影片
港鐵尖沙咀/尖東站 B2 出口, 步行約1分鐘
繼續閱讀
電話號碼
23366338
63823683 (WhatsApp)
營業時間
今日營業
11:00 - 22:30
星期一至四
11:00 - 22:30
星期五至六
11:00 - 00:00
星期日
11:00 - 22:30
以上資料只供參考, 請與餐廳確認詳情
有關獎賞計劃
相關文章
約朋友食飯想搵間地道港式風味嘅大排檔， 突然網上見到港久新街，位於尖沙咀金馬倫道5號太興廣場2樓。 在openrice book位， 仲有85折添！ 店內裝修以港式八、九年代大排檔風格為主， 餐廳主打串燒、潮州鹵水和港式小菜。 當晚我們四人點了潮式鹵水拼盤$258、 串燒拼盤$388、 蒜蓉燒生蠔四隻$67.2、 雞泡魚乾$48、 蒜蓉燒茄子$48、 串燒翠玉瓜$28、 串燒鮮菠蘿$56、 香辣川式皮蛋$58、 潮式蠔仔餅$118、 串燒交通燈$44、 竹蔗茅根水$28、凍檸茶$20、 藍妹6杯$408、 意大利紅酒$168。 ▪️潮式鹵水拼盤 ～ 鹵得好入味， 鵝片和豬大腸都做得唔錯。 ▪️蒜蓉燒生蠔 ～ 燒生蠔新鮮肥美， 但如果可以多啲蒜蓉更加好。 ▪️雞泡魚乾 ～ 雞泡魚乾口感太硬。 ▪️串燒翠玉瓜 ～ 翠玉瓜味道清甜。 ▪️香辣川式皮蛋 ～ 皮蛋晶瑩剔透， 微辣開胃。▪️串燒拼盤 ～ 串燒拼盤做得幾靚，打卡一流。 ▪️串燒鮮菠蘿 ～ 燒菠蘿香甜多汁， 厚切有口感。 ▪️潮式蠔仔餅 ～ 蠔仔餅炸得幾香，但蠔仔太少了。 ▪️串燒交通燈 ～ 紅青椒釀蝦滑， 配合起來爽甜美味。 ▪️蒜蓉燒茄子 ～ 燒得好惹味， 口感軟滑。 ▪️竹蔗茅根水 ～ 自家製竹蔗茅根水， 味道清甜。 ▪️凍檸茶 ～ 這裏的凍檸茶比較少冰，我喜歡。 ▪️藍妹 ～ 點了六杯藍妹，$68杯， 大大杯的。 ▪️意大利紅酒 ～ 紅酒幾底飲。 整體食物質素唔錯， 服務亦好。🏷️溫馨提示～ 整個用餐體驗均屬個人分享意見， 只作參考😊。
繼續閱讀
不收開瓶費是賣點👍🏻. 炸豬手不錯~如果炸得更脆更好. 提議多些佐酒小炒類小菜~如：黃金蝦仁/涼瓜; 支竹冬菇炆火腩/雞翼等等. 辣子雞雖然夠辣但味道不夠正宗. 有串燒及燒蠔值得加分，但燒茄子做太生! 亦不夠正宗！可能是上樓舖，沒有明火煮食大牌，小菜鑊氣不夠！建議多加一些港式本地菜，如：美極煎肉排，飛沙雞翼，栗米斑球，鼓椒牛柏葉等！並且多些普通啤酒，始終酒水價錢略嫌太貴！整體不錯的新派餐廳，希望稍加改善~繼續努力!
繼續閱讀
去尖沙咀試過呢間大排檔，幾多款式每樣嘢都好大跌，所以三五知己都會上去坐低先叫小菜！佢圓枱夠大張，所以坐得比較舒服係叫咗蠔仔粥好多蠔仔味道啱啱好，加埋胡椒粉非常之好食！！呢個值得推介好食🌟🌟🌟🌟🌟💯炒芥蘭，又係好大碟抵食味道好食，唔會個淡同硬！芥蘭又係推介嘢好食🌟🌟🌟🌟🌟💯潮州滷水拼盤就一般般，味道唔係太足夠，份量夠大碟好食🌟🌟🌟🌟最好食，佢係推介蒜蓉燒蠔，19.8一隻勁好食勁抵呢個真係要叫每人三隻差唔多好食🌟🌟🌟🌟🌟💯平均消費$300 至500
繼續閱讀
去日本旅行返黎搵老友派下手信，加上小弟就黎生日老友話請我食飯，平時食飯大多數都係日本餐同西餐，咁日本返黎就當然唔食日本餐啦，網上見有介紹呢間係尖沙咀既室內大排檔好似幾多野食，環境都幾靚，就預先book位黎試下啦。坐底睇環境算幾大，都有d卡位坐到6人，位與位之間都有d距離唔會好迫，所以算幾舒服，我地3個人都安排坐到張6人卡位，所以都坐得舒服，睇下餐牌都有唔少款式小菜，仲有d串燒類，價錢都唔算好貴，落單係用QR code，我地就可以慢慢睇慢慢點。蒜蓉燒生蠔落單5分鐘左右就到了，上菜速度好快，食落口新鮮熱既，唔係整定，蠔都算幾肥美，蒜蓉量都唔少。雞泡魚乾平時日式居酒屋既佐酒小食，燒過既魚乾幾香口，係好似細塊左少少。滷水墨魚拼鵝腸墨魚口感唔錯，鵝腸腍左dd無平時滷水檔買既咁爽口，有兩大塊豆腐鋪底。大廚脆皮豬手豬手皮脆肉唔乾，成隻豬手份量唔少。串燒拼盤有扇貝有海蝦有燒白鱔，仲有豬牛雞各2串，扇貝好大隻，蒜蓉都足，如果再加少少粉絲就正啦，海蝦肉質好厚實，其中1隻硬左dd，2位老友都唔食蝦益晒我，燒白鱔皮脆肉嫩，仲加左少少燒汁，豬牛雞串燒就正常發揮無咩好講啦。避風塘白飯魚白飯魚都幾大條，炸得夠脆，送酒1流。蒜蓉燒茄子呢個茄子燒既火喉差少少，有d位未燒得夠熟略為難夾，調味係唔錯的。蒜蓉炒菜心呢個唔記得影相，菜心幾大條幾甜，炒得唔錯。整體上食物質素唔錯，環境都舒適，呢段時間訂位仲有85折，有機會可以再黎食，多謝2位老友請客。
繼續閱讀
帶台灣嚟嘅朋友食吓香港地道菜式，一行7人揀咗呢間地點方便佢嘅餐廳。懷舊椒鹽炸鮮魷炸得好香口好脆，裏面嘅鮮魷仲好嫩滑，不過椒鹽味可以再重少少會更加惹味。秘製薑葱蠔煲味道都唔錯，蠔既份量係超級超級，多到食極都食唔晒嘅感覺。星洲炒米粉味道有啲奇怪，唔知係唔係落錯咗調味料，有一種好重嘅香料味，同平時食嘅星洲炒米味道好唔同。雙拼 滷水鵝肝拼鵝片味道唔錯，份量適中。乾炒豬頸肉河其中一個台灣朋友唔食牛肉，問侍應可唔可以轉其他肉，佢話可以轉肉片或者豬頸肉，我哋揀咗豬頸肉，味道唔錯，火候夠，炒得好味！椒腐通菜正常發揮秘製沙律醬燒骨呢個係全餐最好味嘅菜式，外面嘅醬甜甜酸酸好開胃，排骨外面炸得脆卜卜，裏面嘅肉仲係好嫩滑，建議一上枱要即刻食晒。沙嗲金菇肥牛粉絲煲味道一般，沙嗲味唔夠，肥牛偏細塊
繼續閱讀
您可能會有興趣的...