197
38
9
開飯介紹
銅鑼灣的番茄湯專門店，番茄濃湯每天新鮮熬製，湯底吃得出粒粒番茄蓉，茄味十足。配料方面都有十款選擇，最受歡迎包括牛魔王雙拼及特級安格斯牛肩胛。
繼續閱讀
營業時間
今日營業
12:00 - 16:30
18:00 - 21:30
星期一至日
12:00 - 16:30
18:00 - 21:30
以上資料只供參考, 請與餐廳確認詳情
食家推介
相關文章
希雲街嘅長龍店。主打蕃茄湯底麵食。舖位空間狹窄，假日客人同客人肘碰肘坐。麵可選擇上海麵或刀削麵。個人較喜歡上海麵較易掛湯。主食點了麻辣蕃茄濃湯加熱溶芝士厚切牛舌。價錢跟較高檔次的拉麵店相若，簡單一碗麵食，3片牛舌已過$100。首片牛舌厚薄適中，有微炭燒香味，外脆，有驚喜。餘下兩片牛舌就有驚無喜了🥲 厚薄不一，有渣😳 質量有待改善。湯底係罐頭忌廉蕃茄湯直出。成碗麵我只能夠吃下一半就吃不下了。跟餐有汽水。𠄘惠$109 😔
繼續閱讀
嚟到蕃茄仔一定要食蕃茄濃湯麵🍅而且我發現每個麵都係分開煮咁就唔溝淡左個番茄湯啦👍🏻番茄仔果然名不虛傳，個湯有好濃蕃茄味，仲食到番茄蓉👏🏻但最令我難忘嘅係塊雞扒，真係有炭燒味架！而且係爽口架！平時食雞扒都冇食到呢種口感🥹個上海麵都好滑，而且好掛到湯，perfect match 味道：🤤🤤🤤🤤🤤/5性價比：🤤🤤🤤🤤🤤/5 菜式：- 自家鮮茄濃湯+炭烤風味雞扒+上海麵：$70
繼續閱讀
星期日五點幾去到人流唔多，一入到去就有位坐。首先真係要讚一讚佢個湯底真係做得幾出色，聽講個湯底係用30斤新鮮番茄熬煮，而唔係味精湯，所以一飲落口就感覺到啖啖番茄果種濃郁，成碗湯飲曬都唔會覺得口乾。炭烤風味雞排刀削麵 $68 刀削麵偏向厚身同硬，雞扒🐔味道亦都算正常發揮，雞皮燒得幾脆口，但略嫌雞肉有啲啲薄身，滿足感不大。秘製猪排上海麵 $68豬扒相對較於雞扒出色，肉質十分厚身，食落彈牙嫩口，加上上海麵本身幼身，比較掛汁，兩樣野一齊食落肚口感十分豐富，個人會鍾意呢款多啲！下次會再嗌！😍媽媽手工餃（三粒）+$20正常普通韭菜餃子味道，但餃子皮比較厚，食落飽肚感十足！嫩肉雞胸（三塊）+$18雞胸肉十分薄身，食落去肉質意外地嫩，煎得十分香口，就咁單食都唔會覺得寡！👍🏻👍🏻桂花龍井（凍）+$12正常無糖茶，冇加冰，杯size比較細，性價比不高
繼續閱讀
早兩日渣馬完就去咗銅鑼灣周圍搵嘢食，見到間類似另一間蕃茄既鋪就去幫襯吓安格斯牛肩胛（$82） - 轉烏冬（再加8蚊）佢個餐得刀削麵同上海麵唔使加錢，但竟然依兩種麵都沽清😨😨咁勉為其難食烏冬啦，本身見個個都食刀削麵好吸引咁🥺上菜既時候有一刻以為上錯咗豬肉。但望真啲原來係我叫嘅牛肩胛肉片，媲美打邊爐嘅肥牛片🤦🏻♂️🤦🏻♂️雖然肉質唔錯，但份量真係太少喇。而且配埋烏冬觀感上真係唔值$90。蕃茄湯底都幾足料嘅，唔會話偏甜或者偏酸朋友叫既牛舌雖然好大舊，但中間整得唔太熟咬唔開食完之後一啲滿足感都冇🤦🏻♂️🤦🏻♂️應該唔會再有下次
繼續閱讀
最近病咗，無咩胃口，lunchtime 打算食得健康小小，就想起呢間番茄湯底的麵店～我第一次食，就叫左個雞扒刀削麵。湯底好濃郁的番茄湯，然而我係被炭燒雞扒驚訝到～雞扒係偏薄身，燒到層雞皮好脆，而且沒肥膏，仲有淡淡炭香味. 份量來說，女仔就啱啱好，男仔就為必飽。
繼續閱讀