49
12
6
招牌菜
相關文章
之前我未去過牛下的雲興隆。見他開在得寶, 去試下。食物ok, 味較濃。不過, 我不會再去光顧, 因為我覺得好勞氣。事情是這樣的, 有一晚我們在門口看他們貼出來的單張, 有人promote我地, 我想食意粉,我問, 晚上是否仲有西蘭花意粉的 (因為餐牌上寫的是午市), 職員 a 說, 有呀, 不過要加幾元, 晚上是 38元, 因為餐牌上既價錢是午市特價, 無問題, 我地入左去。點知坐下, 落單, 我叫剛才問既意粉, 職員 b 話, 無架, 晚上無意粉架, 只有炒菜, 如西蘭花, 菜心等等, 48元, 不過會有飯跟。我話, 剛才職員 a 話有, 職員b 解釋, a 是新來的。都無問題, 算啦。我地話再看一陣再order。之後落 order是 職員c寫的。我寫左個炒菜心, 仲有個西炒飯。D 野來啦, 我再問職員 c , 個菜心是否有飯架, 職員 c 說, 無架, 如要飯, 要加5元。我話, 剛才又話有既 ? C 話, 無架, 如果有人剛才話有, 我裝比你law。什麼意思? 火都來, 最後他們送了個飯來, 我無要。什麼意思! 不會再去 !
繼續閱讀
蛋鱔煲仔飯~~好香好多飯焦~落頗多豉油但不會太鹹~~豉油同蛋汁才是靈魂~~是令原本唔太食飯嘅我忍唔住爬2碗嘅精髓~~~再黎惹味蠔餅~~~香脆不在話下~~蠔多粉少才是好吃原因~~但份量太大~2口子吃太多了~~~炒蜆亦很到家!一字記之曰:掂~~伙計好禮貌~~也要加分
繼續閱讀
補返d食評先^^22/6/09第一次同傻baby泥,點了..水煮魚腩:分量大,魚唔鞋口,好滑,辣度夠..浸係煲底的芽菜更是一絕,索曬d湯,愈食愈過癮咸魚肉餅煲仔飯:咸魚我覺得普通,反而肉餅ok呀..唔會打到死實實,食落好香滑!五香肉丁滑雞煲仔飯:雞真的是很滑,加埋五香肉丁辣辣地幾好味兩個煲仔飯既米粒分明,亁身,整煲飯底和邊都結焦,脆卜卜,正!個老闆娘會走埋你度問你d野岩唔岩食呀,好親切!27/6/09今次同個朋友泥試,點了蝦亁排骨煲仔飯:好多料,排骨好入味,加埋蝦亁既咸香好好味~食到底有脆卜卜既飯焦!雞蛋焗魚腸(我唔係好記得個名):面頭果d係蛋,底果d係魚腸,入口比較淡口,我第一次試覺得幾得意汽水兩大枝:唔係咁夠凍!
繼續閱讀
這次就為了雲興隆的名物冰梅骨而來，見到即做的煲仔飯，很吸引，也叫了。冰梅骨，上來時紅紅白白的，很漂亮。紅白的是醃白紅蘿蔔，酸酸的，整個冰梅汁就靠它，與平常吃的甜酸汁比起來會更酸一點，亦更加開胃。排骨上的粉薄而脆，可惜有一兩塊較大舊，因為肉太厚，炒得不夠熟，是選材的失誤。土魷肉餅煲仔飯，全都是即叫即做，熱辣辣地上來。土魷的香味充斥在整煲飯，肉餅的油流進了飯，飯的味道自然提升了。灑了點醬油，立即就是一流的味道。煲底的飯焦不會太焦，可說是未夠脆身。雖然很好味，但分量大，兩個人食得很飽才食完。雲興隆，雖說是老式裝修，可是各種各樣也保全得那麼好，牆磚、地磚、枱凳都清潔干淨，應該是有誠意的食肆，希望牛下之后也會繼續做下去吧。
繼續閱讀
很快牛頭角下村便會清拆,清拆之前,便和家人來一趟.今天我們第一站便選擇了" 雲興隆小廚 ".來之前,也看過openrice的食評,看見之前有一位食家把這碟"士多啤梨豬展骨"影得好靚,所以,今天來也特別點了這碟"士多啤梨豬展骨".這碟"士多啤梨豬展骨"真的不錯,特別是這一個士多啤梨汁,好鮮味,酸may may給我感覺很開謂,所以我順便把這個汁"撈飯,也特別醒謂. 正正正還有,我們還order了蠔餅. 這個蠔餅真的好好味,好鬆化,唔漏,而且不是很油的. 暫時我食過咁多間大排檔的蠔餅,是最好味的一間.讚了兩碟好味的招牌菜後,真的不好意思,另有兩碟要扣分. 一碟是沙薑雞,雞很老,好"鞋",真的很失望,所以我們三個人order了半隻沙薑雞只吃了一半. 另外是這碟蒜溶小白菜,這一碟要整得好食,我相信不是太難,但可惜菜又是很老及很像落了很多油,所以這兩碟真的要扣分.還有一點,令我有少許失望就是啤酒唔夠凍. 因我本人在大排檔食飯最享受是一邊吃招牌菜,另一邊就是喝著冰凍的啤酒,但可惜啤酒唔夠凍,不是雪了很久,有點兒失望.另一方面,就是詁不到大排檔的員工也很有禮服的. 不是高級餐廳才有一級的服務態度,大排檔也有的.
繼續閱讀