影片
港鐵上環站 A2 出口, 步行約5分鐘
繼續閱讀
營業時間
星期一至六
11:00 - 16:00
星期日
全日休息
公眾假期
全日休息
公眾假期前夕
全日休息
以上資料只供參考, 請與餐廳確認詳情
招牌菜
今日上堂之前去上環食個lunch先🥰見好多人介紹過呢間嘅lunch幾抵食，所以我都同同學去試下😙招牌花膠濃湯菜膽雞飯$128好大塊花膠🥰好足料🥰淨係食花膠都夠飽😋仲有好多菜膽，夠曬健康😚連個湯都可以飲埋，我飲曬同食曬之後覺得好養顏，有機會要黎食多啲😋個湯清得黎有好香嘅雞味同金華火腿味，好好味😋紅燒石鍋牛筋腩飯$78朋友好鍾意食牛腩，所以佢揀左呢個😙紅燒石鍋牛筋腩好香，牛筋腩份量都多🥰多到朋友都請左少少比我食😚牛筋腩炆得好入味，食落好軟，好味😋花膠燉湯$38估唔到$38嘅花膠燉湯都可以有咁大塊花膠😚好開心啊😚呢個本身係朋友飲嘅，但佢話見我鍾意食花膠，就比埋我食🥰呢個湯好好飲，飲得出係用左好多材料熬成嘅，好抵飲😋午市濃湯呢個湯係個餐包埋嘅，飲落菜膽雞飯個湯差唔多，都係咁好飲😋呢間真係好抵食🥰難怪咁多人介紹🥰
繼續閱讀
👉唔係得中環友推介，真係唔知上環有個㊙️密上樓，專業《花膠燉湯》嘅私竇 🙄📌招牌花膠濃湯菜膽雞湯飯 $128 ～ 菜膽雞肉爽嫩夠味，雞件數量之多，足以鋪滿成碗飯。📌石鍋花膠湯濃郁，真材實料冇味精。一啖厚滑花膠、一口奶白色湯頭雙面夾擊，滿口膠質，頓時開不了口! 😐📌紅燒石鍋牛筋腩飯 $78 + 升級花膠三鮮羊肚菌燉烏雞湯 $38 ～ 超大一鍋牛筋腩好腍滑入味，墊底蘿蔔索滿牛腩精華，跟白飯成絕配。📌花膠size大得驚人，軟硬適中，唔會燉到溶晒，有咬口，丁點腥味都冇。湯頭香甜，好重金華火腿、菌菇香味。飲完膠原蛋白即時歸位！😁👉因為非繁忙時間到訪，食飽閒坐之際，年長員工突然詢問花膠味道如何？⋯⋯原來此年長員工為幕後大老細、亦係海味商人，所以能以此益街坊價賣花膠燉湯。👉又原來此店所有燉湯皆用上《野生白花膠》～ 我哋真係有眼不識泰山！！唔怪之得同平時食開嗰啲唔同啦！😅☝️非常感謝老闆分享花膠知識，仲街坊價食到超大野生白花膠，感覺有賺了！👏
繼續閱讀
有時午餐食太多重味野，都真係好想食返啲清清地嘅食物，於是就去左呢間袁味湯品食lunch，又養顏養生又清淡。招牌花膠濃湯菜膽雞湯飯$128呢個湯飯有好多雞，更重要嘅係有一大碗花膠濃湯，由老雞、元貝、赤肉、金華火腿同埋花膠低溫慢熬而成。望落就唔係好油，但飲落就味道好濃好香。最重要嘅係，塊花膠真係好好好大塊，大塊到成塊面咁，同埋店員話呢個係高質嘅太平洋白花膠，食落好厚身，啱曬鍾意食花膠嘅我。「袁」味無骨貴妃雞飯$72朋友就叫左呢個貴妃雞飯，貴妃雞無骨，食得出大部分都係雞腿位，好嫩滑。同埋貴妃雞醃得好好食，聞落都充滿麻油香。仲有甜甜地嘅醬油膏可以點，好夾。花膠北芪黨蔘燉烏雞湯+$38呢個湯嘅名睇落已經好養生，所以就叫左。飲落好潤，飲得出唔係味精湯，飲完都唔會覺得涸。最重要嘅係，估唔到呢個只需加$38嘅湯都有一塊超大超厚嘅花膠，呢間餐廳到底仲有無得賺？有塊花膠成隻手咁大，同埋都係太平洋白花膠。為左啲花膠，以後有機會我都一定會再黎食！
繼續閱讀
最近個人平較忙，食唔定時同朋友講起想飲d湯水補一補佢就推介左袁味湯品俾我話我去試一定會滿意咁我就信佢一次去試下😋餐廳餐牌簡單易明，招牌係花膠湯同蒸品招牌花膠濃湯菜膽雞飯成個餐份量好大湯有一大碗，非常濃郁花膠有好幾片，無花無假雞肉好嫩滑，熟度剛好招牌菜果然有水準紅燒石鍋牛筋腩飯上菜時成個煲都冒煙，證明係即叫即整好有誠意牛筋腩肥瘦適中，牛筋鬆軟成個配搭好滿足😙土魷蒸肉餅因為太好味唔夠喉我地另外叫多一個午餐我最愛既肉餅肉餅呈粉紅色證明豬肉好新鮮嫩滑食落好鬆軟，唔會有死實既感覺加上適量既肥膏，油香充滿成個口腔非常高水準
繼續閱讀
上環lunch hour真係度度都人多，唔想排隊，就外賣返屋企最穩陣依家餐廳唔係開咗好耐，都係見到樓下嘅招牌先識上去，食物質素令我喜出望外😍花菇蒸滑雞＄68紅燒石鍋牛筋腩飯 ＄78兩款餸嘅肉類都非常滑溜，味道都整得啱啱好，而且完全不添加味精，食完唔會口渴。每個套餐都包一個飯和濃湯而加＄38 ，就可以升級花膠燉湯，食個飯仲可以食花膠補充膠原養顏添！冇諗過喺中上環呢頭，呢個價位，可以食到咁多餸😍呢度嘅餸菜同飯係分開擺，所以就算外賣返到屋企，都一樣咁好食，唔會淋晒👍
繼續閱讀