32
10
22
港鐵何文田站 A1 出口, 步行約4分鐘
繼續閱讀
營業時間
星期一至日
12:00 - 00:00
以上資料只供參考, 請與餐廳確認詳情
小弟第一次寫食評：7pm入座，叫咗半磅三文魚腩，墨魚刺身，鐵板秋都魚，牛肉炒飯，兩瓶波子氣水唔計嘢飲點餐 20 分鐘後先嚟三文魚腩 + 墨魚刺身之後等咗大半個鐘重未有得食，但唔知點解遲嚟過我哋嘅三台已經食緊。追咗三次，我話唔嚟我賣單走，之後嚟咗個牛肉炒飯，離遠見到已經覺得唔對路，Cancel 咗秋都魚後一食個飯竟然係完全無味，食多一啖之後即刻買單走 (咁就 $257)評語係：真係勁爆伏，等咗差唔多一個鐘食左個垃圾都無得再垃圾嘅炒飯，真心唔明點解可以咁多人食，同快啲執咗佢，唔好害人
繼續閱讀
紅磡一本10幾年前，星期六同同事們食lunch記憶中日式炒飯好好味今日12點07分到，一個人都無叫了薄燒牛肉飯等了15分鐘才有質素香港式大份的無興趣下次再去好在搭巴士去銅鑼灣10分鐘已到達
繼續閱讀
話說其實我琴晚已經打左篇食評但唔知點解admin仲未批我個留言可能標點符號太多 咁我就嚟一個冇標點符號嘅version啦話說我十年前黎呢間嘢食 同當時嘅女朋友嚟呢度都幫襯過好幾次嗰陣時覺得的確係幾好食咁又話說琴晚同依家既女朋友又返嚟幫襯因為女朋友話門面都好似幾靚 想入嚟試下咁呢個伏就甘開始 remarks我冇怪我女朋友咁好啦一坐低就落order點知等咗40分鐘先有嘢嚟前題係我隔離枱遲過我 佢竟然早啲有得上菜我諗如果我冇催促佢上菜我可能真係要等成個鐘我見另外隔離枱都有啲漏單嘅情況呢個都算啦我心諗等耐啲都唔緊要啦如果你好食嘅話點知嗰個嘅焗雜菌真係得少量牛油味同一大灘水我女朋友話佢整得仲好食咁跟住嚟咗一碟好似爭鮮咁嘅level嘅三文魚刺身 中規中矩啦但啲畫沙b就犀利囉 供鼻供到眼淚水都標埋出嚟個前菜就係螺同埋中華沙律 正常packing嘢跟住個鐵板燒完全毫無味道可言 真係一滴鹽都冇 淨係食到少量嘅蒜味 浪費咗啲牛柳同埋雞軟骨 可能俾我整仲好食過佢跟住嗰碗麵豉湯 唔知係縮咗定點 飲落去咗少少酒味 總之好難飲跟住個鵝肝炒飯仲經典 用顯微鏡都搵唔到任何鵝肝 淨係搵到啲粟米粒同埋蘿蔔粒 但油到咁真係擺唔落口所以最後我哋食咗一半就拿拿聲走人本身諗住去街邊篤串魚蛋燒賣但最後到都係算啦 返屋企食生果填飽個肚算另外服務態度就冇服務可言啲侍應好串 上菜又慢 唔明點解仲要加一服務衛生環境都好差有好幾隻烏蠅因為佢啲碗碗碟碟收唔切所以啲烏蠅會飛落啲客食淨咗嘅碟上面總之最後食咗四百蚊 真係去大家樂或者麥當勞都好食過佢十倍
繼續閱讀
今日已經好灰比人放飛機好少去何文田，諗住食返餐好d既日本野平衡返心理入到去叫左個lunch set壽司加烏冬（壽司師傅隨意比既壽司），另外我再加左甜蝦壽司，芥辣八爪魚壽司，一黎到個甜蝦壽司係得一條甜蝦係上面，幾咁孤零零😂我都係第一次見得一條，可能我經驗少啦。甜蝦入口係正常既，但個飯唔知咩事，好實，d味又怪怪地啦，我係好中意食壽司飯既，結果的只食左一舊其他都入唔到口😂😂😂😂個芥辣八爪魚壽司係稀了了既奇怪口感，唔識講。其他佢配既壽司有兩件入左口難食到要lur返出黎。。。。真係未試過🧏♀️只有個烏冬正常可以入口。。。但唔會話好食啦。唯一既好處係係乜人，可以一個人坐四人枱。總結食完之後我既心情係灰上加灰。完。
繼續閱讀
食過一次，喜出望外咁平，今日專登再食。講價錢 係無敵嘅，味道唔差，都大份。食具唔係貴貨，但唔肯換。食物要等半小時。伙記態度唔友善：點「汁煮三文魚」伙記A 話售罄，轉「炸骨腩」。等左好耐，問伙記B 「你話冇汁煮魚」（想講：轉炸嘅 有冇落單）都未講完，即駁：唔係我話嘅😯sorry lor 我想講「你 （公司）」
繼續閱讀