6
0
0
港鐵尖沙咀/尖東站 B1 出口, 步行約5分鐘
繼續閱讀
營業時間
星期一至四
17:00 - 03:00
星期五至六
17:00 - 05:00
星期日
17:00 - 03:00
以上資料只供參考, 請與餐廳確認詳情
相關文章
久違的聚會唔想太快結束，所以食完晚餐決定揾個地方飲2杯吹下水😂 見到Box Hong Kong除左有酒，仲有VR！好吸引！Box Hong Kong 係諾士佛台樓上酒吧，門口有啲機關槍做裝飾，配合返VR game一入門口見到一排VR 機，另一邊仲有個VR 房 同飛標，好多野玩！當然唔少得Beer Pong 呢D飲酒Game 啦！職員安排坐位後就俾左iPad 我哋，iPad即Menu，係黑暗環境都可以睇得好清楚。除左唔同類型嘅酒仲有小食，職員見我哋唔知揀咩好，問我哋想飲咩類型/味道，最後按職員推介揀咗2杯Signature Cocktail~ Bear Attack：呢杯一到我哋就俾個杯吸引左，好得意😍職員介紹因為呢杯有咖啡粉會比較苦，可以等啲冰慢慢溶落去，你可以飲一啖食一啖燒咗嘅棉花糖呢杯cocktail 由多種酒，連咖啡粉同可可粉調出嚟，所以相比French Kiss酒味重好多。加上飲嘅時候會飲到咖啡粉，帶點苦味，咬一啖棉花糖又俾甜中和，多重Attack😂(不過粒棉花糖食個陣有啲麻煩)French Kiss： 我比較中意水果同甜cocktail, 呢杯French Kiss主調係Gin 同士多啤梨，酒味唔勁，都易入口。但同Bear Attack相比之下冇咩特別另外仲叫咗個Hogandan tower, 職員會貼心俾多個杯你~ 仲有薯角，可惜炸得唔夠脆嚟到呢度最緊要梗係要玩VR!! 而且係唔洗錢!!😍 當然要不停玩！VR機係一人一部，有3種game。可以連線同朋友對打/合作。 同朋友對打輸咗又要飲過😂 Zombie game 好刺激!人數多玩VR房個個好玩啲，我哋人數少不停俾喪屍圍😂 而且睇人哋玩都好好笑！
走先發現門口個零食櫃可以自己拎泥食，蝕咗添😂職員制服都幾正式，而且服務好，以為會好貴，但有VR任玩，性價比都高！通風系統都唔錯。 希望疫情快D完，咁我就可以再同姐妹們一齊去
繼續閱讀
過埋聽日，夜晚病毒會好似睡公主咁瞓醒，冇得出嚟wet，把握呢一夜，盡情揮霍年青的肝臟，迎接明晚開始變相嘅宵禁因為疫情，酒吧唔多人，感覺好似安全啲一埋檯侍應就送上一大杯nuts，幾脆口㗎，有好多款口味喺入面，花生日日食得多喇，食nuts啦呢杯中文係咪應該叫「世界將我包圍」呢？乜酒都溝齊，最啱乜都要大包圍呢杯酒味相對較濃，適合成熟啲嘅胃民飲食晒啲nuts可以再添，自助㗎整碟蝦球送酒先，同杯cocktail好夾芝士流出嚟，好cheesy見到其他人玩喪屍射擊遊戲，就諗起6點會起身嘅睡公主，加油，射死佢地
繼續閱讀
同朋友喺尖沙咀食完飯，想搵地方飲下酒、傾吓計，就嚟咗位於諾士佛台嘅”Box” chill一chill。呢間bar環境寬敞，乾淨企理，整體格局同氣氛都唔錯，一入到去已經有良好印象。除咗傳統飲酒遊戲，呢度仲有多款VR遊戲，包括生化系列123集、double tap、Over kill等等，絕對係一大賣點！各式酒類同食物都有供應，店員都好主動親切咁介紹menu。今次我哋試咗兩款signature Cocktail👇🏻🍫Chocolate Chip Factory $118(Bacardi white rum, Banana liqueur, Godiva, Coco White)有濃郁嘅朱古力香味，配幾款朱古力餅乾，適合嗜甜嘅女仔😋 💠Blue Lagoon $118(Bacardi white rum, Blue Curacao, Triple sec, Lychee syrup, Lemon juice, Lychee)呢款賣相一流，好清新，有夏日嘅感覺，兩粒又大又多汁嘅荔枝令人回味無窮！🍺 Hoegaarden Rosee $88整體感覺唔錯，地點就腳，環境一流，價錢合理，又多嘢玩，下次會再嚟！
繼續閱讀
週末喺外面食完飯 時間尚早 同朋友去一間樓上酒吧 飲嘢兼玩virtual games-🍹Blue Hawaii ($98)冧酒加菠蘿汁🍍同檸檬汁🍋 入口清爽怡人 一邊傾偈一邊食nibbles 食完杯雜錦菓仁🥜 可以去入口處嘅自助小食counter揀零食-🍸Lemon Drop ($88）呢款雞尾酒唔喺drink list上面 酒保大哥爽快應允made to order 實在窩心🥰 主要用伏特加酒加檸檬汁🍋同糖漿 再跟據每位調酒師嘅個人風格 略加變奏 酒精度唔低 勝在甜酸有緻 帶檸檬果香-🕹🎮虛擬遊戲 (任玩免收費）間酒吧好多遊戲設施 氣氛超正 beer pong game擲飛標🎯之外 虛擬遊戲裝備有六套 成班朋友一齊玩或分組比賽都得 不另收費 若果喺外面俾錢玩 三局已經花費二百幾蚊 呢度係變相贈送 唔玩就笨笨豬啦 -📍尖沙咀諾士佛臺1號10樓 BOX Hong Kong
繼續閱讀
適逢weekend，同朋友打完邊爐，之後下場去尖沙咀諾士佛臺一間新開嘅VR酒吧消遣🤩，入面有六部VR機 可以同朋友一齊組成 3 on 3 team work 對打，另外仲有兩個area係俾3個人VR打喪屍🧟♂️🧟♀️， 2部DARTS機🎯，當然去酒吧唔少得既係WHISKEY 啦🥃😆成set都好靚好精緻。不勝酒力既朋友可以order mocktail /soft drinks /juice。如果肚餓嘅話，亦都有正餐同小食可以order，餐牌都係以泰式食物為主。酒吧入面嘅通風系統唔錯，入到去唔會話有好勁歎聞嘅煙味。侍應們好有禮貌，細心體貼，又會主動協助顧客去玩VR機👍🏼
繼續閱讀