303
88
138
開飯介紹
於1969年創立的老字號港式扒房,以熱騰騰的鐵板呈上親民價扒餐,再淋上香濃的黑椒汁或燒汁,非常惹味。
繼續閱讀
營業時間
今日營業
11:30 - 23:30
星期一至日
11:30 - 23:30
以上資料只供參考, 請與餐廳確認詳情
招牌菜
食家推介
相關文章
.#foodie #hk #hkfoodie #HTB美食推介【太子老字號扒房|熱辣辣懷舊港式味道💥】🐨牛柳餐 $135推薦度:⭐️⭐️⭐️無論係點餐、揀汁定執野都係好急,所以入去之前請諗家食咩要咩,以免受到不禮貌對待~上菜塊扒大約4成熟,上枱大約過1分鐘就會問大家要燒汁定黑椒汁,一淋汁記得拍片打卡,大約2~3分鐘就會完成,到時就大約6成熟。小編認為味道只係中規中矩,有濃郁嘅牛味,但就偏淋身無咩口感~黑椒味係偏淡,但令到肉味出啲都係好事嘅🫡.🐨雪糕紅豆冰 $16推薦度:⭐️⭐️黎到唔食雪糕紅豆冰對唔住自己,雪糕指定係雲呢拿味,比較硬食好冰味道就唔係好足!紅豆就一粒粒分明,要比啲時間混一混~.⌫另收加一服務費-----☼-----☼-----☼-----☼-----☼-----金鳳大餐廳 📍地址:太子荔枝角道102號金鳳樓地舖🐨推薦度:😋😋😋/5 💰人均價格:$100-150🪸環境:👾👾👾🗣️服務:👍🏻👍🏻📸食物打卡度:💡💡🛠️分類:#HTB太子 #HTB扒房 .#太子美食 #太子 #扒房 #紅豆冰 #雪糕 #牛柳 #美食推介
繼續閱讀
某日睇到影片分享網站介紹呢間位於太子、歷史都幾悠久下嘅港式鐵板扒房。十年前食過一次,但印象唔深。得知朋友從未食過呢間經典餐廳😮,決定帶佢去試一試😏。估唔到平日星期四晚上5點半嚟到,當時已經半滿,5點9更加爆場!!😯在場人士大部分都食鐵板,當然除左肉外,仲有意粉供選擇。點餐後職員送上熱辣辣嘅餐包同紅湯。紅湯同平時飲開嘅羅宋湯唔同,質地稠D、偏向蒜味、少少辣,我個人麻麻地。美國安格斯肉眼扒餐(5成熟)$193肉眼扒比較薄身,所以叫左幾多成熟都無分別。食落真係食到牛味,亦feel到唔似有「拿」過,不過如果中意啖啖肉嘅朋友,應該就唔太滿足。西冷牛扒餐(5成熟)$133呢塊西冷厚身好多,中間仲有少少紅,食得出有明顯「拿」過,不過唔係好重手,唔會有怪味;雖然食落無牛味、肉味亦偏淡,志在滿足下食肉嘅感覺😆。我一直都唔中意食鐵板嘅薯條,因為唔脆之餘,又比塊扒壓到爛蓉蓉。配菜嘅翠肉瓜就生d,放到最後食就啱啱好。餐廳抽風麻麻,淋完汁果一刻油煙會好犀利。職員上左鐵板後,會幫忙倒汁。每個餐都跟餐飲,而且凍飲都唔駛加錢。二人連加一共$359,可以電子方法付款。
繼續閱讀
餐廳已經有五十幾年歷史,一入到去就見到70-80年代舊式扒房既裝修風格叫左餐之後好快就有熱辣辣既餐包,個包夠哂鬆軟,而羅宋湯飲落好濃既蕃茄味,入面仲有好多配料個侍應會提你拎起張紙巾,先會淋黑椒汁落塊扒到,黑椒汁淋上去既時候仲有jaja聲同好香,仲可以加蒜蓉落塊扒,會更加香😍😍🔆美國牛小排 $185肉味香濃,塊扒煎得夠香🔆貴族牛排 (美國牛肩肉)$208牛好厚身,一啲都唔煙韌,好多汁🔆黑牛 $16一罐可樂加一球朱古力雪糕,懷舊飲品🤣總括嚟講,大件夾抵食👍🏼👍🏼👍🏼
繼續閱讀
想鋸扒除咗去西餐廳,又點少得富有懷舊特色嘅中式扒房呢😋今次就去咗都有返咁上下歷史嘅「金鳳大餐廳」太子總店👫🏻本身都預計要等一陣位,未行到去餐廳離遠已經見到好多人係門口🫣最後等咗10 幾張枱終於到我哋啦,真係好期待🤩入到去餐廳面積都唔大,枱同枱嘅空間都幾逼,同埋如果你兩個人去,通常都要搭枱,不過我吃的是情懷所以冇咩所謂😚牛油餐包 叫完嘢食嘅瞬間,職員就放咗2 個餐包俾我哋,超快手💨仲要係最傳統個隻餐包🥹❤️個包暖暖地,好鬆軟,完全冇花巧嘢,但我就係要呢啲!😤搽完啲牛油秒速咁溶哂,好滿足,我就咁食都可以食哂成個😝餐湯(羅宋湯、忌廉湯)上完餐包嘅下一秒就上埋碗湯😂我哋叫咗紅湯❤️同白湯🤍各一碗,羅宋湯有少少辣味,仲有滿滿嘅生菜同胡蘿白,好足料😋忌廉湯個質感就偏稀,但味道都係好creamy,點埋餐包一齊食仲正👍🏻牛柳餐 $140全晚最期待嘅畫面就係職員係塊鐵板熱辣辣,燒到㷫烚烚嘅時候倒啲汁落去,「炸」~~💥一聲真係好治瘉🫣☺️佢一份有3 塊牛柳,每塊都係厚切,肉質好淋,黑椒汁辣辣地好香口,超夾,個人就覺得叫5 成熟啱啱好,因為食到最尾塊鐵板都會㷫熱塊牛扒🤓每份扒餐都配以薯菜,對於鍾意食淋身薯條嘅我嚟講真係好滿意,薯條索哂黑椒汁,好惹味😋翠肉瓜都好淋,絕對係性價比極高嘅一set🤩貴族牛扒 $220 + $2(加蒜茸)另一塊就叫咗個貴啲嘅貴族牛扒,佢就一塊過,而且都係超級厚身,不過可能佢太厚身,所以即使叫咗5 成熟,佢入面都仲係好生,我地要每塊切開用塊鐵板燒返熟啲先食🤣🤣可能我唔識嘢,我覺得呢塊嘅肉質同牛柳差不多,都係好淋👍🏻今次試咗大家都推介嘅「多蒜茸」🧄配埋個蒜蓉汁,蒜蓉嘅份量果然冇令我失望,每一塊牛扒點汁再加啲蒜蓉一齊食,每一啖都好滿足😋.總括而言,嚟食中式扒房啲牛味都會俾啲濃味嘅汁遮蓋咗,所以我個人覺得叫價錢低啲嘅套餐都可以(因為我覺得牛柳同貴族牛扒食落味道都差不多🤣)同埋如果唔介意口臭🤭一定要加蒜蓉,係重口味之選🥰大家想食嘅建議早啲去,如果晏咗就要等一陣啦🫣
繼續閱讀
最近我去左一間舊式香港扒房西冷牛扒餐 $140烹調得非常出色,揀左5成熟,牛扒煎至5成熟岩岩好,內部肉質鮮嫩多汁,配咗黑椒汁。我特別加了蒜蓉,這兩種調味料增添左牛肉的香氣和風味,食落好香好好味。跟餐有羅宋湯和餐包及餐飲,食曬一個餐,絕對好夠飽!美國德州頂級西冷牛扒餐 $194牛肉質地更為優質,比起西冷牛扒$140,呢個餐牛扒係冇醃製過,牛味重一點,口感更加出眾。牛扒經過烹調後保持了鮮嫩的質感,搭配洋蔥汁和蒜蓉,我自己個人喜歡食普通西冷牛扒多啲~一樣有餐湯餐包餐飲跟配~這間舊式香港扒房所提供的牛扒餐具有濃厚舊香港風味,給人一種懷舊的感覺,一個值得一試的地方。
繼續閱讀