822
29
20
餐廳: | FireBird |
---|---|
優惠: |
於此國泰夥伴餐廳用餐賺里 ! 國泰會員於夥伴餐廳消費可賺高達HKD4 = 2里數。受有關條款約束。 |
條款及細則:
|
|
|
開飯介紹
FireBird是一家帶著日本居酒屋「以食伴酒」飲食文化的餐廳,連選材製作都是極為用心,全店均採用日本進口雞肉、雞蛋、米、日本霜降A4和牛;而多款時令海鮮刺身等都選用高質食材,並開發搶眼奪目,別具特色的創意料理,提供多達20款串燒及燒物以及超過50款日本酒及特色雞尾酒等飲品,以鼓勵客人多以酒類配搭食物,吃出食材獨特的味道層次。
繼續閱讀
特色
適合大夥人
慶祝紀念日
包場派對
營業時間
今日營業
11:30 - 23:00
星期一至四
11:30 - 22:30
星期五至六
11:30 - 23:00
星期日
11:30 - 22:30
以上資料只供參考, 請與餐廳確認詳情
有關獎賞計劃
優惠
餐廳: | FireBird |
---|---|
優惠: | 國泰會員於夥伴餐廳消費可賺高達HKD4 = 2里數。受有關條款約束。 |
條款及細則:
|
|
|
招牌菜
食家推介
相關文章
約人係居酒屋食飯都係一個幾唔錯嘅選擇,未人齊前都可叫住小食/黎個Happy Hour。所以與食力組組員飯聚就約係呢間。樓底夠高,聽住輕快歌曲,坐吧枱位置,仲可以望住師傅係半開放式廚房處埋串燒。 未開餐,先嘆杯凍飲。呢度除咗多款特色酒類飲品,當然亦照顧埋唔飲酒客人。呢杯雜錦果茶 ($58),甜甜地嘅茶中有多種生果,如藍苺,士多啤梨,橙,西柚,青檸及檸檬,顏色吸引之餘,份量都足夠成餐飲。呢客三代目軟殼蟹沙律 ($138),係餐牌中係有個Must Try字樣,咁好難唔叫喎 (哈哈…)軟殼蟹開半,入口亦有熱度,咬落唔會一口油; 沙律配料仲有沙律菜,烚蛋,車厘茄,芒果粒,紅莓乾粒,蘋果粒,芝士粒及脆米,再淋上開胃千島醬汁,真係幾惹人胃口。友人係玉子控,尤其係食居酒屋必叫小食,呢客厚燒玉子 ($38)都難逃佢個胃。一客4件,夾少少蘿蔔蓉配食可中和甜度,驚喜位係好夠熱度,口感軟綿又唔會好甜口。另一樣必叫嘅係厚切牛舌串燒 ($68/2串)口感爽脆多汁,有嚼勁而唔韌,堅正。今次試下明太子芝士椰菜燒餅 ($68),長方型嘅燒餅都係第一次見。燒餅餡料以椰菜絲為主,軟腍中又帶點爽脆度,即使再”舖”上明太子醬/燒餅醬汁,都唔會覺得好膩又到咗呢度嘅名物,重量級火焰原隻鷄腿 ($138)出場啦,差唔多每枱都叫,即使開初無叫,見到隔離枱上菜後都會加單。原隻勁量鷄腿,仲有椰菜作配菜。侍應之後淋上酒精再點火(記得預備手機影相呀)火焰十秒後就熄滅,之後侍應再幫忙分拆鷄肉鷄皮上灑上辣椒粉,令鷄肉變得微辣,肉質嫩口又帶點燒烤味,有視覺亦有味覺享受,果然係名物呀。友人想再飽足d,黎多客A4和牛稻庭烏冬 ($128),份量都可二人分享,但一人獨食就更滿足。未全熟和牛薄片舖滿碗面,遮蔽咗湯烏冬,先呷一口清湯,再將嫩口和牛與烏冬一啖放入口,佢話身心靈即時得到滿足。而我呢碗日本產鷄肉辛辣稻庭烏冬 ($98)亦唔野少架。清湯與辛辣湯二選一,好明顯係辛辣湯跑出。日本產嘅鷄肉好難唔令人偏愛,入口嫩滑又無咩脂肪,連埋稻庭烏冬一齊滑嘟嘟入口,辣椒粉輕輕發揮佢嘅辛辣作用,再飽都食得晒。建議想食嘅真係要訂位,今晚全店爆滿,食完呢餐就知理由。
繼續閱讀
📍FireBird🗺銅鑼灣邊寧頓街13號地舖約左朋友黎呢家日式居酒屋🏮 喺Openrice預約仲有優惠添🥳 Menu嘅選擇真係好多,刺身串燒天婦羅火鍋等都有!當日6:45左右到仲有Happy Hour,飲品7折🤩⚡️FireBird名物 重量級火焰原隻雞腿 $138黎到梗係要叫餐廳嘅招牌名物啦!店員會即場喺你面前倒酒點火令到佢有火焰嘅效果🔥 之後更會幫你煎埋一件件,方便食用~ 雞肉唔鞋,上面有辣粉,所以食落辣辣地🤏🏻 旁邊仲有椰菜😆⚡️珍寶海蝦天婦羅盛盒 $158海蝦天婦羅好大隻🍤 啖啖肉,亦都炸的香脆唔油膩😋 仲有茄子🍆甜椒、蕃薯🍠等⚡️火山熔岩鮭魚卷 $98一共六件,鮭魚卷係炸過嘅所以外層有少少脆,內裏三文魚軟淋,口感豐富🍣 醬汁都好夾好味,少少辣,推薦!⚡️九州產和牛壽司 $88/2和牛壽司鋪上大大塊嘅和牛,又係即場燒,食落油脂同牛味都香😍⚡️中拖羅串 $58燒過嘅中拖羅肉魚味濃郁,更充滿油脂香氣而大蔥都好甜,兩者好配~⚡️蟹味噌甲羅燒 $78(+$8額外3件紫菜飯)甲羅燒有滿滿嘅蟹肉同蟹膏,好鮮甜🦀 加落去紫菜飯度一齊食🤤 留意佢本身只係跟一舊飯*⚡️Mix Fruit Tea $58⚡️Sumter The Premium $68 (regular)以上價錢係未折嘅,平時中午12點至7點都係Happy Hour,有7折!水果茶大大杯,入面滿滿嘅水果,幾好飲🥰
繼續閱讀
📍FireBird (銅鑼灣)📍銅鑼灣邊寧頓街13號地舖🟡日本產霜降A4和牛&厚切牛舌燒$198🟡特上牛肉串燒盛合 $188🟡Firebird 名物重量級火焰原隻雞腿 $138🟡火山熔岩鮭魚卷 $98🟡明太子伴玉子燒 $48🟡Lychee Frozen $68Halloween係銅鑼灣搵餐廳,見firebird裝飾得好有氣氛,就入左去!一入去就感受到串燒誘人的香氣。即刻叫咗個特上牛肉串燒盛合,食材新鮮,調味恰到好處!特別係牛舌,口感真係非常出色。有少少脆口,又有彈牙質感!正!Firebird 的名物——重量級火焰原隻雞腿,真係一道讓人驚艷嘅菜式。火焰一燃起,好引人注目,味道濃郁,雞肉多汁,而且份量十足!火山熔岩鮭魚卷係一個值得一試的選擇。鮭魚肉質鮮嫩,芝士同其他配料都配搭得好好,令人回味無窮。明太子伴玉子燒的玉子燒又暖又滑,真係令人愛不釋手!最後叫咗杯清涼的飲品Lychee Frozen以荔枝為主,清新爽口,好岩食串燒飲!Firebird菜式好有獨特風味,特別係✨火焰原隻雞腿✨火山熔岩鮭魚卷都係非常推薦。如果想食日本風味特色美食,可以黎食下!
繼續閱讀
𖠿 銅鑼灣 —— FireBird銅鑼灣邊寧頓街13號地舖𓏸 FireBird名物 重量級火焰原隻雞腿 | $138𓏸 火山熔岩鮭魚卷 | $98𓏸 鰻魚4點盛合 | $188𓏸 脆炸軟殼蟹天婦羅 | $78𓏸 自家製免治雞肉棒(配鮮蛋黃)| $38𓏸 Lava Flow | $78𓏸 冰火日本甜薯雪糕 | $68𖧷 有加一 ‧˚₊ ៸៸*・゜適合多人聚會的居酒屋 ゜・*餐廳有分為吧枱及梳化座位梳化座位十分闊落,是可以容納 10 人以上的而且梳化區域相對上比較隱蔽,個人認為多人聚會挺合適 ~Menu 有多樣菜式,選擇困難症患者會難以選擇xdd現在是萬聖節主題,餐廳都播放着萬聖節歌單,有興趣可以和朋友過來相聚吃個晚飯‧˚₊ ៸៸𓏸 FireBird名物 重量級火焰原隻雞腿 | $138店名既然是叫 Firebird , 那雞肉料理應該是不敗吧?!原隻雞腿放上枱時便十分吸引,店員先灑上酒後點火十分打卡 able , 待火焰熄滅後,店員便貼心地把原隻雞腿剪開雞肉十分軟滑,不柴!但調味上比較重口味𓏸 火山熔岩鮭魚卷 | $98推薦!!!我和朋友一致力認同本晚 MVP 是這道菜 ~入口有沙律醬及山葵醬,口感豐富,微辣惹味𓏸 鰻魚四點盛合 | $188喜歡鰻魚的朋友表示很不錯,但個人認為火山熔岩鮭魚卷太出色了以致鰻魚盛合遜色了一點𓏸 脆炸軟殼蟹天婦羅 | $78入口味道比賣相更好但覺得自己選錯了炸物,個人認為若點脆炸甜番薯條會更好 (再看下去! 有解釋! )𓏸 自家製免治雞肉棒(配鮮蛋黃)| $38熱騰騰的製免治雞肉棒很不錯,正常發揮 𓏸 Lava Flow | $78由菠蘿汁、椰子忌廉、櫻花糖漿、焦糖牛奶和新鮮士多啤梨所調配出來的 Mocktail 甜甜的,朋友十分喜歡 (是小朋友喜歡的口味!)𓏸 冰火日本甜薯雪糕 | $68吃過一口便明白冰火是如何來的面頭是雲呢拿雪糕,底下是熱辣辣的炸甜番薯條及甜薯蓉入口便是冷熱交融 ~炸甜番薯條真的好好吃!纖維較少,肉質綿密,味道香甜,口感順滑用甜品將晚餐作結 ~
繼續閱讀
最近迷上日本菜,上星期Happy Friday又約friend去食😂😂😂餐廳位置唔算多,有一邊係吧位置枱,有裝潢以木系風格為主。 食物種類多元化,有串燒、鍋物、天婦羅、魚生、卷物等,睇到我花多眼亂🤣。咩都想食tim明太子芝士椰菜燒餅 $68呢款原來係大阪燒黎!燒餅餡料多層次,椰菜絲口感爽脆,味道清甜。仲有大量芝士拉絲,溶入蛋汁之中,十分香滑。面頭一邊係大阪燒醬,另一邊係明太子醬,超級惹味!🥑軟殼蟹牛油果壽司卷 $128清新牛油果奶油軟滑既口感配上脆卜卜既軟殼蟹,卷物口感豐富。🐷🐽豚肉串燒盛合 六款口味 $228〰️豚肉秋葵串同時食到豚肉既香同埋秋葵脆中帶滑既口感,好味。〰️豚肉車厘茄卷串 車厘茄多汁,酸酸甜甜,同豚肉十分配搭。〰️厚切豚肉串 師傅簡單用鹽調味,慢慢咀嚼食到成口香濃肉汁,正。〰️豚肉金菇卷串金菇肥牛卷食得多,豚肉卷第一次食。豚肉卷肉質鮮嫩甜美,不油膩。〰️豚肉鵪鶉蛋串豚肉卷包住鵪鶉蛋,口感綿密細膩。〰️豚肉日本產牡蠣卷串牡蠣口感鮮甜多汁,同豚肉出奇地夾。🐔Firebird名物 重量級火焰燒雞 $138店員係前席灑上威士忌再點火,十分吸晴! 然後 會後將原隻雞髀切件,十分細心。雞皮被炙至微焦十分香口,雞肉嫰滑多汁。辣粉香料帶微辣,好惹味。 旁邊既椰菜可以夾住雞肉一齊食,爽口又清甜, 減低油膩感!🍓Strawberry Yakult Cocktail $78味道酸酸甜甜,酒味唔濃,十分易入口。Mix Fruit Tea $58呢杯由士多啤梨、芒果、檸檬等水果製成,十分清新。
繼續閱讀