43
6
2
餐廳: | 新聚寶素食 |
---|---|
資訊: |
為鼓勵食肆透過提供食物份量選擇和採取減少廚餘措施,與顧客共同從源頭減少廚餘,環境保護署推出了「咪嘥嘢食店」計劃,參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼,以供張貼於店舖內和宣傳,供顧客識別。此計劃全年均接受申請,申請費用全免。
詳情可瀏覽:https://www.wastereduction.gov.hk/zh-hk/waste-reduction-programme/food-wise-hong-kong-campaign
港鐵深水埗站 B2 出口, 步行約3分鐘
繼續閱讀
電話號碼
27082728
營業時間
今日營業
07:30 - 22:00
星期一至日
07:30 - 22:00
*齋期營業至晚上8時
以上資料只供參考, 請與餐廳確認詳情
招牌菜
食家推介
今日去鋪頭食素,準備同大家講下D真心話。先講講果個翡翠扒鮑魚,用生菜底,放上白白淨淨嘅素鮑魚,滋味夠哂鮮,添啲汁,簡直正爆!😍咕嚕猴頭菇,我即刻告訴你,呢碟喺味道上面真係得!酸甜味拌猴頭菇,肉質咬落彈牙得滾,似到豚肉都羨慕!錦繡大串燒個樣攞嚟充大佬,色彩繽紛,食嗰陣興奮得滯呀!素魚蛋同叉燒條條上陣,個人覺得呢道菜真係得個讚👍。至於個美味壽桃包,包公係度都要讚好,蓮蓉餡甜而唔膩,食落心情都好D!仲有架,服務唔錯,職員勁親切,氣氛舒服,真係令人食得開心,食得滿足。總括嚟講,呢家食肆以素食之名,提供嘅食物都算係功夫菜水平籽啊!嘿,下次再嚟,含家人一齊開開心心食個素,保證你都會讚住食!👌✨🌱
繼續閱讀
一行三人剛在繁忙時間前入座 不用等位入座後無耐就開始多人 眼見大多數係熟客 客人一入內就有店員大叫X生X太X小姐你地好我地三個生客忙於睇餐牌時店員頗親切主要提議我地叫一個二人餐 另加一個小菜 咁就有湯 有飯/麵 有小菜 有甜品好! 就咁話湯用燉盅來上 感覺好高級咁 飲落亦幾甜之後小菜 & 麵以極速送上甜酸骨 - 正常, 無驚喜, 無失望沙爹牛肉粉絲煲 - 味道可以, 牛肉口感都似, 但粉絲明顯係經過長期煮爛 一pat pat; 而且係煮好才放入煲內上菜羅漢齋炒麵 - 超級油, 麵與料比例唔係好啱, 料好少xx輪卷 - 店員推薦, 類似紫菜腐皮卷, 生菜舖底甜品 - 蕃薯糖水四碟小菜 & 麵, 其中有兩碟店員係企向度叫我地: 夾埋佢啦~因為佢要收碟, 感覺頗大壓力入座, 食埋, 埋單, 前後30分鐘內做好埋單約$450大家都好efficient, 因為唔想再留低俾人趕三人異口同聲話, 無下次
繼續閱讀
服務態度非常極之差!!朝早十一點去到 坐低咗洗好晒啲碗筷 落埋單之後 啲員工先話個師傅食緊飯 要等起碼十一點半後先可以煮到嘢食嗰時已經覺得有啲奇怪 乜呢啲野你唔係應該一開始見我地坐低就同我地講咗先架咩不過見今日年三十晚 冇謂令大家唔開心 就決定忍下去到十一點半 全體員工同廚師坐晒出嚟喺度食飯談笑風生 我地仲成碌木咁坐喺度等去到11:45 我地終於忍唔住 起身同佢講埋單 心諗我地搵過另一間舖食算 因為我地本身其實係趕時間埋單嗰陣 個收銀阿姐仲要喺度比說話我聽 又串我地話「我咪一早同你講咗要等囉」我真係黑人問號 係呀你係有講呀 咪就係等我地落晒單之後先講囉去到最後 我地淨係嗌咗碟細既齋鴨同齋雞粒 埋單都$153我乜都冇講 埋完單就即刻走人想講你既然開得門做得生意 用咁既服務態度真係好咩?之前晚市喺度食過一次飯 覺得佢唔錯所以先決定再嚟但經過今次件事之後 以後一定唔會嚟新年流流比$153食成肚火最後奉勸大家一句:如果你係生客既話建議你三思之後先再去 因為佢地對熟客同對住啲生客完全係另一個態度嚟
繼續閱讀
深水埗大埔道一連有兩間素食餐廳,想食新潮有黑窗里,想食傳統有新聚寶素食。平時食開黑窗里,今日來點新意思,試試這間齋鋪好唔好食。深水埗大埔道這一帶是美食集中地,除了這兩間素食餐廳,前一條街福榮街仲有善膳坊。新聚寶素食有這個方便套餐,有飯有湯有糖水。傳統中式三色齋、旗子餅和各種包子糕點。入面是酒樓格局,平日都幾多團體聚會,樓上還有座位,感覺幾熱鬧。菜式選擇好多,全都是中式經典啦,諗起想食咩都有。溫公齋豆腐燴飯 HK$60你知唔知溫公係邊個?我剛剛google才知道原來是南乳齋的意思,食齋鋪長知識!這個燴飯極之豐富,有茄子、黑白木耳、西蘭花、幾種菇和豆腐,又有汁撈飯食,就係清清地食完身心舒暢果種。呢個天氣有甜美蘿蔔湯和養顏木瓜雪耳糖水覺得簡單最幸福。
繼續閱讀
喺深水埗地鐵站行過去都唔係太遠~師傅話原來之前喺佐敦嘅跟住搬咗去太子而家喺深水埗其實我有記憶我喺太子買過外賣🥡今日下晝兩點左右😛好彩有一張枱🤩我哋四個人😎一坐低師傅就嗌咗好多嘢食😋樣樣都好好食㗎估佢唔到👍🏻👍🏻👍🏻👍🏻真係冇諗過🤭其實有時都會經過㗎⋯⋯從來都冇推動過我入去下次一定會再去我哋叫咗個四人套餐佢又來湯好好味呀感受到裏便係有羅漢果甘甘甜甜叫咗齋滷味~幾樣野都好出色叫咗一個欖菜叉燒~好似啊外脆內濕潤用欖菜整完全唔咸👏🏻👏🏻👏🏻👏🏻😋😋😋😋個炒飯都係呀粒粒分明鐵板牛肉都好好味黑椒重咗少少😜艇仔粥好好味呀⋯⋯配粥嘅花生仲要好香😬佢跟套餐嘅黑糯米糖水都係好好味⋯⋯完全唔會好甜😙樣樣都好出色!值得再去!今日成32度冷氣都好充足環境乾淨😙
繼續閱讀
您可能會有興趣的...