225
48
12
港鐵奧運站 C1 出口, 步行約4分鐘
繼續閱讀
電話號碼
25728366
開飯介紹
價錢大眾化的中菜館。推介北京填鴨、口水雞及酸辣湯。
繼續閱讀
附加資料
如網上訂座已滿,請直接聯絡餐廳
營業時間
星期一至日
11:30 - 15:00
18:00 - 22:30
以上資料只供參考, 請與餐廳確認詳情
相關文章
某日同朋友講開突然間好想食東北米，之後就即興去食東北菜，剛好搵到原來呢間餐廳都幾出名架喎，即刻去試下。我地兩個人大概等咗半個鐘，一路等一路諗唔知仲有無片皮鴨食呢 (因為原來要訂架)，結果都未坐暖就即刻問下好彩有半隻，即刻要咗佢，另外再叫羊肉餅、糖醋排骨，成餐飯都好滿意啊!片皮鴨半隻份量都好多，色澤均勻、油脂豐富，一上碟就已經飄嚟好香嘅炭燒味，配合大蔥、青瓜等一齊食用，一入口香味已經散發整個喉嚨，真係好好食啊!糖醋排骨，上碟已經好悅目，甜酸度平衡得好好，炸漿唔算太厚，撈飯食真係可以食十碗。羊肉餅，肉和蔥的比例好好，兩者互相配合減低油膩感，而且餅皮好薄，每一啖都食到充滿上湯嘅餡料，推介!
繼續閱讀
同朋友約食飯嗰陣發現大家都不約而同bookmark咗呢間餐廳，所以好快決定會約去老掌櫃，原本想去荃灣果間分店因為果頭多啲嘢行，但係荃灣嗰間評價太參差所以都係去返大角咀總店～好彩一早book左，因為都幾多人等位。。。但明明都早左成個禮拜book，竟然可以係我去到果陣咁啱近門口位置有一台客人走佢先即刻執俾我叫我地坐呢張， 忍唔住問咗佢一句“咁我book枱嚟做咩？！” 環境勁嘈。。。枱與枱之間非常逼，左邊右邊果檯嘅人既對話內容聽得一清二楚👎👎我哋叫咗乾扁四季豆， 豆腐粉條燒帶魚同埋蔥爆羊肉～乾扁四季豆整得唔錯，幾乾身，無渣，menu寫住有一粒辣椒但係完全食唔到辣味，其實係偏鹹但唔麻同唔太香～豆腐粉條燒帶魚既汁極似茶餐廳嘅薑蔥斑腩煲，豆腐同魚水準正常，粉條索晒啲汁都ok蔥爆羊肉冇我想像中咁有鑊氣，羊味唔太重，但都幾韌，其實一般雖然今次體驗麻麻，但menu上仲有好多我想試嘅菜式，所以可能都仲係有機會再黎既
繼續閱讀
去D間東北菜館真係要book 定位，如果唔係都要等幾耐！D間菜館座位都有D迫，但冇為計，為咗食出名平靚正嘅北京填鴨點樣都要將就下。我同朋友好彩打左電話訂枱，如果吾係吾知要等幾耐！入到去，侍應雖然好忙，但都好友善甘幫我地落單，仲建議我地吾好點太多，免得食唔晒👍北京填鴨$168一定必食，除咗價錢真係平，肉又夠厚、皮又脆！加埋大蔥、青瓜絲、麵皮和D醬，滋味到冇得頂，正正正老醋海蜇頭配青瓜，甜甜地酸酸地，係夏日炎炎中感覺很舒服！清炒萵筍$72不過不失，至在夠大碟，又唔多油又爽口。扙絲蘋果$68好特別，外甜內酸，食咗第一口就停吾倒口！真係大件夾抵食，又平又有質素，我哋食到捧住個肚走，實熟難得，下次一定會再幫襯
繼續閱讀
Book咗19:15最後要等到20:00先入座，唔太明佢個訂座既定義叫咗四個餸一個飯片皮鴨😋😋😋😋係幾好食既，片脆唔太油，可惜餅皮太厚同唔夠熱東北酸菜餃😋😋係第一隻味覺上有驚喜，第二隻開始正常無特別千層醬豬耳😋😋😋😋辣辣地幾好味酒糟魚片😋😋😋魚肉嫩滑，汁夠味，整體幾好東北炒飯😋😋😋😋😋份量十分足夠而味道非常之好，唔太油膩以咁既價錢食到地道東北菜算係有交代如果係安排訂座同用餐時間上加強，同提供餐廳內足夠的空氣（冷氣），咁就好好多
繼續閱讀
覓食團嘅朋友仔生日佢話想食片皮鴨所以就搵左呢間4個人叫左5樣野性價比真係好高～東北肉皮凍（食落好似啫喱）～老醋海哲頭（最好食嘅小食）～北京填鴨（半隻，跟12塊皮，填鴨唔會太肥，配青瓜同葱食落唔油膩，168真係好抵）～小雞燉蘑菇（份量完全比想像中多，啲木薯粉好入味，好彩冇叫多個飯）～糖醋里脊（就係平時食開嘅咕嚕肉）～高力豆沙（呢個係送嘅）雖然訂枱嗰度出咗啲問題但嘢食好食都冇咁嬲希望佢之後嘅服務態度都改善啦
繼續閱讀