213
82
75
開飯介紹
餐廳環境寬敞，且裝修設計有情調；提供各類西式菜餚，包括沙律、漢堡包、意大利麵等，主打的則是意大利雪糕及斑戟，當中最受歡迎的是珍珠奶茶梳乎厘斑戟，珍珠奶茶味的忌廉，配上輕盈的斑戟。
繼續閱讀
營業時間
今日營業
11:00 - 22:00
星期一至日
11:00 - 22:00
公眾假期
11:00 - 22:00
公眾假期前夕
11:00 - 22:00
以上資料只供參考, 請與餐廳確認詳情
-
網上訂座服務暫停
食家推介
相關文章
🔸燒豬肋骨配薯條 BBQ Pork RiBs & Fries $198用個熟鐵盤上菜，燒豬肋骨熱辣辣，下面堆咗一堆薯角 ，配咗一兜燒汁醬，豬肋骨較瘦但肋肉都好軟糯。燒豬肋骨係配咗啲 紅酒醬汁，望落嚟似茄醬，但係食落係有淡淡紅酒味同鹹鹹地 似燒汁，鋪底嗰啲薯角就十分好味，應該係用咗啲有味嘅蛋醬嚟炸，炸得好香又咸咸哋，好好味。味道：8/10性價比：7/10🔸慢煮紅酒汁牛臉頰扁意粉 Beef Cheek Linguini $198 呢間餐廳做嘅扁意粉做得幾靚，意粉烚得啱啱好，仍然係有嚼口嘅，牛肉就大大嚿有3枚，碩大飽滿，鮮甜牛肉味醇厚溫潤。另加 $40 可食這裡出名的炒雪榚 gelato ，好特別，但我今日無食雪榚，下次要再嚟試吓。味道：7/10性價比：7/10🔸霹靂雞薄餅 chicken piri piri pizza $148薄餅就係一個薄批，焗得好香口，唔好以為係辣嘅，除咗啲紅辣椒粒，如果唔食啲紅辣椒，就一啲都唔辣。 薄餅上面除咗有芝士仲有一層好似雞油咁嘅醬料，食落都幾好味，有啲雞油香味。味道：7/10性價比：7/10▪️🔹環境：就在荔枝角一個商場地下，當街大舖，環境闊偌，係正宗西餐廳，在場有位好親切有禮嘅外藉店員招呼客戶，幾nice😚
繼續閱讀
年三十晚同男朋友屋企都無飯食，所以行年宵市集之前喺附近搵咗間餐廳。當晚人流唔算多，但係有駐唱歌手吸引咗我入去。我哋點咗一個大蝦帶子牛扒set加一個意粉，set有包飲品同甜品。牛扒正常質感，大蝦都算爽唔係雪藏味。帶子意粉都係正正常常，忌廉汁味道唔會太濃。當晚dinner set嘅甜品係柚子Cheesecake，味道OK但就好似喺冰格拎出嚟咁硬掘掘。另外唔知當晚侍應應該係新嚟，落單時問咗牛扒係幾多安士，佢窒一窒咗之後再去問，不過態度都算良好。全晚最欣賞嘅係駐唱嘅兩位歌手，唱得好好聽！
繼續閱讀
放假星期日途經D2 place諗住食餐晚飯，晚上6時入座。入座時舖面唔算多人，本身已經唔算趕時間，諗住遊閒下食個飯，但我由6點05分落單要等到6點55分先有得食，期間仲要叫左兩次侍應跟單先到野食，食物黎到後賣相唔算好，都心知不妙，份量唔多，好彩我唔係大食既人，不過佢地既晚餐性價比真係極低，200蚊有餐湯飲品及甜品，咁既質素收200蚊完全唔抵，出面會有好多選擇。只會講句唔會再黎！如果你趕時間既就可以skip。
繼續閱讀
黑椒汁西冷牛扒意大利原本成碟野唔伏架😩，一上枱係牛扒同意粉好似浸完油之後再上枱比我客，真係有啲接受唔到⋯個兜意粉食咗少少已經放棄🫠朋友點了漢堡包薯條，正常唔係伏但薯條係淋哂唔脆
繼續閱讀
喺D2樓上返工, 好日都唔會去呢度食, 今日有friend 喺附近約我去呢度食lunch. 叫咗個炸雞沙律set lunch, 個鬈毛waiter 比咗碟（烤雞）沙律上枱, 仲話: 唔好意思, 炸雞賣晒, 轉咗烤雞! 講完想調頭走嗰刻, 我就同佢講: “冇炸雞 咁你係咪應該知會我一聲先出餐呢? “ 佢諗住兜, 話: “臨時轉嘅, 當我行過去攞餐時廚房先同我講冇炸雞”(個樣仲要好串咁) 連我個friend都忍唔住仰起頭望住佢, 我話呢個唔係理由囉~ 佢就問: “咁烤雞係咪唔啱食? 要唔要轉第二樣野? “ 最後我冇轉 照食, 怕又要等 😓 呢個鬈毛waiter 超冇禮貌唔係第一次, 我尋日記錯日期 以為約左我個friend 係尋日, 所以我lunch time 去到餐廳門口, 呢個鬈毛waiter 企咗喺餐廳入口, 我就同佢講: lunch book咗枱 兩位嘅, 唔該. 佢答我: 咁~ 你係咪應該要提供返D資料呢? (嘩! 串到 😡😡) 佢應該見我面色一沉, 就話: “我幫你睇睇~ 系統顯示係聽日喎, 改咗今日?” 我仲同佢講咗聲唔好意思 我搞錯咗~ 就離開其實野食都唔係特別好食, 唔值得比呢個價錢. 我決定以後唔會再黎呢間食野 😤😤😤
繼續閱讀