4
1
0
港鐵南昌站 D1 出口, 港鐵深水埗站 C1 出口
繼續閱讀
電話號碼
98696217
營業時間
星期一至日
12:00 - 20:45
以上資料只供參考, 請與餐廳確認詳情
相關文章
後生仔海南雞外邊好多都標榜住係海南雞但一啲都唔滑唔好食，今次就黎試下呢間啦🤤今次嗌左薑蔥無骨海南雞🐤，九層塔茄子🍆，生菜包🥬，豬頸肉，醉雞🍾🐤，椰汁西米糕💛薑蔥海南雞🐤一打開嚇親我，薑同蔥好似唔洗錢咁，鋪到滿一滿，一打開蓋就聞到好香既薑蔥味，一啖薑蔥配一啖雞，好滿足💛醉雞🍾🐤唔知大家鐘唔鐘意食醉雞，我個人鐘意食好濃酒味，呢個醉雞好入味，雞好嫩好滑，每食一舊都好似飲左一啖酒，好正，必叫👍💛九層塔茄子🍆茄子控既我，點煮茄子都鐘意食，呢一味加埋肉碎九層塔，濃味得黎有啲咬口，配飯一流🤤💛生菜包🥬就咁睇個樣，以為實好無味好淡口，但食落有少少辣，鹹味適中，加上肉碎唔係全瘦肉，唔會太乾💛椰汁西米糕好足料，底層有勁大舊芋頭，加埋西米粟米，又唔會話過甜
繼續閱讀
【#海南雞皇🐔 】#後生仔海南雞1998 一直以來好想試既後生仔海南雞，今日終於試到🤣其實之前係旺角已經想食，不過當決定去既時候佢已經結業😇 幸好後來話係西九龍皇開，所以機會又黎啦 飛雲🤣 如果冇估錯佢應該係全場最貴既海南雞，$50🤔 等咗一陣，終於見真章。賣相一流，擺得好整齊👍 份量亦都好多，雞最少八大件，下面係一大盒飯，再跟一碗雞湯，應該夠飽😂雞肉好嫩滑，點埋酸辣汁更惹味，暫時應該係同場食過最好食既雞🐔♥ 飯就相對一般，第一啖食落偏硬，第二啖食都係硬，第三啖撈少少辣汁一齊就好食返🤣 可能個飯未打鬆，或者本身偏硬身少少🤔附送既湯就非常清淡😒 正面睇就係肯定冇落味精🤣 有隻雞腳好淋。我覺得雞既質素好高，名不虛傳，難怪好多人落單隻隻咁買。不過飯同湯就比較一般，加上賣$50一份，比同場其他店貴$8-10，會唔會影響到佢既競爭力呢？推介指數：7/10後生仔海南雞1998深水埗欽州街37號西九龍中心8樓8F60號舖
繼續閱讀
👦🏻後生仔海南雞1998🐤.西九冇去一排 發現左附近嘅事唔同左😂今次就食左海南雞飯🐤佢就有兩款汁 一款甜甜地係黑醬😆佢好濃身 但點得太多會 蓋過佢陣佢雞味 🙈另一款就有少少辣 好惹味😋佢啲雞都整到好滑 唔會好難咬開😍信唔到會有雞翼 仲要去左骨👍🏻佢個湯都好有盛意 有一隻雞腳 仲整到超諗 🥳好易食 我冇咩牙力都食到🤣.佢嘅黃油飯雖然有啲乾身🙈但整體都好入味 做到粒粒分明唔會太油💦.整體$40 真係好抵食👛.回頭率💫： 🌕🌕🌕🌕🌑
繼續閱讀
原本諗住幫襯明天 (9/12) last day 嘅營業部，點知，原來今日要兩點之後先開門，時間上配合唔到、無緣，希望將來可以再食到啦！ 之後，見附近店舖都有人買野食，但後生仔海南雞 1998，一直未見有人幫襯，故此，雖然我唔太好飯，但好奇心驅使之下，忍唔住買咗一份，留待夜晚食。 因為想食辣，又唔願浪費食物，所以，就叫咗一份麻辣無骨海南雞飯，並向店員強調，只需要好少飯就夠啦！不論雞定係飯，份量還是味道，我都覺得係出色嘅，但，個湯畀我嘅驚喜更大囉。 估唔到入面仲有唔少椰菜、蘿蔔，同一隻好淋化嘅雞脚。入口清新，充滿蔬菜嘅甜味，我更喜愛呢個，飲完我都無口渴嘅湯！ 之後開始，大家都要用 “ 十九出痕 ” ，希望各唔同店舖，都能夠支持住，大家亦都盡量分散投資，否則，到只餘下大集團、連鎖店，無得選擇先至後悔，就太遲㗎啦！😍😋😍😋😍😋😍😋
繼續閱讀
本來冇諗住打食評，但有被打動到！近年作為雞飯愛好者，路經黎西九龍中心，諗住食雞飯，點知本身間「水門雞飯」執左，於是試新開嘅「後生仔海南雞1998」，超平40蚊，加左14蚊轉脾。職員非常nice，仲比我多飯，等飯時上左佢地IG睇下，幾有心，原來旺角係第一間店。一試非常有驚喜，雞超滑，醬汁設計有創意，有泰式海南雞嘅酸辣醬之餘，仲有新加坡海南雞嘅黑醬油；醬汁份量多，酸辣醬唔太辣；黑醬油夠甜同濃，本身分開點黎食，點知混埋一齊又幾夾。湯似係啲雞煲出黎，入面仲有少少菜，幾有心思。黃飯做得幾好，夾雜有香葉，而且飯份量真係好夠，男士食我都覺得唔洗多飯。總結性格比高，推薦一試！
繼續閱讀