0
2
2
| 餐廳: | 翠華Eatery |
|---|---|
| 資訊: |
為推動全港減鹽減糖新飲食文化及新生活態度，環境及生態局、降低食物中鹽和糖委員會及食物環境衞生署食物安全中心推出了「少鹽少糖食店計劃」，參與食肆會提供少鹽少糖選項予顧客，部份更會提供特定減鹽減糖菜式。參與減鹽減糖食肆會獲發計劃標誌，以供張貼於店舖內，供顧客識別。詳情可在此瀏覽：https://www.eeb.gov.hk/food/cn/committees/crss/restaurants.html
以上資料只供參考, 請與餐廳確認詳情
翠華前幾年係香港一時無兩，分店偏佈港九新界，梗有一間係左近，甚至成為上市公司，到今日分店銳減到得幾間。今日如果唔係過珠海前想食嘢都未必食到翠華，望下餐牌個價錢都幾嚇親人，普普通通一個咖哩飯都成百蚊，睇到個生滾煲仔沙爹牛肉麵幾特別，同比較平，不過都要68蚊，決定食佢。來到個麵唯一特別之處係用煲仔裝住，成個麵同平時沙嗲牛麵係無分別，質素就一般般，價錢取勝，夠哂貴。
繼續閱讀
去到機場見到翠華走去食早餐, 翠華食咗咁多年， 食物已經越嚟越差， 機場所有餐廳都越做越好, 而翠華價錢絕不比其他餐廳平， 一份早餐正常60蚊以上！ 但真係越嚟越難食！ 早餐跟餐包問佢攞牛油要加兩蚊， 請問這是 一間什麼餐廳！！凍飲加錢就正常！ 喺香港你有餐包就要跟牛油， 這是常識吧！ 究竟你係想呃遊客錢定係覺得個牛油真係好貴 要咁樣收費！ 下次嚟食會唔會刀刀叉叉紙巾都要收費！ 不過絕無下次！ 一間咁大曾經成功過嘅餐廳可以做到咁失敗！ 簡直失敗之中嘅失敗！Bye 翠華!
繼續閱讀
今日經過翠華，又未餓，唔想食佢既飯，最後叫左個奶油豬！$20 😬😬😬唔算貴，不過味道真係好一般，個包又硬，而且佢又唔算焗得熱！成件事似自己買左個厚身既麵包，再查練奶同牛油。😂😂😂只能說無咩特別。不過係港珠港都無其他選擇食咩啦
繼續閱讀
翠華...呢個名我細細個就聽過啦...呢句野絕對唔誇張....今時今日香港....18區..一定最小一間翠華旅遊區...例如尖沙咀有3-4間都唔出奇今次被安排到港珠澳大橋呢面見客...成個大堂....除左7-11..就係翠華係餓既情況..好啦...翠華我來啦...食香港人最愛既焗豬72蚊...等左30分鐘...好新鮮...熱辣辣味道好正常...但係...D汁實在太小太小...下面D飯完成無可能有汁拌到....塊豬扒算大但唔夠厚身..以呢個價錢黎講..算係失望由於成個大堂得一間餐廳..所有要食野既遊客都集中係到..環境都偏向嘈雜..食完都唔想坐多陣休息了
繼續閱讀
15-6-2019 (Sat)晚,同老公返到香港,由於大家都唔肚餓,但都要食少少嘢,過晒入境關到出口附近,原來有間翠華,佢話不如喺喥買一份餐兩個人食.啊.咁佢買咗$60.00嘅XO醬海蝦球撈麵同$20.00一支嘅凍奶茶.等咗4分鐘,職員將XO醬海蝦球撈麵拎出嚟,睇見份量唔多,海蝦球就大大隻,我飲啖湯,好重味精味,之後都飲到魚味,但胡椒味更重,最後重見到有好多胡椒.撈麵味道好濃,但好彩唔太鹹;海蝦球爽口但冇味,靠加XO醬食,但XO醬莫講話唔辣,就連惹味都冇,想點?味道: 0.78分凍奶茶就好正,茶味夠同滑,不過唔夠凍.味道:5 分
繼續閱讀