影片
港鐵朗屏站 B1 出口, 步行約6分鐘
繼續閱讀
電話號碼
52703753
營業時間
星期一至五
07:00 - 00:00
星期六
09:00 - 00:00
星期日
07:00 - 00:00
以上資料只供參考, 請與餐廳確認詳情
食過兩次，兩次都幾滿意。小食價錢唔貴，而且做得味道幾好，雖然唔係咩特別，但勝在香港人良心小店，唔會平價但質素參差，絕對係滿意比足分。推介鹽酥雞粒，熱辣辣又鬆軟，唔會太油。細細份十五蚊，但份量一定夠食，唔怕大晒鬼。另外朋友叫左個邪惡芝士旦包飯，炒飯底加香濃芝士蛋❤️推介！！！！再另外一次晚上上完堂成十點半十一點，老闆都肯比我地成班人買野，係咁加單唔嬲，係的確好多謝佢咁都肯理我地。依條街的小店以前成日轉手，元朗人元朗學生對依個位置一定熟悉，希望小店可以keep住係元朗小區生存，街坊支持各個小本生意仔，咁大家先有多選擇，又有平民小品生活，唔使下下入商場。最後希望小店質素保持，加油！！！
繼續閱讀
今日一次過叫左紫菜包飯、玉子燒、日式滑蛋鰻魚飯、一口牛、雞扒蛋包飯、炸雞小食、吉列牛扒蛋包飯、蒜香芝士大啡菇。咁多樣野食除左玉子燒同日式滑蛋鰻魚飯味道平常外，其他都好吾掂，特別係一口牛同吉列牛扒蛋包飯，d牛真係完全韌到咬唔到！炸雞嘅調味鹽超級超級鹹，個個食咗一啖都忍唔住lur 返出嚟！但紫菜包飯就完全冇味😅佢價錢好平所以本身對d食物冇咩要求，但冇諗過係難食到咁🤦🏻♀️
繼續閱讀
叫咗鹽酥雞，芝士波，我食到啲鹽酥雞有啲益味，以為係壞，咁就同舖頭個男仔講，之後佢地試完味，出嚟同我講返，原來佢地啲鹽酥雞係落咗百里香調味，我諗住佢地會唔會唔知啲雞可能壞咗，都算幾有誠意，嗰個瘦啲嘅男仔又係讀酒店管理，不過佢係香港讀，傾咗幾句計，都係幾有誠意嘅小食店
繼續閱讀
薯格HKD13💁🏼♀️熱浪粉+$ 3以小食黎講，價錢上算係合理，熱浪薯片就食得多，配埋落去新鮮滾熱辣、剛剛炸好既薯格就真係第一次😍🔥😍🔥·薯格剛炸好又熱辣辣，熱浪粉就直頭火辣辣😂薯格食落口惹味，而且份量唔算少，畢竟好多地方都係比得幾塊架喳🙈中意食辣又愛食脆口野既人一定會愛上🤤無錯！我講緊自己呀😝·呢間小店仲有好多不同既燒物比客人揀，例如係安格斯牛串，或者一啲蔬菜類燒物咁🧐尤其係安格斯牛串收HKD 23，令我期望提高，仲諗緊試唔試下🤭
繼續閱讀
這條街接連有幾檔小食店，花多眼亂也不知食什麼好，最終比佢舖頭即燒傳來的燒烤味吸引左，就買一串豬肉串試試。本身想試埋薯條，但學生有點多，怕等很久，就放棄了(((即燒的爐頭)))即燒豬肉串燒($12)：份量只有三塊味道口感不錯，因為即燒仲熱辣辣，不過可以再燒夠久一點，味道會更好。*舖頭姐姐人很好，因為同行友人不食辣就問她可否第一粒唔辣，後尾二粒辣。佢都好好笑容咁話：當然得啦，搽完仲好熱心咁問岩唔岩，唔夠可以再搽*
繼續閱讀