62
1
1
港鐵柯士甸站 A 出口, 步行約4分鐘
繼續閱讀
電話號碼
23882240
營業時間
今日營業
17:30 - 02:00
星期一至二
17:30 - 02:00
星期三
全日休息
星期四至日
17:30 - 02:00
以上資料只供參考, 請與餐廳確認詳情
食家推介
相關文章
今晚一齊尋找香港味道🇭🇰，去到佐敦嘅「糖水檔1987」，睇落紅白相間嘅店面都頗有現代感，其實係源自1987年開始創立既老式粥鋪😮，經過第一、二代老闆經營，而家由一班熱愛香港美食嘅後生仔接手老店💪🏻，希望打造成街坊嘅宵夜聚腳地，的確見到唔少街坊堂食外賣。小小嘅店面卻載有香港人情味同本地美食❤️，包括粥品、懷舊小食、經典小炒同傳統糖水等，希望大家多多支持，將呢份情懷延續落去。————————————————👅 鴨腎菜乾豬骨粥（$38）👍🏻招牌必食之一！老配方傳承📝，長時間熬製連米粒都化開，鴨腎、蠔豉、菜乾及豬骨呈現濃郁味道，有種清熱下火嘅感覺👅 XO醬炒蘿蔔糕（$36）👍🏻採用手工自家製嘅香辣XO醬🌶️，正常辣都有種刺激感，蘿蔔糕有臘腸粒，食落有蘿蔔味，仲有一大堆爽脆椰菜同芽菜，讚讚.👅 豬皮蘿蔔魚蛋（$29）👍🏻獨家秘製車仔醬汁，由多種香料調配，香辣之餘又甜甜地，蘿蔔軟腍多汁🥘，豬皮同魚蛋都好入味，還原傳統港式滋味👅 鮮奶桃膠雪耳燉蛋白（$53）👍🏻幾種材料加堆一齊就好滋補養顏🌸，桃膠同雪耳都燉到軟軟腍腍，燉蛋白滑捋捋，吸收晒奶香味.👅 芒果大滿足（$56）👍🏻一碗有齊仙草、芋圓、小丸子、芋圓、芒果同椰果，啱晒心大心細嘅朋友🥰，覺得小丸子最好味，尺寸巨大化增加咗軟糯糯嘅口感，加埋淡奶更好味———————————————— 🚩總結：熱愛傳統🫶🏻不斷改良嘅糖水檔———————————————— 🌟注意：如果鍾意食佢哋嘅XO醬，可以$129/支加購帶返屋企————————————————📍 糖水檔1987地址：佐敦文匯街25號文景樓地下C號舖.🗺地區：#bem佐敦📥分類：#bem港式💰人均消費：#bem_51至100蚊
繼續閱讀
好似好耐冇食港式糖水咁🤣不過雖然呢間舖頭名叫糖水檔 但好似佢啲港式小食款式同樣多😂舖頭已經有三十幾年歷史但開店老闆好似因腳患冇做lu 而家由一對情侶繼續傳承落去~👍🏿白雪女皇(凍) $49白雪女皇系腐竹桃膠糖水配燉蛋白成碗糖水好足料 啖啖都筆到桃膠🤭腐竹已經煲融晒喺糖水度 口感非常滑溜🥰食到香濃腐竹味 調味唔假 系清甜嗰種❤️入面嘅桃膠都系滑嘟嘟嘅😛帶少少爽口 食落有咬口得嚟唔會太硬實底部就系燉蛋白同樣非常滑溜😚帶淡淡嘅奶香 甜度啱啱好👍🏿成碗糖水確實幾好食🤤味道: 8.5/10性價比: 8/10👍🏿椰汁芒果爆珠西米燉蛋白 $56細佬👦🏻揀咗佢至愛嘅芒果好唔容易先氹到佢比史努比試下味😂入面有大量芒果 清甜多汁西米露充斥住滿滿嘅椰香 口感帶少少黏稠🤭芒果爆珠嘅口感好過癮🤪一啖食晒所有配料味蕾上頗大衝擊🤣幾有層次感 少驚喜底下同白雪女皇一樣系燉蛋白整體甜度亦系啱啱好👍🏿味道: 8/10性價比: 8/10👍🏿XO醬炒蘿蔔糕 $36Menu上面寫住用咗手工製XO醬嚟到已經聞到好香🥰蘿蔔糕比較軟糯 食落口感綿感~食到少少蘿蔔粒 粉感唔會太重😚亮點喺個XO醬度應該用咗蝦米瑤柱等等嘅配料炒香而成蘿蔔糕連埋芽菜同椰菜一齊炒每個角落都佔滿XO醬食落辣得嚟好惹味🤪而且炒得非常之香~雖然佢寫系小辣(好似可以加辣嘅)但史努比已經覺得好辣🫣不過佢炒得幾好食🤣芽菜keep到爽脆 吸收晒XO醬嘅精華味道好香😆而且食落唔會話好油膩👍🏿唔怪之得寫住店主推介啦🤭味道: 8.5/10性價比: 8.5/10👌🏿豬皮蘿蔔魚蛋 $29呢個就相對比較失色略嫌咖喱味唔夠香濃 感覺上甜度重啲魚蛋唔夠爽彈😗蘿蔔就煮得好夠淋😆不過好似甜度比較重 之後會食到有啲辣味滲出嚟~史努比唔食豬皮屋企人話普通啦有對比之下 呢份嘢就顯得冇乜特別🤣味道: 6/10性價比: 6.5/10👍🏿吉列炸香蕉(6粒) $32第一啖食落去覺得佢好甜😳但佢唔系死甜嗰種 而系香蕉擺到好熟好熟嗰種甜味食食下就會get used to佢嘅甜😂炸粉唔太厚 酥脆得嚟唔會好淋油香蕉依然有口感 唔會話熟到淋bla bla唔加朱古力醬就咁純香蕉嘅甜味都夠🤭史努比覺得味道幾新奇 可以一試嘅🤣味道: 7/10性價比: 7.5/10*不設加一服務費*雖然舖頭就唔算好大 但史努比見7點已經滿座睇嚟呢度應該好多街坊嚟🤣以佢嘅質素真系值嘅 價錢又合理喎如佢所講系宵夜聚腳地🤭飯後好地方~大家去開佐敦嘅話不妨都去搵下佢🤪一開頭見到menu上面有XO醬賣諗住試咗好食先買點知走嘅時候就唔記得咗🥲😂整體評分：味道: 8/10環境: 7.1/10服務: 7.8/10衛生: 7.8/10抵食: 7.7/10
繼續閱讀
糖水檔1987 Tong Shui Dang 1987📍佐敦文匯街25號文景樓地下C號舖萬聖節夜我同朋友放工後去行街，買到兩樣心頭好，花多眼亂睇耐咗，發覺啲餐廳一係截單，一係已準備閂門。於是我哋喺google map查下附近有無餐廳或食店未閂，搵到呢間叫糖水檔1987嘅小店，睇過menu都有想試嘅小食，所以就去咗食晚餐(宵夜)。店員親切友善，安排我哋坐喺店內用餐。睇menu時先知道呢間小店好有故事，前身係一間已有30餘年嘅糖水檔，不過因為老闆有腳患無辦法繼續經營，而又有一對有心情侶食客有意傳承，所以前老闆都毫不保留將秘方傳授俾佢哋。新檔主不斷學習同改良食譜，不論糖水定小食都富有香港特色，而且用心經營，真係好值得支持。 💰$36XO醬炒蘿蔔糕 🧆我哋喺店主推介menu揀咗兩款人氣主食，其中一款就係XO醬炒蘿蔔糕，特色係即叫即炒，口感外脆內軟，加入芽菜同蔬菜兜炒，香氣撲鼻。佢哋用咗手工製作嘅香辣XO醬炒切成一口一件嘅蘿蔔糕，兩者都有獨特嘅香味，XO醬微辣帶後勁，仲有大量蝦米，味道真係唔錯。果然係手工製，真係有一試愛上嘅感覺，難怪佢哋會獨立賣一樽樽嘅XO醬啦！ 💰$38鴨腎菜乾豬骨粥 🥣第二樣主食係檔口招牌菜，養胃健脾嘅綿滑老火粥。呢款鴨腎菜乾豬骨粥傳承前老闆嘅秘方，十分足料，而且因為長時間熬製，熬出食材精華，所以味道份外濃郁。呢晚入面我最鍾意呢個粥，除咗因為我好鍾意食粥外，就係因為佢真材實料，豬骨都俾咗好幾嚿，菜乾亦出晒味，認真大滿「粥」！ 💰$48椰汁芒果西米燉蛋白 🥭甜品方面，我揀咗椰汁芒果西米燉蛋白，其實我一般都唔太好中式甜品，但椰汁西米呀、燉蛋燉蛋白呢啲就合晒我心意，加埋芒果，真係非常豐富。店舖內有架還原初代糖水車仔檔嘅糖水車，所有甜品都係喺㗎車仔度調製，非常有特色。甜品以燉蛋白做底，淋上大量椰汁西米，再用顏色鮮艷嘅芒果粒鋪面做點綴，賣相都幾靚。芒果肉帶天然嘅果甜，少少酸味都無，同椰汁西米好夾。墊底嘅燉蛋白口感嫩滑，絕對唔係實定定，而且帶有淡淡嘅蛋白香氣，真係無得輸！ 💰$39灰姑娘 🍮朋友話去糖水檔點可以唔試啲傳統糖水，所以佢揀咗凍生磨芝麻糊配燉蛋白，話要一試傳統嘅芝麻糊。芝麻糊唔會過份杰身，芝麻味濃香，睇到好多細細粒嘅芝麻碎碎。朋友食完豎起拇指，話估唔到有人會諗到最芝麻糊加落燉蛋白度食，傳統同新派嘅配搭令佢好滿意。
繼續閱讀
好耐冇食港式糖水啦見到呢間糖水舖除咗有港式糖水之外，仲有多款港式特色小食🇭🇰一於約朋友嚟呢度食宵夜，聚一聚😆叫咗三款小食同兩款糖水😛😛🔸 XO醬炒蘿蔔糕本身以為係細細份嘅小食，點知一嚟到覺得好大份XO醬非常香噴噴🤤 除咗有XO醬蘿蔔糕，仲加咗芽菜同椰菜入去炒每樣食材都吸收到XO醬既精華炒得香噴噴，好夠鑊氣😍XO醬落得好足，見到有蝦米，真材實料👍🏻🔸 XO醬炒燒賣燒賣切成一半，先炸再加入XO醬，芽菜同椰菜入去炒非常惹味開胃😆😆如果鍾意食辣嘅朋友仲可以加辣🌶️🔸燒汁蒜片牛粒份量比想像中多牛粒juicy，有牛肉香味配上燒汁蒜片，調味好適合🔸多芒楊枝甘露🥭因為好鍾意食芒果，所以揀咗多芒果個款楊枝甘露椰奶味比較重芒果夠甜☺️仲有好多碌柚，碌柚唔會苦澀整體呢個甜品比較清甜🔸灰姑娘(生磨芝麻糊配燉蛋白) 芝麻糊呢款懷舊甜品，每次嚟到糖水舖都會想食今次就揀咗配埋燉蛋白呢款蛋白滑嫩又香甜芝麻糊磨得幼細，甜度啱啱好👍🏻
繼續閱讀
門口既裝修玩味十足，裡面既顏色以紅白為主，牆🧱上面仲有唔少搞鬼同勵志既金句，令人食得幾開心😂 除左提供傳統懷舊地道小食之外，當中仲加左啲新元素，幾有新意～ 味道方面都唔錯ga👍🏻(5 😍 係滿分，🤩係半分）白果腐竹雪耳桃膠 🟡 - $48 (好味指數：😍😍😍😍)呢道既糖水🥣都低糖，所以會健康啲～ 個白果腐竹糖水🥣味道清甜，啲腐竹煮到溶晒，所以糖水質地係奶白色既，質感綿滑濃厚，豆味清新～ 而且用左冰糖🧊去煮，感覺更加順滑滋潤～ 另外仲有爽滑既雪耳同有平民燕窩美譽又煙韌既桃膠，口感幾豐富～ 如果甜啲個香味就更加出～芒果王子🥭 - $56 (好味指數：😍😍😍😍)芒果王子🥭係由楊枝甘露、椰果🥥、蘆薈同桃膠整成，啲芒果🥭芳香馥郁酸酸甜甜咁，有汁亦都有果肉👍🏻 西柚🍊味道清新又有咬口，一咬開就有果汁🍹喺口腔四散既感覺幾正🤤 椰奶🥥🥛香甜，西米煙韌軟糯，蘆薈清甜，桃膠爽滑煙韌～ 整體口感滑潤，甜而不膩幾好👍🏻XO醬炒蘿蔔糕🔥⚪️🥕🍰 - $36 (好味指數：😍😍😍🤩)比較少食炒既蘿蔔糕⚪️🥕🍰，所以叫左黎試下🤤 蘿蔔糕⚪️🥕🍰質感比較厚實，有少少火腿粒🥓，如果蘿蔔味⚪️🥕再出啲就更加好～ 而炒過會香口啲，亦多左啲焦香，size切到一啖就可以食到👍🏻 加埋XO醬就再濃味啲，不過個XO醬偏鹹為主，如果再鮮味啲就更加好～鴨腎菜乾豬骨粥 🦆🥬🍖🥣 - $38 (好味指數：😍😍😍😍)個粥🥣有唔同層次既鹹香，香濃入味～ 質感軟綿，唔會過稀或者過杰，又可以潤肺🫁 啲鴨腎🦆肉色紫紅，肉質厚實又彈牙～ 菜乾🥬喺蒸乾左啲水分之後，香味濃郁又甘甜，配埋肥瘦適中又油香既豬骨🍖，幾有層次同埋煲得夠火候🔥好味指數：😍😍😍🤩推介指數：😍😍😍🤩
繼續閱讀