516
16
7
港鐵牛頭角站 B6 出口, 步行約5分鐘
繼續閱讀
電話號碼
36188772
95858500 (whatsapp)
開飯介紹
裝修以狗為主題，甚至連餐牌、爐頭上也有狗狗的圖案。客人可以享用火鍋雞煲任食套餐，有多款湯底及配料選擇，食材新鮮。
繼續閱讀
營業時間
今日營業
07:30 - 23:30
星期一至日
07:30 - 23:30
公眾假期
07:30 - 23:30
公眾假期前夕
07:30 - 23:30
以上資料只供參考, 請與餐廳確認詳情
有關獎賞計劃
食家推介
相關文章
唔係講笑，呢排啲飯局唔知點解餐餐都打邊爐！今次去到牛頭角食呢間任食火鍋，主打「無限時」，就係 $288 可以坐足成晚！現場所見舖頭嘅枱同位置都放得好多，光顧嘅客人也很多，好有港式打邊爐嘅氣氛！$288 為食套餐 （每位）呢一個套餐分為四個部份： 🍗Round 1: 餐前小食小食有5款揀，有甜番薯條、炸雞、沙律、炸大腸同埋雞腳。我哋點咗炸雞嚟試吓，有一般炸雞水準。🍣Round 2: 前菜 （一次性）三點刺身盛盒：每日有3款嘅時令刺身提供，今次有三文魚、蝦同埋北寄貝，都算新鮮。🐔Round 3 : 頭盤（酸菜魚/雞煲）二選一頭盤方面分別有酸菜魚或者雞煲二擇其一，因為酸菜魚只係可以上一次嘅關係，而朋友又比較大食，所以揀咗雞煲。雞煲我哋揀咗BB辣，味道濃味、香口，我哋叫咗兩次！🍲Round 4: 火鍋盛食食完雞煲之後，我哋就可以揀個湯底嚟打邊爐啦！我哋揀咗濃湯豬骨，個湯底嘅材料比想像中豐富，真係大大嚿豬骨放咗落去！店員隨即捧上一個為食海鮮拼盤，一共有5款：蝦、蜆、元貝、鯇魚肉同白鱔片。跟住仲有好多嘅火鍋配料俾我哋任食！重點係唔限時！坐幾耐都得！保證食到飽飽先走😋
繼續閱讀
今日去咗位於觀塘嘅一間火鍋店打邊爐，佢係冇限時㗎！😍😍😍我地揀左$288嘅為食套餐，首先round 1 有餐前小食：鮑汁雞腳甜蕃薯條唐揚脆炸雞蟹籽沙律酸甜炸大腸當中特別鍾意鮑汁雞腳同埋甜番薯條，可以再添但唔好食太多，如果唔係就食唔到之後嘅嘢～Round2 三點刺身盛合（一次性）有三文魚，蝦之類嘅刺身～Round 3 可以揀為食酸菜魚（一次性，售完即止）或者任食寵寵雞煲，我哋揀咗雞煲。食完雞煲就去到round4 火鍋盛宴，湯底方面我哋揀咗藥膳高湯牛尾之後有為食海鮮拼盤（四款），有鮮蝦、蠔、蜆、半殼元貝、脆肉鯇跟著有為食牛肉拼盤 5款（一次性）潮汕吊龍伴、黃喉、手切牛頸脊、熊本雪花一口牛、SRF和牛胛肉眼芯全部都牛味濃郁～之後任食火鍋配料揀咗：手工雲吞（粒）牛腰脊（碟）牛胸腹（碟）肩胛肉限（碟）黑柏葉（碟）紫菜響鈴（件）鹿兒島茶美豚（碟）羊卷肉（碟）因為冇限時嘅關係所以食到好飽，特別推薦大胃王嚟食！好扺食加一服務費～為食火鍋公司（萬泰利廣場）地址：觀塘創業街13-17號萬泰利廣場地下C舖
繼續閱讀
Round 1 : 時令燉湯+餐前小食（甜番薯條、唐揚脆炸雞、蟹籽沙律、酸甜炸大腸、鮑汁雞腳）我預早一日預訂嘅時令燉湯，好足料🤩餐前小食我最鍾意食嘅係鮑汁雞腳，夠晒淋同入味😍Round 2 : 前菜 五點刺身盛合（一次性）三文魚、帆立貝、赤蝦、油甘魚、北寄貝全部都好新鮮，超級肥美，我最鍾意嘅就係食帆立貝🫢肉身勁厚實，味道好鮮甜，口感豐富，好滿足🫶🏻💖Round 3: 頭盤 我揀左任食寵寵雞煲BB辣🌶️辣味啱啱好，雞肉好嫩滑，醬汁濃郁，食落口香辣又惹味🤤Round 4: 火鍋盛宴 我揀左濃湯豬骨湯底 🐟豪食海鮮拼盤（蟶子、鮑魚、龍躉片、脆肉鯇、蠔、蜆、鮮蝦）全部海鮮都好新鮮甜美，我最鍾意食嘅就係蟶子同埋蜆，超級爽甜，一啲沙都食唔到，好鮮甜😬🤤💖味道非常之好👍🏻🐮豪食牛肉拼盤（潮汕吊龍伴、澳洲封門柳、熊本雪花一口牛、黃喉、潮汕五花趾、美國S R F和牛三角肉、S R F和牛肩胛肉眼芯、手切牛頸脊）真係咩部位都有，啱晒我呢個牛魔王😆我最鍾意食嘅就係手切牛頸脊😍雪花分布好平均，好濃郁嘅牛肉味，肉質相對結實但又有彈性👍🏻😬正🫶🏻💖另外仲可以透過QR code，叫好多唔同種類嘅任食火鍋配料，好多都好高質，我鍾意食手工一口雲吞同埋手工一口韭菜餃🥟餡料好多，而且皮薄餡靚👍🏻仲有我好鍾意珍寶蟹柳，又長又厚，味道好鮮甜，太好味😋丸類方面，我會推介寵寵濃汁牛肉丸，好彈牙，食落口仲會爆左啲香濃牛汁出黎，正😍手打烏冬都好好味，夠哂彈牙煙韌😆🎀餐廳舒適寬敞，上菜速度快，餐廳店員服務態度好友善，抵讚👍🏻 餐廳仲設有田園自助吧，有唔同菇類同蔬菜可以揀，仲有好多非酒精飲品任飲👍🏻😛由頭食到落尾都好高質，仲要無限時，今餐食得好滿足
繼續閱讀
一個價錢可同時食到小食、雞煲、刺身同火鍋，無限時任飲任食，唔洗食得甘趕之餘，最緊要係食得夠盡興，岩晒同朋友或家人聚餐。餐廳以哥基為主題，周圍見到很多毛孩做裝飾，座位寬敞舒適。店員教落為食火鍋有4步曲，首先由餐前小食開始，之後食刺身、雞煲、最後輪到食火鍋，好有儀式感。Round 1 餐前小食5種小食包括 甜蕃薯薯條、唐揚脆炸雞、蟹籽沙律、酸甜炸大腸、鮑汁雞腳。唐揚脆炸雞有驚喜，熱辣辣，口感鬆脆。Round 2 前菜三點刺身盛合(一次性)有三文魚、北寄貝、牡丹蝦，刺身厚切，鮮味突出，牡丹蝦肥美鮮甜，三文魚入口即化。Round 3 頭盤為食酸魚(一次性)/ 任食竉竉雞煲(二選一)我地㨂左小辣雞煲，打開煲蓋香氣撲鼻，醬汁香濃惹味，雞件肉質嫩滑，仲有豬皮、水魷、牛柏葉可放埋落煲一齊煮，好惹味。雞煲係任食架，食完想食多d 可以再order。Round 4 火鍋盛宴有5種湯底可選擇，揀左藥膳高湯牛尾湯底，牛味香濃清甜，加埋牛肉併盤既牛一齊放落湯到滾，牛味更富層次。為食牛肉併盤(一次性)：牛肉併盤包括潮汕吊龍伴、黃喉、手切牛頸脊、熊本雪花一口牛、SRF 和牛胛肉眼芯。每款牛肉味道同口感各有特色，仲有多種肉類及火鍋配料可任點任食，蔬菜可到田園沙律吧自取，另外非酒精飲品都係任飲架。為食海鮮併盤(是日5款)一次性：是日海鮮有鮮蝦、蠔、蜆、半殼元貝、脆肉鯇、白鱔片，擺盤吸引，海鮮肥美肉厚，size 偏大，蠔鮮鮮甜爽口，今餐食得好盡興呀。🔎為食火鍋公司 (觀塘)📍觀塘創業街15號萬泰利廣場地下C號舖
繼續閱讀
我都係第一次去食，就揀咗$288個餐，成個為食套餐總共要分四round去食既Round 1有小食，甜番薯條、唐揚脆炸雞、蟹籽沙律、酸甜炸大腸、鮑汁雞腳，可以無限添食，但食完落咗去Round 2就冇得返轉頭，唐揚脆炸雞炸得夠熱夠脆，爆汁雞腳都入味Round 2有一次性三款刺身，三文魚、赤背、赤海蝦Round 3有頭盤，可以選擇酸菜魚、麻辣雞煲、養生藥膳黃酒煮雞煲，我揀咗麻辣雞煲，雞嘅份量都夠多，因為個雞本身拎出嚟都係生，所以要煮耐少少，職員都會喺旁邊教你Round 4有火鍋，如果Round3選擇咗酸菜魚或者麻辣雞煲，就可以揀火鍋湯底，有濃湯豬骨/泡菜蜂巢豆腐/藥膳高湯牛尾/櫻桃鮮茄薯仔，但如果揀咗養生藥膳黃酒煮雞煲，就會直接落湯做湯底，如果轉其他湯底就要加$38。為食牛肉拼盤+為食海鮮拼盤都係一次性，其他火鍋配料有肉類、丸類等等，蔬菜類、飲品、醬料就自己出去自助區取食物嘅種類多，環境都夠闊落，呢個價錢夠晒飽肚
繼續閱讀