3
4
5
營業時間
今日營業
06:30 - 22:00
星期一至日
06:30 - 22:00
以上資料只供參考, 請與餐廳確認詳情
【燒腩仔四寶飯評論】🍚🐖今日試咗一碗燒腩仔四寶飯，價錢$55💰。整體上感覺一般，有啲失望😔。燒腩仔唔夠脆，我鍾意燒腩仔有啲肥肉，皮部分係脆脆嘅，但係今次嘅燒腩仔好可惜，冇咁嘅質感。叉燒部分個肉好肥😕不過其他三樣配料都算合格。至於餐湯，係粟米紅蘿蔔湯，個人覺得好飲🍲總括嚟講，呢碗燒腩仔四寶飯有啲失望，特別係燒腩仔唔夠脆同叉燒太肥。附近其他餐廳可能會有其他更好嘅選擇！😕🍚【乾炒牛河評論】🥩🍜另外試咗一碟乾炒牛河，價錢$60💰。整體上感覺欠缺鑊氣，有啲淡味，有啲失望😔。乾炒牛河嘅色澤水麻麻，一睇相片就知道，唔夠吸引。味道亦都有啲淡，缺少鮮味同香氣。牛肉部分亦都無咩味。整體黎講，呢碟乾炒牛河係唔合格🍜😕好彩凍檸茶仲好飲，至少可以解渴。🍹😄😉🍜🍹【結論】❌ 唔想再黎哩度⋯
繼續閱讀
今日系附近做嘢，就選了這間餐廳食晚飯。叫了1個椒鹽豬扒小菜晚飯套餐。例湯可以，夠晒味。主角，椒鹽豬扒，傳統老香港味道，炸得夠香口，但又不乾身，半肥瘦又入味，份量又足夠，算是不錯。
繼續閱讀
#小秘書 對 #燒臘店 出爐嘅 #叉燒 #情有獨鍾，所以間中都會搵個藉口 #斬料 #加餸🤪 呢日尸做完 #Facial 剛好仲趕得切返 #屋企 #食晚飯，當然要 #斬大嚿叉燒 返去慶祝吓🤣 嚟到「廣東燒味餐廳」，我例牌要半斤 #半肥瘦叉燒 #外賣，返到屋企簡單煮個 #麵 再放幾舊叉燒上面... #perfect🤩 不過呢日mammy買咗啲 #瀨粉 喺屋企，加少少 #紙盒雞湯，再放兩條 #菜，#自家製 #小秘書叉燒瀨粉 就整好喇🤤 叉燒肉質鬆化，加上 #焦糖化 嘅外層... I’m lovin’ it❤️
繼續閱讀
今日買外賣雙併飯，叫咗燒鴨併油雞。盒飯係冇咩問題，係勁乾身咯。臨走前想問阿姐拎一包仔燒鴨醬，甜甜酸酸送鴨嗰啲，阿姐勁冇禮貌話咪落咗呢啲俾你囉，呢啲要一蚊一包。佢手指俾咗我嘅係豉油，唔係鴨醬。超冇禮貌，勁趕客！我咁大個人未試過食燒鴨或者燒鵝係拒絕比醬你咯！費時同佢拗，勁cheap。成間野晚飯時間得一兩個人都可以咁對d 客人真係好唔掂。疫情期間都咁趕客一定好快執，阿姐都應該好快俾人炒，叫個外賣都可以咁差！
繼續閱讀
今次真係令我好失望，明明之前去食過下午茶都唔係咁㗎，唔知今次係咪因為夜晚十點半去食的關係，但個時隔離仲有一枱好多人，叫左小菜先係我地落單後陸續上緊，所以唔知關唔關時間事，但我建議大家都係朝早或者晏晝去食好啲。事源就係前幾日，男朋友接我放工，因為都九點幾十點左右，所以去左新光個邊食，之前食過廣東燒味的下午茶，都平靚正，幾好食，今次因為夜，唔想食太多嘢，所以揀左羅宋湯豬軟骨通粉，因為男友話呢啲少有同自己煮唔到。烹調時間都要大約十至十五分鐘，羅宋湯的味係ok的，啲豬軟骨都入到味，通味就無咩味，不過都叫自己𢳂啖湯一齊食可以解決到。但係令我失望的事就發生啦，食食吓，我見到其中一舊豬軟骨肉上面有一條黑色的物體，有少少反光，睇真啲原來係鋼絲刷，我拎走左佢當睇唔到就算，點知食食下又發現係條菜上面又有另一條，所以就已經無晒胃口唔想食，我明白唔係專登，但我只係希望廚房/洗碗(我唔知係邊方面出錯)可以小心點，做事要謹慎一點，因為呢啲嘢真係唔應該唔小心跌到在客人的碗入面。我同男朋友講，我想話比餐廳知，等佢可以提醒廚房，但係佢話無用，人地反而以為你想換過碗或者攞着數。唉，間餐廳上次食明明好好，但係今次發生呢件事，搞到我唔知仲再幫唔幫襯好，所以我建議大家最好早上或晏晝去食，太夜，可能人地落場mood la。
繼續閱讀