359
9
7
開飯介紹
佐賀人氣燒肉店登陸香港，由日本直運九州產的A5黑毛和牛，當中的稀少部位更加鮮嫩美味。座位闊落，環境舒適，適合和家人或朋友聚餐。
繼續閱讀
營業時間
今日營業
12:00 - 22:30
星期一至四
12:00 - 22:00
星期五至日
12:00 - 22:30
公眾假期
12:00 - 22:30
公眾假期前夕
12:00 - 22:30
以上資料只供參考, 請與餐廳確認詳情
有關獎賞計劃
食家推介
相關文章
餐廳：YAKINIKU KAKURA地點：紅磡黃埔天地聚寶坊菜式：來自佐賀既日式燒肉餐牌：賣點係由日本直運九州產既A5黑毛和牛。有套餐，黑毛和牛單點，牛豬雞單點，海鮮單點，蔬菜單點，沙律，涼拌小食，湯同麵飯，飲品有酒類同非酒精飲品。落單掃QR code。大判燒！黑毛和牛西冷 $178 另加一大判燒！黑毛和牛西冷係海外店限定。一大塊薄切黑毛和牛西冷好搶眼，燒一陣好快食得。燒完就將塊牛放係溫泉蛋上面。黑毛和牛西冷好嫩口，個汁好好味。點溫泉蛋食可降溫同有壽喜燒風味。牛板腱肉 $98 另加一牛板腱肉一客五件，非常嫩口，帶黎完全唔同口感。燒肉汁豐富，好味道！鹽味牛舌 $88 另加一鹽味牛舌一客六件，厚度適中，好有咬口，簡單加上鹽調味，建議可以加枱頭酸汁同食。壺漬 KAKURA牛胸腹肉 $138 另加一壺漬 KAKURA牛胸腹肉係用一個大壺上，面頭大大塊切割好既牛胸腹肉，灑上蔥花，下底係洋蔥圈。餐廳用自家製麵豉醬調味，味道調得唔錯，味道較濃，好惹味。肉質唔會韌，好嫩又少少彈牙。好味道份量又多。燒洋蔥好味吸左d汁。若鷄雞脛柳 $80 另加一若鷄雞脛柳一客五件，口感非常爽脆，燒得脆皮多汁，再點辣醬食好惹味。黑毛豚脛肉 $88 另加一黑毛豚脛肉一客五件，質感非常爽脆，非常多汁，唔算太肥。活鰻魚 $148 另加一呢款活鰻魚係期間限定。活鰻魚好大片，服務員提示先燒塊皮個面兩分鐘，然後翻轉燒三分鐘，然後加醬汁再燒。自己都可以燒到皮脆肉彈牙，好鮮味，超好食，配日本花椒粉仲可以有少少提味。呢個我絕對會推介。日本蠔 $38 另加一日本蠔一客三隻，燒完都唔會太細隻，用錫紙兜上枱，加上牛油一大舊，伴有檸檬。蠔肉又嫩又多汁，個牛油汁非常香滑，好好味。枱上面有三款醬汁，左至右分別係酸汁，辣汁，燒汁，味道都幾好。好多肉類都有特製紙牌標示係咩肉類，好貼心。食完仲有甜品盒送，食完燒肉食返個甜品真係夠refreshing！甜品盒有好滑溜既杞子杏仁豆腐同雲呢拿雪糕糯米糍，兩樣都放係個精緻盒入面，杞子杏仁豆腐份量少少，超滑而杏仁味香濃，好正。雲呢拿雪糕糯米糍都唔錯，個皮夠煙韌。呢間分店座位舒適，上菜快速，食完唔會成身油烟味。呢餐食左好多肉，就算唔係和牛都好好味，而海鮮質素都好好，真係大大大滿足。
繼續閱讀
得知這間是九洲佐賀第一人氣燒肉店, 有多款不同類型的牛肉, 另外也有豚肉跟雞肉選擇, 突然心血來潮想吃燒肉, 所以亳不猶豫就決定在敝店用餐 ☺️ 餐廳位置上並不好找, 最近的出口是黃埔C出口附近的電梯, 向船的相反方向走就會找到。餐廳空間蠻大的, 座位之間都有不少距離, 私隱度算高。大判燒! 黑毛和牛西冷 $178可謂另類西冷, 有別於一般西餐厚身的西冷扒, 薄薄一大片, 油脂分布均勻, 提供三款秘制醬汁, 分別甜酸辣三種口味可供選擇 😁 店中專人代為效勞, 燒時火焰大, 食時與攪拌好的蛋一起吃, 和牛非常嫩滑, 味道濃郁, 有入口即溶之感 🤤黑毛和牛腹柳小排 $148特上牛胸腹肉 $128柳小排肉質比較軟腍, 口感相當細緻嫩滑; 牛胸腹肉相對厚身, 口感相對粗糙, 但並非“嚡口”, 兩款和牛味道同樣濃郁 😋黑毛和牛上肋骨中肉 $198由於牛肋條比較厚身大條, 建議用剪刀剪成一件件, 易於燒烤。雖然厚身, 但並不韌, 除了“啖啖肉”之外, 一咬肉汁澎湃流出 🤩 若雞雞脛柳 $80多款和牛外, 還點了一碟雞肉, 也一樣新鮮嫩口, 比期待出色 😊Kakura牛肉飯 $98將蛋攪拌後與牛肉一起吃, 牛肉雖然細細片但蠻厚身的, 味道不錯, 而且有大量洋蔥作配料! 😙 不過對比燒肉則有一段距離, 只是因為燒肉太好吃了 😬黑毛和牛刺身盛海膽 $98比較少吃和牛刺身, 口感柔軟細嫩, 有點滑溜的感覺, 鮮味十足, 亳不腥羶!! 🤗 而且海膽非常鮮甜, 跟日本吃到的海膽不相伯仲! 🥰最尾還逢上椰汁布甸和雪米糍, 椰汁布甸椰汁香濃柔滑, 還配上一粒杞子點綴, 雪米糍相對普通, 未有太大驚喜, 但作為結尾甜品也很不錯 😄餐廳整體牛肉質素很好, 難怪是九洲人氣第一, 而且環境也不俗, 值得推薦!
繼續閱讀
母親大人話想食燒肉，梗係帶佢嚟黃埔這間Yakiniku Kakura日式燒肉店，質素好好，交通方便，因為未有book位，所以早啲到，6:30嚟到已經坐滿咗半場🙈必點菜式：「大判燒！黑毛和牛西冷」，非常高品質，由店員親自主理，會按要求食客的熟度去燒，薄身，但肉質鮮嫩多汁，搭配日本蛋，非常滑溜好味😋「黑毛和牛腹柳小排」和「黑毛和牛內橫膈膜」兩個不同和牛部位，兩者都含有豐富油脂香，腹柳小排非常鮮嫩，入口即化，而橫膈膜就有咬口，筋膜比較多✨特上牛胸腹肉係比較精瘦部位，但同樣有豐富肉汁和牛脂香☺️牛舌肉經過調味，口感嫩滑，肉質鮮美，燒肉必點菜式👍🏻食咗咁多款牛，就叫咗碟若鶏雞腿，雞腿肉肥嫩多汁，保持鮮嫩，香口彈牙✨食完燒肉，就叫咗凱撒沙律清清口腔，沙律菜新鮮，配上凱撒醬和麵包丁，十分清新🥬之後就到甜品時間，雪糕糯米糍和杏仁豆腐，非常香滑✨✨巨峰堤子乳酸梳打&青森蘋果乳酸梳打冰涼酸甜，食燒肉解渴一流👍🏻今日又係滿足的一晚，母親大人十分滿意，仲叫我下個月再嚟食多次😆
繼續閱讀
呢間日本過江龍燒肉品牌早兩三年前登陸香港 一直都好高人氣🔥於黃埔, 銅鑼灣同沙田都有分店🏬主打九洲佐賀黑毛和牛 有唔少部位供客人選擇🐮店內座位闊落 枱之間有木扇牆作間隔 增加私隱度🪑✨️大判燒｜黑毛和牛西冷 $178餐廳嘅招牌菜之一 - 大判燒🤩一大塊黑毛和牛西冷 油脂分佈似雪花般好均勻❄️怕燒得唔好的話 可以請店員嚟幫手燒💁♀️一放上鐵網上就超級搶火🔥店員將其燒香至5成熟左右 肉質帶微微粉嫩😋食落脂肪喺口中融化 但保持牛肉嘅咬勁😛沾上蛋汁進食 十分滿足😊🍴Omakase Course $398 pp✨️前菜｜沙律✨️前菜｜泡菜三點盛✨️塩味上牛舌牛舌切得有相當嘅厚度👅用大火燒一兩分鐘 燒至外層焦香🍖食落爽脆肉汁豐富🥰而簡單嘅鹽同黑椒調味已經足夠食落牛嘅鮮味🧂✨️蔥塩味若鷄雞脛柳將雞脛柳放喺爐邊慢火烤煮🐣雞肉嘅部位脂肪唔多 但肉質都保持到鮮嫩😉加上淡淡嘅蔥香調味增添味道層次🌿✨️海老兩條大海老望落色澤鮮橙紅 十分新鮮🦐燒烤後肉質幾爽彈😋而且蝦頭亦有少少嘅蝦膏 十分鮮甜☺️✨️黑毛和牛｜腹柳小排腹柳小排的油脂分佈得較細膩均勻🧈所以輕輕燒一燒已經可以食得🔥食落好軟稔 油脂融化喺口中☺️✨️黑毛和牛｜裏腹小排裏腹小排瘦肉比例相對多少少🐮色澤呈暗紅色🔴食落有啲咬勁而肉質軟嫩多汁💦而且牛味亦都較濃郁🐂✨️特上牛胸腹肉牛胸腹肉亦都被叫做牛五花🐮呢個部位出名脂肪豐厚而肉味香醇☺️一層層油脂同肉的紋理十分明顯🥩燒後帶出焦脆的筋肉 同咀嚼口感 十分美味😛✨️牛板腱肉牛板腱屬於較多筋膜嘅部位🥩肉質相對結實一點😉燒烤後逼出油脂 可以食到柔嫩而有咬口嘅肉質😋而且牛味係4款肉當中最濃郁嘅一款😆十分香口滿足💖✨️石燒泡菜鍋飯燒肉配上一碗美味香口嘅石鍋飯 真的十分完美💓石鍋飯有芽菜, 泡菜, 紫菜, 雞蛋等配料🍳二個人一起share已經十分足夠果腹😋✨️甜品｜杏仁豆腐｜雪米糍最後送上甜品作一個美滿嘅結尾😋杏仁豆腐十分滑溜☺️淡淡嘅豆香同杏仁香清一清口腔嘅油膩感🌿✨️海藻湯一頓令人好滿足的晚餐💖Omakase燒肉set包含的菜色豐富😋而且可以品嘗數款和牛部位🍽牛肉的品質亦都唔錯 新鮮而肉質鮮嫩🐮而餐廳嘅座位闊落 排煙系統都做得好好 沒有濃濃嘅煙味💨店員服務態度都好友善💁♀️最後我同朋友都食得相當滿足呢😆
繼續閱讀
涼涼地 有冇人燒肉癮起呢⸜(⌯'▾'⌯)⸜@yakinikukakurahk 係來自日本九州佐賀既超人氣燒肉店 現時係香港有三間分店我去左黃埔店 同場仲有枱日本人光顧 係質素既保證吧.ᐟ◦ 大判燒！黑毛和牛西冷必點既招牌菜- ̗̀𖤐店員會代燒 確保牛肉燒得完美燒好既西冷仲帶微微粉嫩 蘸埋溫泉蛋一齊食 幸福啊(˶ˊᵕˋ˵)望落得一片咁 但佢係有厚度架 食落帶有肉感 同滿滿油香平衡番◦ 壺漬KAKURA牛胸腹肉好大一件 拎起手係重架.ᐟ.ᐟ呢個部位同我最愛既封門柳非常類近都係脂肪比例低但口感軟腍 肉味極濃郁◦ 蔥鹽味上牛舌牛舌lover表示呢度既牛舌都非常推薦(≖֊≖)睇圖咁pink都睇得出佢係無花無假既牛舌芯燒到半熟左右超嫩 配埋蔥鹽醬係絕配啊◦ 黑毛和牛腹柳小排咩事 明明suppose係瘦啲既部分都油花大爆發( Ꙭ)！人老真係食唔到咁多和牛啦 一件起兩件止就夠lol◦ 活鰻魚店員會先講解燒既步驟 最後自行再加鰻魚醬同山椒粉我地都成功燒到魚皮脆脆地架～鰻魚油脂都頗多 食落偏彈牙◦ 若雞雞頸柳近年燒肉雞肉喜好既部位 好爽口.ᐟ◦ KAKURA沙律解油膩係必須的 加左泡菜同吞拿魚肉 幾出乎意料既組合◦ 冷麵（大）Again清新之選 大既係二人份量幾多配料 就算單食一啲都唔單調◦ 甜品最後餐廳仲會每人贈送兩款日式甜品 雪米糍同杏仁豆腐 非常有心⸝⸝⸝♡✿
繼續閱讀
您可能會有興趣的...