103
10
7
| 餐廳: | 德國餐廳 (寶怡花園) |
|---|---|
| 優惠: |
於此國泰夥伴餐廳用餐賺里 ! 國泰會員於夥伴餐廳消費可賺高達HKD4 = 2里數。受有關條款約束。 |
|
條款及細則:
|
|
|
|
電話號碼
24780499
開飯介紹
裝修採用大量原木，感覺溫馨舒適。主打傳統德國菜，招牌菜有德國鹹豬手等，肉質嫩滑，味道香濃，提供芥辣醬、蜜糖芥末醬。
繼續閱讀
附加資料
星期一至五，午餐免加一
營業時間
今日營業
11:30 - 22:30
星期一至日
11:30 - 22:30
以上資料只供參考, 請與餐廳確認詳情
-
網上訂座服務暫停
優惠
88折
【屯元天】$100 通用現金劵 **無限兌換**
$88
$100
| 餐廳: | 德國餐廳 (寶怡花園) |
|---|---|
| 優惠: | 國泰會員於夥伴餐廳消費可賺高達HKD4 = 2里數。受有關條款約束。 |
|
條款及細則:
|
|
|
|
食家推介
相關文章
#pb食在屯門 #pb西餐系列 屯門抵食德國咸豬手晚餐🇩🇪今次想介紹一間位於屯門良景嘅德國餐廳 附近有出名嘅JEP by Involtini、First Stage Cafe等🥰 佢全港有5間分店 包括將軍澳、屯門、新蒲崗、天水圍、大埔😍 不過今次介紹嘅德國鹹豬手晚餐係屯門限定 份量十足 而且價錢超抵食👍🏻.呢個德國鹹豬手晚餐有二人套餐（$178）、二人全餐（$298）、四人全餐（$398） 價錢好平👍🏻 當日我地5個人叫左四人全餐食 個個食到捧住個肚走 份量絕對夠5-6人食😋🔹四人全餐 ($398)🍽️🔸德國鹹豬手配酸菜及薯仔沙律🍖推介❤️ 豬手都幾大隻👍🏻 外皮幾脆 肉質都唔錯 冇咁乾身就仲好😋 仲有酸菜、薯仔沙律伴碟 醬汁有茄汁、兩款芥末😍 中意嘅話可以另加$30轉鹹蛋黃豬手🤪🔸德國超級香腸拼盆🍖推介❤️ 有4-5款腸😋 其中一款腸會爆汁 彈到周圍都係🤪 個底仲有炸薯角 夠哂飽肚👍🏻🔸凱撒沙律配西班牙風乾火腿🥗配煙三文魚 / Parma Ham要另加$30🤪 羅馬生菜幾爽脆 而且份量好多 5個人share每人都分到2碟👍🏻 特別欣賞佢加左好多脆煙肉粒😋🔸香草煙三文魚意粉🍝推介❤️ 份量又係幾多👍🏻 欣賞佢嘅意粉炒得夠乾身 香草味香濃😋🔸墨西哥粟米片🌮就係原味Doritos 所以好好食🤪 可以點墨西哥醬 / 牛油果醬食😍🔸英式炸薯角🥔正常發揮🤪🔸指定啤酒/果汁/汽水2杯🍺當日指定啤酒係Erdinger Weissbier 估唔到佢送咁大杯 真係好抵飲😍 唔飲啤酒都可以飲果汁、汽水👍🏻.整體✨ 呢間德國餐廳位於屯門良景 附近有出名嘅JEP by Involtini、First Stage Cafe等🥰 店內裝修簡約 環境幾寬敞😍 佢全港有5間分店 不過呢個德國鹹豬手晚餐係屯門限定 價錢超抵食👍🏻德國餐廳 (寶怡花園) (屯門)屯門良德街11號寶怡花園地下G32號舖
繼續閱讀
火焰德國鹹豬手 $168豬手係德國菜嘅精髓之一，所以今次嚟到一定必點，店員上豬手時，燃點咗火焰，好吸睛，儀式感十足。豬手炸到外層金黃，香脆有肉汁，配上啤酒，啖啖肉嘅豬手加一口啤酒，呢個配搭勁爽。德國超級香腸拼盤$138德國腸仔亦係傳統德國菜必點之一，腸仔拼盤有多達四種唔同嘅香腸，有紅色橙色同埋白色，每種腸仔嘅外皮都非常脆，咬落去入邊會爆汁，配上旁邊嘅茄汁醬，酸酸甜甜，非常開胃。熔岩芝士麵包薯條 $78薯條同埋麵包都好脆口，薯條用上粗，薯味十足，配上熔岩芝士，芝士可以拉絲，味道香濃，令人忍唔住一條接一條，好邪惡。以上為屯門分店價錢，各區分店有別，敬請留意。
繼續閱讀
前排見某App預約有半價優惠，所以就book黎試吓。其實之前去德國，日日都食豬手腸仔，真係食到有啲厭。所以喺香港好少會食德國菜。餐廳位置其實唔太方便，唔係市中心，真係特登搭車過嚟食。餐廳其實都幾細，感覺唔似連鎖式經營。不過裝修都配合返德國風格。德國鹹豬手配酸菜及薯仔沙律 $168食德國菜一定要叫鹹豬手啦，外皮非常脆，完全唔硬，真係好出色！最緊要係已經切好晒！啱晒我呢種懶人，加分！肉質好腍好嫩，肥瘦適中，唔會好油膩，食晒全隻都唔會過咸。酸菜同薯仔沙律都唔係德國正宗果種，係港式的，就普普通通，味道正常。因為覺得豬手已經好heavy, 所以另外就簡單叫咗香草煙肉三文魚意粉$128意粉味道普普通通，不過好足料，對得住價錢。整體來說，都算幾好食，而且價錢唔算好貴，正價食都OK，當然有特價就真係算係好抵。
繼續閱讀
#搞串個pantry喺香港🇭🇰，除咗日本菜🇯🇵、泰國菜🇹🇭、越南菜🇻🇳，大家都經常食之外，其實仲有德國菜🇩🇪都好受歡迎。今次就嚟到一間喺#天水圍 、#屯門 、#大埔 、#將軍澳 、#新蒲崗 都有分店嘅德國菜餐廳💕，一齊啤一啤🍻！餐廳內嘅裝潢簡約，有一幅德國🇩🇪全境嘅地圖🗺️，碟上面印有德文嘅豬標示圖🐖。今次我哋就嗌咗一份🔴德國鹹豬手配酸菜及薯仔沙律($168)、🔵德國香腸拼盤($118)、🟡柏林式燒豬腩仔($88)。德國鹹豬手配酸菜及薯仔沙律🌟🌟🌟🌟鹹豬手嘅肉質非常嫩😋，食落口好腍，咬幾下就已經呑得，而且食到有炸嘅豬油香味🔥。鹹豬手外皮就非常脆，一啲都唔硬🤩。酸菜味道就有啲偏中式，不過酸度適中，可以中和返鹹豬手嘅油膩感🤤。另外，隨餐配咗黃芥末醬，味道偏辣🌶️，點咗之後，鹹豬手又有唔同嘅感覺。德國香腸拼盤🌟🌟🌟一盤有4種唔同嘅香腸🌭，有啲入面有芝士🧀，有啲係豬肉腸。4種香腸食落口，紅色嗰啲比較彈牙、爽口啲🥳。而白色嗰啲就偏粉，食落口會有啲「霉霉」地嘅口感😖。不過整體食落都唔錯，而底下嘅薯角亦都唔差😋！柏林式燒豬腩仔🌟🌟呢道菜真係令人又愛又恨😶🌫️。總共有五串燒豬腩仔🍖，每一件都係厚切。食落口，外皮連一層肥肉嘅口感非常出色💕，非常腍，入口即化。但係，下半瘦肉部分就好「孩」，以為自己咬緊毛巾😖。如果瘦肉部分都可以整到一樣咁腍就完美啦🥳！
繼續閱讀
今日慶祝生日見有啤酒送就訂位試吓，去到話送既唔可以堂飲，吓咁我不如去超市買，最後都話可以飲不過冇雪，真係嘥氣⋯為左d細路唔行來行去，最後都決定去食。以下係點左食物既評價：炸魚薯條 - 薯條比魚出息，下價雪藏魚雪味好重，不過明既，咁價錢合理。腸仔拼盤 - 普通超市貨，不過不失牛肋骨 - 完全唔值，1/3係肥膏，又冇乜味，要加胡椒粉同鹽去食。最後一提，店內冇廁所要去對面商場，但又冇鎖匙提供，要等其他人用完開門先入得去，非常荒謬！性價比低，應該冇下次。
繼續閱讀