528
43
25
港鐵銅鑼灣站 D4 出口, 步行約2分鐘
繼續閱讀
電話號碼
69009452
開飯介紹
餐廳的燈籠造型燈飾富民族色彩，打卡一流。供應無味精的越南菜，所用的米粉則每天在店內製作，而95%食材更來自越南。
繼續閱讀
附加資料
餐廳逢星期五、六提供現場音樂表演
營業時間
今日營業
12:00 - 22:00
星期一至日
12:00 - 22:00
公眾假期
12:00 - 22:00
公眾假期前夕
12:00 - 22:00
以上資料只供參考, 請與餐廳確認詳情
有關獎賞計劃
食家推介
相關文章
好耐冇食越南野，黎到銅鑼灣即刻諗起LUA今次可以坐到充滿異國風情既露台位，掛滿燈籠既打卡位咁靚當然要影下相啦~✨小食自選拼盤（3-5款）$120食越南野一定要食小食，拼盤可自選三至五款嘅小食，我哋揀咗以下呢三款:💕柑桔汁雞翼（2件)越式炸雞翼外皮比較厚身，雖然唔算香脆，但雞翼肉質嫩滑，配柑桔醬汁都幾清新💕豬肉春卷（2件）網紋外皮，春卷反而炸得好酥脆，餡料十足，好味💕即叫即製粉包(2件)皮薄餡靚，好味✨生牛肉雜錦湯河（不可外賣）$119湯頭既牛味好香濃，牛肉鮮嫩，仲有其他牛嘅部位作配料，牛柏葉、牛札肉、牛肉丸、牛肋條牛肋條好腍滑😍加埋青檸汁味道更加清新開胃🥰✨綠糯米炸原隻軟殼蟹配熱情果醬 $158鍾意食香口野既朋友應該會鍾意 個人覺得還可以，只係炸過既綠糯米好黏牙~同炸軟殼蟹又唔算好夾✨D24榴槤芭菲配荔枝雪糕 $98芭菲層層疊材料相當豐富，頂層心形蝴蝶酥荔枝雪糕周邊有玉米片班蘭蒟蒻 – 食到好香班蘭味，讚!D24榴槤肉 - 榴槤肉好香甜底層椰子凍及寒天晶球整體顏色鮮艷，配料豐富有驚喜，好味~推薦!✨凍越南百分百青芒果汁配天然蜂蜜 $58用上新鮮青芒果鮮榨，所以唔會好甜，靠天然蜂蜜帶來甜味，幾清新係好飲既百分百果汁，自然百分百飽肚! 整體來講，坐得舒服又好味！可以再來
繼續閱讀
行過被佢嘅天燈所吸引，入到去好似另一個世界咁樣👍🏻自選串燒大力推薦嘅一份菜式，除咗可以自己選擇之外，每一串都各有特色！雖然墨魚串要加$15 ，但係絕對係物超所值，食落厚肉惹味；粟米，菠蘿唔會燒得太過乾身；特式越南豬腩串燒更加係重點推介，灑上芝麻再塗上香甜嘅醬汁，過份的滋香！如果驚太油膩，更加可以點上餐廳搭配嘅超酸醬汁。味道形成一個強烈反差。👍🏻牛油果慕絲芭菲配自家製椰子雪糕由紐約芝士蛋糕、蝴蝶酥做頂層，顯得華麗繽紛，底部有自家製嘅椰子蛋糕及季節性水果帶來一份清甜，而主角牛油果則打成鮮慕絲，口感油滑香甜，加入甜品必備元素嘅自家製椰子凍同原味寒天晶球，構成一份好睇又好食嘅甜品(・ω・)ノ唔鍾意牛油果唔緊要，餐廳更加有多款甜品可以選擇，好似芭菲杯咁樣就已經有三款啦！👍🏻香茅豬肉法包裏面嘅配料同一般越南傳法包冇咩分別，只係扎肉換咗豬肉，但口感更添香茅香氣，法包🥖嘅外皮絕對係精粹嘅所在，脆身到不得了(⁎⁍̴̛ᴗ⁍̴̛⁎)裡面嘅鵝肝醬抹塗得滿滿皆是，入口豐富！👍🏻雜錦牛湯河牛肉湯河嘅配料滿滿：牛扎肉、牛皮、黑柏葉、炒牛肉、牛肋骨、牛肉丸。湯底濃郁不油膩，啖啖都散發出牛骨嘅香氣，喜歡佢嘅幼身河粉富有彈性，亦特別欣賞佢嘅牛扎肉，口感紮實。可以品嚐完原汁原味之後，可以加入桌面上配備嘅調味。
繼續閱讀
每次經過銅鑼灣SOGO後面的東角道，都給〔Lúa〕餐廳2樓的搶眼燈籠所吸引，單看餐廳門面紅紅黃黃綠綠，會以為是一間西餐廳，看真一點門口餐牌，其實是一間製作傳統越南手工菜的餐廳，店內大部份食材都是由越南入口，主打正宗越南風味。餐廳佔地兩層高，上層露台位就掛滿了富有民族色彩的燈籠，坐在露台上的坐位，望著繽紛燈籠，打打卡就很有氣氛，而餐廳逢星期四、五、六，在室內提供Live Band歌手註場演唱，氣氛熱鬧。【生牛肉雜錦湯河】(HK$119)雜錦湯河內有多款配料，可以說是相當豐富，生牛肉就用上美國安格斯牛肉，更有牛扎肉、牛肉丸、牛肋骨、牛皮及黑柏葉，口感味道跟坊間吃到的都有所不同，牛香較濃亦很軟腍，隨河粉上碟更有一小碟越南香草，包括: 鵝蒂、青辣椒、青檸、九層塔等，都可以隨自己喜歡加入湯內，非常有特色。【街頭小食滋味拼盤】(HK$208)心大心細，每樣都想試，就叫一個小食拼盤吧~👉豬肉春捲/秘製柑桔汁雞翼/三款純魚扎肉/自家製甘蔗蝦串/甘蔗豬串/迷你春卷拼盤以炸物為主，很有街頭夜市小食風味，每款亦各有特色，甘蔗蝦串、甘蔗豬串，純魚扎肉，口感特別，入口亦有淡淡獨特的香草味道，而迷你春卷亦很特色，像薯條一樣細細條，內裡竟然可以有餡料，入口香口又惹味。【D24榴槤芭菲配荔枝雪糕】(HK$98)芭菲內層層疊材料相當豐富，頂層有很大塊像心形的蝴蝶酥，插在荔枝雪糕上作裝飾，周邊有玉米片，而荔枝班蘭蒟蒻下有很多D24榴槤肉，榴槤完全沒有苦澀味，最底層椰子凍及寒天晶球，整體顏色鮮艷，配料亦很有驚喜，推薦。【越南三色冰特飲】(HK$58)三色冰內有原色透明、淺紅及淺綠色的粉條，外層煙韌，咬落很有爽脆的口感，特飲入口椰味香濃，更有一絲絲焦甜味道的椰絲。【鮮熱情果芒果沙冰】(HK$68)熱情果味道突出，芒果味道不算多，沙冰入口味道酸甜，清爽解渴又醒神。〔Lúa〕@Lua.hk香港銅鑼灣東角道26號怡安大廈1樓13-15號舖及地下13-16號舖Shop 13-16, G/F & Shop 13-15, 1/F, Yee On Building, 26 East Point Road, Causeway Bay, Hong Kong
繼續閱讀
打卡必到香港的越南會安故城💕🏮每次路經銅鑼灣東角道，都會情不自禁地停留數秒，望着漫天壯觀的燈籠，感覺非常治癒❤️🩹餐廳漫天燈籠非常吸睛，而食材則由越南直送，越南廚師主理，務求食客吃到正宗越南各款地道美食，餐廳偶爾亦會有Live Band表演，非常熱鬧。越南大蝦米紙卷吃岀越南地道的風味米紙卷捲著大蝦、扎肉、檬粉、青瓜絲和紅蘿蔔絲，層次豐富，沾埋酸汁，非常醒胃。豬肉春卷即叫即炸，春卷非常鬆脆，熱騰騰的春卷內包著豬肉和菜絲，風味十足素肉湯河新鮮湯檬素肉不論質感或味道，都幾可亂真，餐廳也有素食餐目，veggie的朋友亦有數款選擇，非常貼心鮮芒芭菲必食！芭菲配材相當豐富，有鮮芒果肉、小麥胚芽、蝴蝶酥、清香椰子奶蓋、彈牙寒天晶球、迷你麻糬和蜂蜜蛋糕，層次感爆燈，吃岀滿滿幸福感原隻芒果黑白糯米飯擺盤真的有原個芒果，芒果非常鮮甜爆汁，啖啖清甜果肉加上軟糯既黑白糯米飯，沾上香濃椰漿後，味道豐富清甜，難以抗拒! Lúa📍銅鑼灣東角道26號怡安大廈1樓13-15號舖及地下13-16號舖
繼續閱讀
牛油果慕絲芭菲配自家製椰子雪糕賣相：🐧🐧🐧🐧🐧味道：🐧🐧🐧🐧🐧芭菲賣相精緻悅目，用料層次非常豐富，頂層由冰涼又軟滑的椰子雪糕作主導，再伴以蝴蝶酥和紐約芝士蛋糕，食落口感滑中帶脆，滋味極佳。下層則由鮮牛油果慕絲、自家製椰子凍以及原味寒天晶球組成。牛油果慕絲果味濃郁，軟滑又綿密，與清甜香滑的椰子凍非常合拍，加上煙韌軟糯的寒天晶球一齊食，令人回味無窮，誠意推薦。拉椰糕配腰果賣相：🐧🐧🐧🐧🐧味道：🐧🐧🐧🐧🐧拉椰糕擺盤迎合聖誕主題，特地插上聖誕樹飾品作點綴，氣氛十足。拉椰糕表面淋滿椰香滿滿的椰子汁，食落清香又甜美，口感軟糯綿密，嚼感極佳。黑巧克力麵包布甸賣相：🐧🐧🐧🐧味道：🐧🐧🐧🐧麵包布甸新鮮焗起，切開質感軟滑綿密，蛋味濃香，沾上碟上的黑巧克力醬一起食，滋味醇厚甘美，不會過份甜膩，十分不錯。豬肉BB 蝦炒碎米飯伴春卷甘蔗豬串賣相：🐧🐧🐧🐧味道：🐧🐧🐧🐧炒飯炒得乾身夠鑊氣，油香不膩，當中加了不少香口又惹味的配料，入口鹹香滿溢，令人食不停口。伴上的春卷炸得脆香酥鬆，豬串燒得焦脆又可口。熱法式布蕾烏龍奶茶賣相：🐧🐧🐧🐧🐧味道：🐧🐧🐧🐧🐧奶茶上有厚厚一層滑溜溜的布蕾，冰涼又潤嫩的質感與溫熱的奶茶形成鮮明的對比，飲落出奇地合拍，奶香濃郁，茶味醇香，高質推薦。越南三色冰特飲賣相：🐧🐧🐧🐧味道：🐧🐧🐧🐧三色冰納入了經典的彩色啫喱，再加入點點胚芽，入口椰汁香味出眾，甜美滿分。環境：🐧🐧🐧🐧🐧餐廳完美呈現越南的風味特色，每一處都裝飾得色彩繽紛，搶眼奪目，當中更特設小露台，掛上一整列五光十色的越式燈籠，打卡一流。🐧❣️餐廳採用QR code 自助下單，方便又快捷。🐧❣️餐廳設有獨立洗手間，乾淨又整潔。🐧❤️結語：芭菲造型精緻味道出色，必食推薦👍
繼續閱讀