105
45
23
| 餐廳: | HABITŪ table (希慎廣場) |
|---|---|
| 資訊: |
為推動全港減鹽減糖新飲食文化及新生活態度，環境及生態局、降低食物中鹽和糖委員會及食物環境衞生署食物安全中心推出了「少鹽少糖食店計劃」，參與食肆會提供少鹽少糖選項予顧客，部份更會提供特定減鹽減糖菜式。參與減鹽減糖食肆會獲發計劃標誌，以供張貼於店舖內，供顧客識別。詳情可在此瀏覽：https://www.eeb.gov.hk/food/cn/committees/crss/restaurants.html
影片
開飯介紹
caffè HABITŪ the table是一間悠閒舒適、富時尚型格的意式精品咖啡店餐廳，並一直以意大利人對生活飲食講究的嚴選態度作為服務宗旨。caffè HABITŪ精心挑選優質的自家調配烘焙咖啡，彌漫著獨特的幽香，並且含豐富的層次和口感。店舖環境優雅，洋溢著簡約的歐陸風味，正正反映了品牌尤其著重意大利人熱情、富活力和對生活講究的態度。
繼續閱讀
特色
飲o野傾計
附加資料
無肉餐單詳情: 逢星期一提供多款素食菜式，另每天供應少量素食菜式。
營業時間
今日營業
11:00 - 21:30
星期一至日
11:00 - 21:30
以上資料只供參考, 請與餐廳確認詳情
食家推介
相關文章
見到社交網站廣告，Habitu同誠品書店推出聯乘Menu「文學在餐桌」，咁我就同一樣好鍾意睇書嘅侄仔專登約出去銅鑼灣食，點知非常失望。7點半左右，見到店內得返高檯，我年紀有返咁上下就緊係坐唔到，好彩店外仲有幾個位，係就係焗啲同叫店小工冇咁方便，但算啦，因為本身最想都係支持文學。我地叫左兩個套餐，只係主食唔一樣。個湯係雜菜湯，同普通快餐店的冇咩分別，只係用咗個咖啡杯黎裝叫做高級啲。沙律都係冇特別，都係菜呀芝士粉咁，應該係同文學冇特別關係。點知呢，呢個時候竟然上咗飲品……我同侄仔真係哭咗，好後悔冇專登提店小二等到甜品先上。我介紹侄仔加錢飲佢地果個特色招牌焦糖咖啡，佢覺得好飲嘅。我就要咗黑咖啡，味道都幾淡，好啱怕苦的人。主菜一：軟殼蟹蟹肉意大利燴飯唔知係咪本人食開cheap野，咬唔到蟹肉，果個軟殼蟹只係食到麵粉。本人都唔知咩係正宗意大利燴飯，我就當佢係硬少少嘅白粥咁食，都冇話唔得嘅。主菜二：茄子芝士蕃茄醬意大利手工貓耳粉啲醬好酸呀，好啱鍾意食酸味嘅朋友。食食下，侄仔頂唔順，醒起可以問店小二拎黑椒，店小二就比咗支唔係grind嘅黑椒粉，但食多兩啖，侄仔就話唔食喇，佢話撈埋sour cream，好似嘔吐物味道。因為本人好耐冇嘔過，已經忘記了嘔吐物味道，所以就可以食埋侄仔唔食嘅得意貓耳粉。去到甜品，真係首尾呼應，又係用咖啡杯裝，甜品個名叫玫瑰士多啤梨芭菲。個雪糕球唔係雲呢拿味，係益力多味。呢個甜品係酸味多過甜味，因為士多啤梨片同藍莓都係非常酸，應該啱孕婦口味。侄仔就話玫瑰花瓣同塊葉阻住佢食野，我就叫佢唔好嫌三嫌四。我見到侄仔黑晒面，話要去誠品睇書，於是好快就埋單啦！記得呀，誠品會員呢個餐單有八折，盛惠$389，但店小二話佢地同誠品唔同公司，所以冇得誠品會員儲分。我同侄仔最失望的係，食完都唔知邊忽同文學有關，Menu冇解釋，侄仔催促我舉手問店員，我同侄仔解釋，唔好阻人做野！最後提提大家，出面的檯都幾細，唔係好夠位放得晒啲碟，做客人要醒爬，幫下店小二，自己食完疊好杯碟，等店小工送食物黎時，方便店小二收走食完的杯碟，唔係佢地就放唔到新食物～～
繼續閱讀
甜甜酸酸的口感、班戟Juice、兩者一齊食、口感甜中帶酸、充分中和當中的酸的口感、充激住味蕾的刺激、加上芝士配合、順滑中帶點鹹、三者結合口感一流、加上一杯清爽的檸檬汁、新鮮田園香草、薄荷葉及檸檬
繼續閱讀
係銅鑼灣誠品行緊，見到有間呢間menu都唔錯，又未曾食過的餐廳，咁就試一試佢個set lunch。葡式香草焗魚 $168平時好少試葡式焗魚，難得見到就點一份試吓。三文魚焗得唔錯，肉都唔會太老，加咗檸檬汁味道更豐富。魚上有幾條煙肉，味道都好食，同魚都夾。墊底有蕃茄同薯仔，薯仔吸哂湯汁，食落好淋，但又唔會一叉就散，都唔錯。Sharing Trio +$88加$88可以揀三款side dishes 或者蛋糕，咁就揀咗兩款side同一款蛋糕。Side Caesar Salad正常發揮，有少少煙肉碎都幾惹味。Sautéed Spinach呢個菠菜一上枱就聞到勁香，未食就知道炒得好正。食落一d草青味都無，有淡淡的蒜味，非常好食。Quintessential Cake - Opera咖啡味好濃郁，蛋糕質地少少結實，感覺好飽滿🥰Apple Vinegar +$16呢款蘋果醋飲落唔太酸，蘋果味濃郁，都幾fresh，加埋奇亞籽好有口感。HABITŪ table (希慎廣場) (銅鑼灣)銅鑼灣軒尼詩道500號希慎廣場8樓804號舖*上述文章只供參考及以當時價格為準
繼續閱讀
下午茶時間本身想去 food court,但俾個 crepe吸引左入去食,而意外地好好食！下午茶$68起仲包飲品~加$16已經飲到特色飲品！Cafe位於誠品隔離,位置都好好坐,環境好靜好適合自修或工作~而侍應服務都好好,食物都好快上！.玫瑰法式可麗餅 $88玫瑰放落去唔會唔夾,食落有淡淡玫瑰味,士多啤梨都唔會酸🍓好好味😋😋😋紅菜頭泡沫豆奶 +$16其實飲落豆奶味比較濃🙈紅菜頭味比較淡! 但整體都好飲！
繼續閱讀
👉🏻咖啡千層蛋糕 HABITŪ嘅熱門咖啡千層蛋糕,口感濃香綿密, 絕對是頭號必試之選！👉🏻 玫瑰千層蛋糕🌹少女心滿滿, 蛋糕有陣陣玫瑰花香味, 精緻的千層pancake超過20層🎉每層都薄薄咁, 填滿柔滑嘅玫瑰忌廉😙味道甜而不膩另外仲有宇治抹茶同蜂蜜脆脆焦糖, 全部以新鮮食材製作, 22層班戟皮以人手逐層煎烘, 配合香軟幼滑嘅夾層忌廉....精選日本抹茶製作的宇治抹茶千層蛋糕味道甘香脫俗....蜂蜜脆脆與焦糖千層蛋糕組合為更豐富口感, 可以品味軟滑與鬆脆滋味
繼續閱讀