食，幾惹味！🔸上湯松茸時蔬 $35食得健康啲叫咗個菜，菜心大大條，幾鮮甜～ 🔸蜂蜜檸檬薏米水 $28/支足料好飲，微甜，加咗檸檬幾開胃～
繼續閱讀
【中西區】【餃掂手工餃子專門店】講到香港夜繽紛，其中一個指標就係蘭桂坊，我同真正哥去到呢頭，發現都幾熱鬧，喺威靈頓街搵嘢食都唔容易。我哋最後去咗呢間喺扶手電梯嗰邊嘅餃子店，好似都有人介紹過，我哋都試吓。以黑白松露合製而成嘅龍鳳松茸餃係佢哋招牌菜，好似好吸引。首先試 $92 嘅八隻「龍鳳松茸雙湯餃」，佢配個「狀元九鼎湯」，松露味香而不濃，個湯都係，好啱我呢啲食得冇咁濃味嘅人。跟住試 $58 七隻嘅「壽喜燒牛肉餃」，好香好有味，但係又唔會食到膩嗰隻，好神奇。佢嘅餃子都係有個特色，就係唔會好濃味。試埋 $68 十隻煎「元貝豬肉餃」，乾瑤柱、芹菜、金針菇、豬肉製成嘅餡，口感好豐盈，好食。嘢飲我試 $20 嘅「自家製山楂雪梨水」，有山楂片、雪梨、甘草、冰糖、麥芽喺裡面，清潤解渴。真正哥就飲 $10 嘅「可口可樂」，夾埋 $248，係絕對唔貴。。。（地址：中環威靈頓街55號地舖）@nomnomdumpling#1amfoodie #foodie #hkfoodie #thatfoodiething #food #instafood #globaleats #dessert #foodpics #followforfollowback #love #eat #1am中西區 #中環 #香港 #餃掂手工餃子雲吞專門店 #nomnomdumpling #餃掂手工餃子專門店 #餃掂 #手工餃子 #餃子店 #龍鳳松茸雙湯餃 #狀元九鼎湯 #壽喜燒牛肉餃 #元貝豬肉餃 #自家製山楂雪梨水 #可口可樂 #龍鳳松茸餃 #1am1342 #1ambackup
繼續閱讀
普普通通嘅餃子究竟可以做到有幾特別呢？！同朋友趕住去睇戲，快手食個晚飯，今次一於試下依間人氣餃子店！六點令鐘去到竟然已經接近坐滿！好彩仲有個角落頭嘅位置！至尊松茸豬肉餃 湯餃子(跟狀元九鼎湯） $80/8隻最想試佢地個狀元九鼎湯，材料相當豐富，用咗粉葛、順德活鯪魚、香山活鯽魚、紅蘿蔔、扁豆、赤小豆、新會陳皮、蜜粥、鮮排骨等熬製！所以當然要叫湯餃子試下！湯同餃子分開上，先試一口湯頭，鮮甜非常！完全唔似平時嘅（餃子湯），而係老火湯！松茸豬肉餃大大隻，飽滿非常！入口好香松茸味，咬落啖啖肉，非常滿足！香煎軟心芝士餃 $68/10隻鍾意芝士嘅我，當然一定要試下軟心芝士餃！$68已經有10隻，性價比好高！芝士餃煎到表面金黃，入口香脆！餡料同樣豐富，除咗有滿滿嘅肉餡外，仲有口感軟綿嘅芝士醬！整體黎講就係惹味香口！但又唔會覺得太膩！日本龍鳳蛋 （配黑白松露醬）$32龍鳳蛋其實係溏心蛋分別配上黑松露同白松露醬。溏心橙黃晶瑩剔透，入口充滿蛋香。再配上松露醬一齊食，估唔到又幾夾！自家製山楂雪梨水 $20除咗有健康嘅狀元九鼎湯外，飲品仲有佢哋自家製嘅山楂雪梨水。材料有山楂片、雪梨、甘草、冰糖、麥芽，滋潤又好飲，啱晒乾燥嘅天氣
繼續閱讀
至尊松茸豬肉餃: 松茸味好香 😍🥹 配豬肉 鮮味非常突出😚 餃子皮好煙韌，啖啖肉好滿足✨ 不愧為招牌口味👏🏼💕壽喜燒牛肉湯餃 : 壽喜燒牛肉味濃郁👍🏼 一口即爆汁 仲有蔥嘅香味✌🏼口感好豐富，超有驚喜!!雙拼湯餃（7隻） : 韮菜豬肉餃及大白菜餃，兩款都好飽滿🥹😋 跟招牌狀元九鼎湯清甜~蜜餞雞翼 (5隻) $33: 蜜餞甜甜 雞翼好入味😇 雞肉好嫩滑😚檸檬蜂蜜薏米水 $20/杯: 清甜解暑 好適合夏天飲👍🏼
繼續閱讀
餃掂手工餃子雲吞專門店餐廳位於港島中環威靈頓街55號地下,餐廳裝修約簡,牆身有搞掂店始創人寫八大金句,餐廳主打餃子雲吞,雲吞餃子每日新鮮製造,還有小食和特色飲品供應,服務員招呼到位。野生松茸素灼餃(7隻)松茸素餃餡內有木耳,小棠菜,隻隻都好飽滿,食落有香濃松茸味。韭菜豬肉煎餃(10隻)外皮煎到焦脆,餡內韭菜和豬肉仍保持濕潤,新鮮嘅韭菜非常惹味。雲吞湯麵(12隻)湯麵配有芫茜香蔥,雲吞皮薄餡靚,新鮮豬肉比例適中,麵身比較幼,食落軟糯.大大碗,非常滿足。四川涼皮四川涼皮香辣惹味又煙煙靭靭,食落好有口感。飲品有山楂雪梨水雪梨水還有麥芽,甘草和冰糖,微甜,微酸,入口解渴清潤。檸檬蜂蜜薏米水新鮮檸檬酸酸地,蜂蜜甜甜地,薏米袪濕去水腫,非常健康的飲品。
繼續閱讀