41
14
3
電話號碼
2795 0740
營業時間
星期一至日
12:00 - 03:00
以上資料只供參考, 請與餐廳確認詳情
相關文章
31/08/2009 晴天舊區面臨清拆, 地面不少店舖都要搬遷, 牛頭角下村的店鋪都冇了七七八八,"文記"將會搬去利基大廈, 所以今天"文記"在牛頭角下村的最後一天, 所以今天光顧的客人特別多,也感到一點人情味, 是日下午我和嘉豪入了去歇一會, 天氣熱當然要叫番支懷舊玻璃樽可樂暢飲一番, 我們叫了兩支都是大樽裝"355ml"的, 之後叫了一碟腸粉share 食腸粉都好熱辣辣, 不會粘著一舊舊,皮薄幼滑, 醬汁又夠多, 盛裝的懷舊裝腸粉的碟, 真是令人懷念, 記得我在小學生時, 我都會放學在我家樓下的街市買些腸粉食, 那時都是用這些輕身的碟,之後拿住隻碟站在一邊食, 食完後也還番隻碟給老闆, 現今都改用了膠碟了!地方都只是有少量座位, 所以都好狹窄, 但這些地方總給人有個溫暖的人情味, 不少街坊,學生&OL都會來這裡光顧食點東西, 同老闆都好傾有講, 就好像一個家一般, 而且店內也有電視機可以看, 食物方面都不錯價錢便宜, 真是不知道再可以那裡找到地鋪的大排檔小食店?香港越來越少那麼有地道的大排檔小食店, 在觀塘的舊區一帶&旺角的波鞋街一帶也一樣面臨清折的日子來臨, 真是令我依依不捨!希望政府會保留香港的特色, 保留香港的大排檔風味......
繼續閱讀
星期一晚同朋友睇戲前去醫下個肚先.得知文記31號就搬, 一於帶埋班fd 去舊鋪試下風味先去到, 台都坐滿, 多數係d 單身人士.等左一陣等到張大台, 即刻出去叫野食我要左幼麵, 魷魚, 魚蛋, 蘿蔔, 加埋$17, 真係好平.另外仲出去買左d 煎釀三寶$10/6件有點兒貴, 但就一試睇下值唔值啦串燒: 魚蛋$6 牛柏葉$6 魷魚$7 每樣一串. 我都唔記得自己o個碗有魷魚同魚蛋添. 先講個麵, 都幾彈牙.個湯定d 咖哩魚蛋汁真係幾辣, 成碗野都辣晒, 但又唔係個咀腫左o個隻辣魷魚其實冇乜味, 都係靠湯同d 汁. 好爽口, 其實佢應該落左3,4條左右, 但佢剪開左就覺得多到食唔晒, 仲多過d 麵, 食到最後都仲有, 多得太恐怖了.蘿蔔, 車仔麵必食, 索晒d 湯勁入味, 爽口同林之間岩岩好. 仲勁大舊, 見住佢將一大舊蘿蔔剪開三舊!哩碗野睇落去咁細但食極都食唔完... $17 飽晒真係超平啦.希望佢去左新鋪仲keep 住哩個價同哩個份量啦串燒. 問我要唔要咖哩汁, 我話要, 佢幫我浸左兩次... 之後再加沙嗲佢好好人咁幫我拎埋去張台度.真係好辣. d 柏葉都幾爽, 唔錯煎釀三寶冇乜特別, 豆付唔夠人和好食佢出名係魚蛋, 因為大大粒, 但d 魚蛋都偏鹹.叫左支大汽水$7, 細既$6, 正呀!
繼續閱讀
牛下正式清拆已近尾聲，知名食店如金利來等已陸續關門。餘下繼續營業的也進入倒數階段，就如文記也貼了告示知會街坊營業至8月31日，不知道這次還會否可以再度延期？這次向各位推介文記的煎釀三寶，以我個人的口味，覺得文記新鮮炸起的煎釀三寶可以說是全東九龍區，甚至全九龍區最美味的。每天下午4、5點開始（有時2、3點路過想吃煎釀三寶，「走鬼檔」也未開始營業），至放工時段，路過其檔口都會見到一條人龍在等候，有時3幾個人，高峰期有時更會有接近10人在輪候。有人會一買2-30元三寶外賣回家當晚飯餸菜，我則最喜歡新鮮熱辣就地即食（買完立即到旁邊電梯大堂坐下慢慢嘆）。正因為多人輪候，故此其煎釀三寶基本上都是新鮮炸起的，與坊間一些預早炸起，不知擺放了多長時間的自然不可同日而語。我曾經在其他一些食店嚐過一些半溫不熱、甚至乎凍冰冰的煎釀三寶，雖然其價錢會較為便宜（其他地方可能賣10元8至10件、文記則賣10元6件），但我相信當你品嚐過文記的出品後，也會覺得縱使是貴了一點，但絕對是物有所值的。老土D講，文記的煎釀三寶真的魚有魚味，其他配角如辣椒、茄子、豆腐等也各自有其原來的味道，由你看著老闆在油鑊熟練地炮製開始，到新鮮熱辣叉到碟內，加點豉油，就咁食已覺得超滿足。假如你喜歡，也可加一些甜、辣醬，又會是另一番滋味，筆者一位朋友曾提及這裡的三寶就算加了其他醬料，也不會影響魚肉的質感。本人亦曾試過這裏的炸雲吞皮，只見老闆純熟地拿起雲吞皮，包點一些魚肉，放在油鑊裡。不消一會，金黃色的炸雲吞皮便大功告成，加點淮鹽、甜辣醬，其香硊的口感，假如配一杯冰凍啤酒，說不定和尚也會為此破戒。不知何故，現在賣煎釀三寶的地方也少有賣炸雲吞皮，所以在這裏也可以拾回不少童年回憶。（記得小時候在月華街讀小學，下午6點放學後最喜歡用有限的零用錢到月華街與天香街交界的走鬼檔篤新鮮炸起的三寶和炸雲吞皮）隨著牛下14座的舊舖遷拆在即，真的有點擔心在牛頭角道55號利基大廈的新舖在稍為失去地利優勢（近地鐵站）的情況下，還可否維持新鮮現炸這優良傳統？還是趁這個週末趕緊到舊舖重溫一下兒時的味道……
繼續閱讀
從來就不喜歡食車仔面...因為食過好難食的車仔面,覺得車仔面就好似將隔夜餸撈埋撈埋...唉... 果日兔兔話同我去食車仔面...下..算啦,好既一餐...唔好既又一餐... 去到搵唔到新店只好去舊店...舊店冷氣唔夠熱到死... 諗唔到食咩加上超熱...又燥...只好由兔兔發板... 點知上台一試好好味wo...車仔面的湯夠濃,好香^^~因為我地都食得辣,所以我地都嚴唔夠辣...但佢都有辣椒油俾我地加...車仔面d料仲好多tim... 之後我地覺得唔夠喉就叫剩送...點知...我企左好耐兩個嬸嬸都掛住係度傾計唔理我佢地仲要係係d食物面前傾到好似花灑咁... 食野除左好味都要講衛生架~!!!
繼續閱讀
行過想食野~~買左一串魷魚、一串柏葉~再加煎釀3寶好味呀~~煎釀3寶，岩岩炸起~~~~~~好好味。。唔知遲d會去邊呢？？文記茶餐廳？？e+就真係好麻麻@@希望味道不變~
繼續閱讀