15
7
3
港鐵朗屏站 B1 出口, 步行約6分鐘
繼續閱讀
營業時間
星期一至日
10:30 - 22:00
以上資料只供參考, 請與餐廳確認詳情
個人真心推薦呢間米線舖不過唔係米線，係佢既鹼水拉麵雖然鹼水味唔係人人都鍾意，但我就覺得好正！出邊好少會食到鹼水味嘅拉麵！吉列豬扒米線轉拉麵麻辣小辣，吉列豬扒係另上嘅，碗麵有勁多菜超正👍🏻👍🏻👍🏻拉麵份量都幾多，塊吉列豬扒真係好好食不過炸得有啲深色。麻辣小辣個人認為啱啱好因為都有啲麻痹嘅感覺。牛展龍蝦丸拉麵麻辣小辣，龍蝦丸有三粒，牛展有3塊，薄切唔靭爽口！據聞佢哋好似話將會結束營業，所以想食嘅人就要快啲去啦！
繼續閱讀
夜晚諗唔到食咩，通常就會揀米線，方便快捷😂叫左腩肉雞翼麻辣重慶米線小辣，腩肉同雞翼本身都夠味，算唔錯，麻辣湯都好夜魅有好多肉碎，好滿足😛而另一碗，雲吞麻麻哋但豬大腸OK😆
繼續閱讀
元朗廣場天橋下面近巴士總站附近，好多人食，假日都幾多工人姐姐幫襯。款式好多，又有拉麵，各種唔同嘅小食，有D都幾特別例如炸乳鴿。吉列豬扒米線 $41★★★☆☆湯底簡左重慶麻辣(中小辣)，米線份量都幾多，唔會太淋適中。個湯底反而唔大驚喜，望個色水都唔係好麻辣，食落係夠咸味但唔係麻辣香，冇咩麻味，唔會食落令你個咀痺下痺下，似係湯底就咁加辣FEEL。吉列豬扒份量多，好大塊切條狀，炸得好酥脆香口，係日本個隻吉列炸粉感覺，但個豬扒炸得比較乾，唔太有肉汁，雖然又未到好鞋口。炸魷魚鬚 $29★★★★☆雖然只係$29蚊，但一碟個份量都幾多，起碼有成十條以上。熱辣辣又酥脆，唔點椒鹽都夠味，點埋就更惹味。魷魚鬚真材實料，唔會咬落正係得炸粉同空氣冇咩魷魚，呢個價錢呢個份量，兩個人Share食啱啱好。腩肉豬腸酸辣米線 $44★★★☆☆今次叫左外賣，分湯係要加$1，辣度叫左中小辣，米線份量多，雖然分左湯但食個陣都係太淋，滑身但冇煙韌口感，但始終外賣係會淨啲，堂食食過米線口感係可以。湯底今次試酸辣，咸香味偏重，酸味唔夠出，辣冇話好香；另外佢會有啲肉碎，但偏肥同太細粒，變得冇咩口感。整體係普通酸菜湯底，冇好驚艷。餸方面叫左腩肉豬腸，腩肉都幾多片，但炆得太淋同太薄身，夾起身都爛爛地咁，冇口感可言。豬腸反而唔錯，但份量對比腩肉黎講較少，有口感有鹵水味，洗得乾淨冇怪味，豬腸仲有小小脂肪但唔會太肥膩，唔錯。🌟總括：小店預左唔會坐得好舒適，都係拿拿臨食完過下米線癮就閃人。麻辣同酸辣湯底都覺得係一般，唔出色普通正常，辣度大家可按平時叫開嘅加大一度。吉列豬扒正常唔係必點。小食炸魷魚鬚性價比高，酥脆抵食。
繼續閱讀
元朗·雲渝軒風味米線雲南小鍋米線✨炭燒豬頸肉薯粉-👼🏻BB麻辣 $50-豬頸肉🐽少少燶邊好香 易咬-花生🥜配料加上薯粉彈牙🍜-麻辣不帶酸偏鹹 bb辣=譚仔3小🌶🌶✨酸辣米線-小辣$30 +豬大腸$6腩肉$6菜肉雲吞$6-酸味不足 偏鹹🌚-小辣=譚仔中小辣🌶🌶🌶🌶🌶-豬大腸腩肉🐽好淋好入味👍🏻🫰🏻-米線🍜軟硬適中🤘🏻-雲吞普通🥟✨蒜泥白肉 $38-白肉大塊厚實🐽🐽-蒜香味濃🧄 亦加左麻油 有辣油香辣勁唔強🌶
繼續閱讀
元朗嘅雲南米線多的是，住喺元朗嘅我諗住逐間逐間慢慢試😂今日假日三點幾就先嚟呢間雲渝軒，叫左個酸辣米線(扣底小辣)加豬肚，蘿蔔，菜心 ($30+$6x3款餸=$48)湯底比較稀，味道還好，酸味唔算突出呢度所有配料無論肉定菜都係$6一款，比較少見，對食肉獸黎講相對抵食👍豬肚夠味，但個人略嫌有少少韌😅菜心就太淋同有啲渣～正常嚟講秋冬嘅蘿蔔應該係好甜好靚所以我今日專登叫黎食，但出奇地又係有啲渣兼唔算甜，雖然煮得夠淋但係都幾失望🙈米線軟硬就岩岩好～個人認為湯底一般，配料一般，試一次就夠😅(btw呢度嘅員工好似有強迫症咁🙈😅 隔離檯有兩個唔係好識講廣東話嘅疑似外傭叫左個米線湯底都未講要咩餸，佢就係咁問人食唔食豬肉，食唔食豬肚。。。另外一檯有兩個操唔純正廣東話既華人入黎都未坐低又係咁問人食唔食炸嘢，炸蝦餅，炸春捲。。。好奇怪😐😐)
繼續閱讀