15
1
2
港鐵朗屏站 D 出口, 步行約11分鐘
繼續閱讀
開飯介紹
以校園為裝修主題的港式甜品店，推介花心小冰，能夠一次過試到芒果及士多啤梨等四款西米冰。
繼續閱讀
營業時間
星期一至日
14:00 - 00:00
以上資料只供參考, 請與餐廳確認詳情
之前喺將軍澳去過聰嫂，覺得佢個龍眼冰好好食。元朗近排開咗間聰少，唔知係咪同一間，於是就去試下。同先生叫咗一個合桃露同埋湯圓，正到好交關! 好耐冇食過咁濃合桃味嘅中式糖水，有生磨既感覺。而個湯圓湯既薑味同甜味簡直調到一流，好香好濃，湯丸係芝麻餡，都非常好食。我哋今晚係食完煲仔飯再嚟呢一度食甜品㗎，所以更加溫暖，再過幾日再凍d, 可以再黎試其他糖水。其實佢環境好合潮流㗎，靚靚嘅環境一定亦有西式糖水啦，之前我都食過佢嘅榴槤甜品， 又係一流
繼續閱讀
平時都係食開聰嫂，見到有間叫聰少，心諗係咪假㗎！不過見啲甜品又好似一樣甘，而且有王牌龍眼冰！照入去食！唔止有龍眼冰，佢仲有士多啤梨，蜜瓜味！係粉色系列丫！好靚！所以試下新野！叫咗個蜜瓜味！出到黎同張相都好似樣，好靚！第一啖蜜瓜味好重！不過就有啲似雪糕，即係有隻韓國蜜瓜味雪條嗰種感覺！其實如果鐘意蜜瓜味都應該會覺得幾好食。不過我都係鐘意龍眼清清地，同咬嗰時會有啲微粒咁，龍眼肉unun地，可以咬咬下！
繼續閱讀
食完晩餐，有少少意猶未盡，要食下甜品才感覺完滿。上週試過另一甜品新店，感覺良好，唔知今晚這家水準如何呢？這店子在安娜餐廳附近，晚上九時已經坐無虛席，還有人在等外賣。店子中型大小，座位廿多個，裝修有時尚感。甜品選擇頗多，有成本小册子咁多，有傳統的中式糖水同港式的水果甜品，定價親民，由$17-$65。芝麻合桃露$22這甜品真係正！無論芝麻糊或合桃露的味道都很出色！芝麻糊的芝麻味極濃好香，口感十分香滑。芝麻應該有炒香過才磨粉，才會這樣香濃；合桃露的合桃味十足！超香！質感幼滑，真的有香宮的水準。味道香而滑，不會太稀太稠或過甜，唔會吃完滯左，正合我口味。一次過吃兩款口味認真正！推介！芒果燉奶$3x這甜品有著三重口感：面層有鮮芒果，芒果大大塊，好甜又juicy; 中層有芒果沙冰，沙沙口感，加上芒果汁，味道清甜；最底層有燉奶，口感滑溜而奶香。燉奶配上芒果汁，變得無咁膩，有著芒果酸酸甜甜的清新甜美，又有奶滑口感，實在不錯！椰果西米露$12 （外賣）這西米露椰子味十足，西米份量唔少，而中間又夾有椰果，口感QQ而酸酸地, 感覺比芋頭西米露新穎，以$12可試到，認真超值。整體而言，這甜品店比上週那家性價比更高，甜品更加有水準，而且不用出市區在元朗都有高水準甜品，推介！
繼續閱讀
探完囝囝回家之前，覺得有少少牙痕，所以特意去聰少買甜品返屋企食去到門口，大大張Poster有幾個Promotion,主要以外賣自取為主，於是叫左一碗鮮什果椰汁涼粉、椰汁椰果西米露及芒果布甸回家食，三碗糖水合共只需$56，真係抵到爛返到屋企打開外賣，發覺每樣甜品都超足料先講鮮什果椰汁涼粉：外賣碗比平時市面大及高身，裡面裝有滿滿鮮果，份量十足，椰汁味香濃，八折左後只需$34，真係抵食到爛，必食之選椰汁椰果西米露：椰汁味香濃，西米大大粒，糖水內超多椰果粒，無因為價錢$12而偷工減料，讚👍🏻芒果布甸：香滑足料，只需$10，唔錯市面上一般甜品都要起碼三、四十蚊落樓，就算價錢平，材終都無咁足，始終明白舖租人工材料樣樣上漲，難以取得平衡，難得此店可以做到平靚正甜品🍮，所以值得推介
繼續閱讀
每逢星期六晚食完晚飯😋😋，都想食埋個甜品🍧🍨🍰🍮🍩🍹先覺得係完滿的一天💃🏻💃🏻！今日就嚟咗元朗嘅聰少甜品，平時去開尖沙咀嗰間次次都係叫龍眼椰果冰，今晚就試吓唔食龍眼椰果冰，試下蜜瓜豆腐花，點知一食就覺得原來蜜瓜冰豆腐花先係絕配，😋😋蜜瓜冰非常之鮮甜同非常涼快，唔知係咪已經食厭咗龍眼冰？點解我會覺得個蜜瓜 冰好食過龍眼冰？🍈🍈🍧🍧你而家做緊推廣，加＄10外賣芒果布甸！🍮
繼續閱讀