1
0
0
以上資料只供參考, 請與餐廳確認詳情
相關文章
中秋節就快到，諗住一家人搵個地方食餐飯，爸話想食私房菜，俾我搵到原來呢間可以訂私房菜。但幾時改左名叫新大叔?佢哋寫左個餐牌俾我，因為有小朋友偏食，所以改左一個小食一個菜就返個小朋友。間野好細，無乜位，所我哋8個人都霸左半個場。坐底先上左6個小食，有鹽酥雞、酸蘿蔔、麻辣藕片、糖醋排骨、蒜泥白肉、八味豆腐。酸蘿蔔好脆好入味，夠酸。藕片好爽，蒜泥白肉包住左青瓜同蜜瓜，食落去無咁肥。八味豆腐外脆內軟，好惹味｡6個菜1個湯，湯係蜜瓜螺頭燉雞，第一次飲用蜜瓜煲湯，個湯仲加左瑤柱金華火腿，個湯好甜好好味。6個菜有西芹炒蜜糖薯仔牛柳粒、清蒸海上鮮、紅燒BB鴿、金銀蒜蒸蟶子、魚湯雜菇浸菜心、八寶荷葉飯。薯仔同牛柳粒炒得好香，薯仔甜甜地，牛柳好焾好有肉味。條魚蒸到啱啱好，好滑。BB鴿好夠味，啲肉好嫩好滑。魚湯雜菇浸菜心，啲菇炒香過，個魚湯又好甜。最尾個八寶飯因為太飽，大家都只係食左少少要打包走。最尾上埋生果，成餐完滿結束。價錢唔係平，但可以講係物有所值。食得出唔係求其比啲普通野你，有咩要求真係按你要求整，大家對呢餐都好滿意。
繼續閱讀