影片
開飯介紹
旺角以黑色為主調的咖啡店，充滿神秘感。不單裝修及餐具都是黑色，連食物都是黑色。如黑森林梳乎厘班戟及炸豬扒黑咖喱等。
營業時間
今日營業
12:00 - 22:00
星期一至日
12:00 - 22:00
*最後落單時間: 21:30
以上資料只供參考, 請與餐廳確認詳情
相關文章
噚日（29-3-2025 Sat）晏晝，特登同老公出嚟食型枱嘅呢間，我哋係傍晚嚟到，去到啱啱有張二人枱，我哋坐低後，店員一一遞上餐具，menu同兩杯水，我哋睇完menu，就揀啲特別嘢食，要咗：1. $48.00嘅梔子花綠茶一壺唔大壺，好味但味道好濃，但我唔覺得係綠茶。由於係來貨，所以唔評分。2. $48.00嘅檸檬薑黃茶飲吓先，薑黃味流於表面，好似同水溝唔埋，微酸加薑嘅辣，幾得意，最後我加食疏乎厘嘅黑糖漿飲，咁就先辣後甜。由於係來貨，所以唔評分。3. $99.00嘅自家製蘑菇忌廉汁貓耳朵意粉呢個一上枱，就一直嗅到好香，同睇到都好，因為仍有泡泡，食落，味道好濃好好味，意粉厚身同煙韌，汁多到似湯，最後老公飲埋。5分4. $138.00嘅自家製煙燻豬腩配啤意大利飯其實我冇為意係煙燻，我只留意佢係黑啤意大利飯，所以一食件豬腩，食到煙燻味，我至再睇清楚menu，煙燻豬腩真係好新奇，煙燻味啱啱好，OK嘅，而佢都夠腍，同佢哋擺咗啲青蘋果粒喺面；飯就有黑啤嘅甘味，同樣都係好熱。有蘋果。4.7分6. $84.00嘅半份黑芝麻醬窩夫配香草雪糕我嚟呢喥嘅其中一個原因，就係為咗好少見呢種窩夫甜品，重要係冇麻糬，睇見佢喺窩夫上淋上黑芝麻醬之餘，重有黑芝麻忌廉同一球其免嘅嘢，試吓食佢，可能係檸檬忌廉吉士？開動喇，原來窩夫入面都有黑芝麻，成個混埋黑芝麻忌廉食，黑芝麻味好濃郁，呢個都係好食。5分5. $96.00嘅法式千層酥日式疏夫厘班戟呢個都係我嚟呢喥嘅其中一個原因，而呢個更係有齊法式同日式兩個國家嘅甜品，所以叫呢個。呢個一嚟到，就嗅到好香蛋味，食落，蛋味好濃，見到佢都好深色，但感覺唔算太空氣感，飽肚咗;而法式千層酥每層都幾薄，一咬即即碎，牛油味好夠。我食到最後嗰啖疏乎厘至發覺唔記得落糖漿，而佢係黑糖漿。4分服務：店員有禮貌，不過冇話我哋知有限時。而落單時，店員都唔使mark低我哋要咩嘢，而一直都冇錯到。我哋食完主食，佢哋收走嘢後，冇留意我哋有叫甜品而冇問我哋係咪上得甜品，我哋以為佢哋會自動做，但我都係唔放心，主動叫佢哋上甜品，咁佢哋就做。但佢哋又做到甜品係逐一上，唔會令我哋食得好急，因都怕雪糕同忌廉溶得快，但如果佢哋俾埋匙羹我哋就好，因為可輔助我哋夾起甜品，同舀起啲汁。不過夠鐘（90分鐘）要我哋埋單時，佢都有講聲可以慢慢飲埋先。4.5分環境：個位有啲熱，但凳係坐得舒服，張枱亦夠大。如果佢哋喺玻璃牆貼單反光貼，出面望唔到入面會更型。價錢：連加一係$564.00。2.8分其他：其實佢哋重有其他甜品，但我哋都冇食力去食喇。
繼續閱讀
之前好多人去話好食但唔想排隊所以依家先食😆Caffè Latte hot $42幾香，係nutty嘅咖啡☕️Uji Maccha Latte hot $48拉咗隻烏龜🐢好QQ😆抹茶味幾濃，唔甜👍🏻Squid Ink Sauce Spaghetti w/ Asparagus and Scallop $129調味輕手，係light啲嘅選擇帶子少少彈牙，唔會韌😸Hojicha Moffle w/ Vanilla Ice-creamDouble Portobello Veggie Burger w/ French Fries $119呢個必須叫！首先勁細心有素食選擇然後有Double大啡菇超級Juicy🍄🟫一咬落去爆汁✨肉質好軟淋🍄🟫🍄🟫包係脆脆地嘅，醬汁少少辣人薯條🍟真係無得輸‼️勁脆但唔會油，食到尾都仲好脆🤍本身已有調味，少少辣辣地似Cajun fries 🍟 Hojicha Moffle w/ Vanilla Ice-cream $78超級煙韌嘅麻糬窩夫🧇但唔甜配埋雲呢拿雪糕甜度啱啱好☺️雲呢拿雪糕係有雲呢拿籽嗰種，唔係hea你個種
繼續閱讀
眾所週知香港真正暗黑風既餐廳真係比較罕見，難得搵到依間緊係一早收藏定，點知收藏左都幾年都未夾到時間🤣 咁岩夾岩緊係去依間☕️🖤🖤店舖其實唔算好大， 但位置幾舒服， 服務都非常好👍🍚香煎三文魚配檸檬汁忌廉芝士意大利飯（$148） ： 忌廉芝士意大利飯軟糯濕潤不黏口， 也不會很膩，口感很好。檸檬汁配上三文魚成件事好fresh , 三文魚好香口😋🍰 髒髒提拉米蘇（$68）： 最近對Tiramisu 情有獨鍾🖤 依間既tiramisu係好特別既口感，擺盤都好型格風🖤因為佢唔係用手指餅而係用Wafer ,所以食落會比手指餅脆，再配以香滑既慕絲同濃密既可可粉， 口感更是更上一層樓。 酒香同朱古力味mix得岩岩好 唔會酒味過濃 也不會太甜。 🍹 百利甜酒朱古力鮮奶咖啡（$68） ： 中意飲Bailey 既朋友岩哂一試。 價錢都比外面既抵。 酒味唔會太濃， 但飲落偏苦， 因為是mix 左特濃咖啡 。 表面會加上朱古力碎， 既可飲又有口感。 ☕️ 竹炭黑芝麻鮮奶（$48） ： 拉花好靚🖤 飲落淡淡既黑芝麻味， 唔會太甜。 餐廳午餐仲有lunch set menu ,價錢都好抵
繼續閱讀
同朋友去咗去旺角black coffee chill 下✨第一次黎旺角分店，之前都係去觀塘分店多🍀泰式香辣椰子烤雞意粉呢碟意粉簡直令人一試成主顧！雞肉烤得外脆內嫩，配上香濃嘅椰子醬，仲有泰式香辣嘅調味，食落去每一口都充滿熱帶風情，真係好想再嚐多幾啖！🍝🌶️Beef Burger呢個漢堡真係唔可以錯過！牛肉厚實多汁，配上新鮮生菜、番茄同特製醬汁，咬落去肉汁四溢，完全係滿足感爆棚！每一啖都係幸福！🍔🤤Tiramisu Cream Soufflé最後，當然要留返D胃口嚟試下甜品！首先係呢個輕盈嘅舒芙蕾，入口即化，帶有濃郁嘅咖啡香氣，真係食完令人心滿意足！🍰☕而Pancake就係另一種享受，鬆軟嘅口感，簡直係為呢餐加分🥞🍁抹茶鮮奶（熱）最後，為咗平衡一下甜品，我點咗杯熱抹茶鮮奶，抹茶味道濃郁，配合滑順嘅鮮奶，溫暖又舒心，完美嘅結尾！🍵💚橙香氣泡咖啡首先來一杯橙香氣泡咖啡，一入口就感受到那股清新嘅橙香味，配合咖啡嘅苦味，真係有種意想不到嘅驚喜！氣泡感亦令整杯飲品更加清爽，真係好適合夏天飲用，令人心情大好！☕每一道菜都充滿創意同味道，絕對值得一試！期待下次再嚐更多美味！😋✨
繼續閱讀
🍄自家製蘑菇忌康汁貓耳朵意粉 配慢煮口水雞扒🌶 $129慢煮口水雞扒超嫩滑😍濃濃口水香料香 小小辣辣地 卻不會死鹹😋 貓耳朵意粉食落去煙韌有口感！超多蘑菇配料 忌廉汁 好濃郁菇菌香 配埋掛汁既貓耳朵真係啖啖意粉啖啖汁👍🏻🍔手打牛肉及原隻大蘑菇漢堡 配薯條 $139黑色漢堡包型格十足🖤 烘焗後外皮香脆大啡菇 同手打牛肉排 好夾😆 啖啖肉汁配以新鮮生菜及蕃茄 🍟薯條香脆可口🥞提拉米蘇日式梳乎里班戟$108入口質感輕盈且鬆軟☺️富蛋香🥚空氣感滿分唔會太甜 仲充滿濃濃既Tiramisu 咖啡酒香☕️ ☕️Blackccino (without lce) $40超美漸層咖啡😍 一入口先嚐到面層 綿滑細緻 咖啡泡沫嘅口感 再來就是順滑的黑冰咖啡 咖啡豆融合咗酒香、花果香茅同朱古力風味 好豐富😚 🍊橙香氣泡咖啡 $56將橙汁細緻酸甜感 融入氣泡咖啡中🫧口感輕盈 同時品嚐清新爽口 和咖啡甘醇風味「Black Coffee 」📍旺角廣華街3號地下3號舖
繼續閱讀