95
1
0
港鐵銅鑼灣站 D4 出口, 步行約5分鐘
繼續閱讀
電話號碼
21523962
開飯介紹
「牛陣はなれ Gyujin HANARE - Platinum Label」提供無限時優質日本產黑毛和牛主題壽喜燒套餐,以挑戰『更美味的壽喜燒』為目標,讓您從心底感覺幸福
繼續閱讀
營業時間
今日營業
12:00 - 15:00
17:30 - 22:00
星期一至日
12:00 - 15:00
17:30 - 22:00
公眾假期
12:00 - 15:00
17:30 - 22:00
公眾假期前夕
12:00 - 15:00
17:30 - 22:00
以上資料只供參考, 請與餐廳確認詳情
有關獎賞計劃
食家推介
相關文章
同男朋友6周年紀念, 所以就卜左呢間日本和牛壽喜燒放題慶祝一下, 下次食靚和牛就要等到6月去日本旅行了~~套餐分3個等級, 由5百幾蚊至8百幾蚊不等, 主要既分別係牛的種類, 最貴的套餐係日本三大和牛之一 - 近江牛, 其餘都係鹿兒島A5和牛。6百幾蚊以上的套餐仲有啤酒任飲。3個套餐都有刺身、前菜、天婦羅等全部放題任食!問左店員之後, 我地決定簡一個瘦少少的鹿兒島和牛套餐, (因為我地都唔飲酒), 即係最平個個, 但個plan都有包汽水烏龍茶個D, 所以唔洗擔心無野飲。等左一陣就開始上菜, 所有野(包括刺身)都先上一次, 有甜蝦、油甘魚、吞拿魚、帶子刺身, 值得嘉許係佢所有的刺身都非常新鮮! 帶子同甜蝦都極鮮甜, 油甘魚爽口油香, 吞拿魚赤身同三文魚都出色。所以我地encore左好多次D刺身!之後就上左鹿兒島A5和牛, 其實店員話就話係瘦D(赤身D), 其實都充滿雪花, 燒落爆發油脂的香味, 再加上牛肉的嫩滑質感, 非常好食! 除左A5和牛, 佢仲有日本國產牛(赤身D), 鹿兒島豚肉同德島阿波尾雞~~ 不得不提呢三種肉都畀到好大驚喜我, 反而我係鍾意食呢3種多D, 因為A5和牛雖然係超好食, 但始終油脂比較多, 好難食到好多舊… 而國產牛的油脂比例好少, 但可以食到牛肉本身的味道, 而豚肉同阿波尾雞就肉嫩多汁, 可以食到勁多!D菜類同樣出色, 特別一提係menu上的春菊原來係皇帝菜! 勁新鮮, 好似係香港都係第一次食咁好食的皇帝菜, 平時係街市買的一般菜味都唔夠濃…最尾因為太飽, 所以只食左蕨餅, 係綠茶味再加黃豆粉, 係相當傳統的甜品。佢仲有D卷蛋、青檸雪葩, 不過太飽所以無食了~~總括黎講, 食材質素非常新鮮, 店員的服務態度都好, 收碟速度快, 第日可以再encore
繼續閱讀
牛陣就食得多,趁友人生日決定去牛陣姊妹品牌Hanare慶祝,餐廳主打壽喜燒放題,叫左特選鹿兒島縣產黑毛和牛套餐,係極致肉質既饗宴❤️🤤黑毛和牛係極為優質既和牛品種之一,以其細嫩肉質同豐富既油花聞名。依道壽喜燒完美咁展現左黑毛和牛既優勢,極為嫩滑,蘸點日本產生雞蛋,蛋液柔軟質地同黑毛和牛既細嫩肉質形成絕佳對比,有更加豐富既層次感😆除咗黑毛和牛,特選鹿兒島縣產黑毛和牛套餐仲包左小鉢料理、天婦羅、刺身、野菜同甜品,任食無限時,食到最後仲可以轉打邊爐,真係超級滿足,而且服務態度好好👍🏻不過除咗黑毛和牛之外,覺得其他食品都只係不過不失,冇咩特別驚喜,食肉獸們可以專注食和牛就好🫣但總括而言係黎慶祝生日嘅不錯選擇🥳
繼續閱讀
新年過後的午市似乎一點冷清但正好換來一個寧靜的環境午餐時段由12點開始雖然話無限時放題,但食用餐時間last call去到兩點半不過已經好夠食~餐廳環境好好,好闊落食物的質素亦好高刺身以甜蝦最為出色天婦羅好好吃!!甜品中的蕨餅食到停唔到口~~壽喜燒和牛當然不錯但係可能本人唔係太食肥膩嘢所以覺得阿波尾雞仲好食😋😋餐廳職員好helpful~~好nice 示範如果正確食壽喜燒又推介好食既蔬菜同和牛Bon appetit ❤️❤️
繼續閱讀
同朋友慶生,佢都好鐘意食壽喜燒,就搵咗呢個機會試,仲要冇限時係幾少有。叫咗黑毛和牛壽喜燒餐,肉就揀咗$529嗰款野崎牛,店員話係A3級和牛,同貴嗰款相比佢就有多d筋位,脂肪就冇A5嘅咁平均。首先先上前菜,係有個魚肝、北寄貝沙律同埋蟹黃豆腐。 魚肝幾濃味,沙律幾開胃,後來有encore咗次。刺身都幾鮮。天婦羅都唔錯,欣賞佢有白身魚😍😍平時出去食都唔平。主角牛肉真係幾靚❤️❤️好食佢d蛋外表唔靚,但打出嚟隻隻都夠橙。夢之大地豚肉同阿波尾雞。豬肉就正常發揮,但雞真心好嫩👏仲有一大兜野菜,都幾多種類,有唔同嘅菇,有皇帝菜、娃娃菜、生菜、粟米、紅蘿蔔絲、豆腐、大蔥、蓮藕等。腐皮用汁煮最後收汁後煎到脆脆地咁食不得了。 食到最後先發現隔離檯煮菜嗰陣都係用水煮,唔係用汁燒😂 但店員冇話我地知,臨食野先問我地洗唔洗加水雖然已經好飽,但都想試下綠茶蕨餅,正常質素。另外佢個雪糕其實係雪芭嚟,青檸味幾fresh。
繼續閱讀
喺福岡食完人形町今半之後超鐘意和牛壽喜燒,返嚟香港一直都想再食,今次老友生日用優惠價訂咗銅鑼灣呢間牛陣HANARE嘅壽喜燒放題,真係唔錯。👍🏻呢個放題優惠需要喺Openrice預先俾錢,包埋加一價錢係由$329至$629/位。套餐可無限追加:野崎牛、夢之大地豚、阿波尾雞、刺身、天婦羅、是日小鉢料理、野菜盛合、汽水、啤酒同甜品。呢款A5黑毛和牛肉質真係好柔軟,我幾個鐘都主要係食和牛。😆我哋今次8個人食,預付後打咗電話去留房,房入面嘅空間都幾大,點餐方式係寫紙之後按鐘,侍應每次都喺半分鐘內就到,而且不停幫我哋換鍋,又幫我哋準備咗個生日小卷蛋,非常抵讚。👍🏻
繼續閱讀