29
11
2
港鐵太子站 B2 出口, 步行約2分鐘
繼續閱讀
電話號碼
26283937
營業時間
今日營業
12:00 - 22:00
星期一至日
12:00 - 22:00
以上資料只供參考, 請與餐廳確認詳情
招牌菜
食家推介
相關文章
早幾星期食過蝦濃湯米線同蠔餅覺得不過不失 ，剛剛落車經過未夠2點下午茶懶得去第度諗住食個自選米線，配料無乜特別，諗住平平地叫一餸米線食下，門口餐牌係寫粉麵底$24，$8係菜、粟米etc，$11係芋頭丸、墨魚春卷ect....一心諗住叫個墨魚春卷米線清湯$35落樓，價錢不過不失。呢間店最伏係落完單唔會俾單你住，上次都係，食食下先會隊張單話你知幾錢，但完全無諗住食個自選米線都會中伏。一坐底就直接叫左春卷米線，點知上枱黎左個牛腩春卷米線，斷估都唔係肉碎底黎，同佢講我係要春卷米線，之後佢換過一碗上枱，春卷由1條變成2條。當我一開始食嘅時候佢就擺張單響枱，我嚇親點解係$48，$24+$12+$12，春卷計左2次錢，我即時問老細點解會收2次春卷錢，佢嘅回應係「自選米線最少2餸嘛，你叫1個春卷得1條架咋！」ok fine....我半信半疑繼續食，拎枱面張綠色點粉麵紙睇下，的確係括住（最少叫2個餸），我就以為自己睇漏眼。到埋單出門口好奇心之下睇多次個牌，根本無寫明要叫2個餸，而且春卷的確係$11......你話$48食碗米線係咪貴就見仁見智，但係呢個價錢，先唔講同其他店相比，呢間店內好多其他選擇，點都會抵過2條春卷米線！門口菜牌價錢錯而且誤導係事實野食真係好一般，如果我好似之前黎食蠔餅蝦米線嘅心態就覺得唔算好貴，但今日我係諗住食過簡單下午茶心態，整2條春卷仔米線收我$48，就真係好唔掂！好失望以後唔會再幫襯，大家記得睇路。
繼續閱讀
一個字「正」，推介，值得去吃。雖然舖頭細細，但係用心烹調，價錢公道，雖然本人唔太食煎炸嘢，但蠔餅真心好食，豬扒亦都好夠肉汁（吾會太乾），帶子蝦米線個湯底好味到連湯都飲埋，如果想食飯嗰度都有炒飯，冬天仲可以食埋煲仔飯添（不過製作需時，可能要等耐少少）仲有個胡椒蠔湯都值得一讚，啲蠔夠大隻個湯又滾熱辣辣，九龍區都可以食到流浮山嘅蠔，so good ! 老闆老闆娘同煮嘢食嘅姨姨個個都好友善 ， 如果諗唔到食咩一定會去呢度！
繼續閱讀
有一日口痕想食蠔餅，於是朋友推介叫我去第一蠔食。鋪頭細細，大概坐到4枱客人。叫咗孖寶套餐$128 ：有一個蝦餅/蠔餅加一碗濃蝦湯米線，嚟得第一蠔就當然要食佢個蠔餅啦 。蠔餅一上枱已經feel 到熱氣騰騰，一放入口發覺炸得非常鬆脆，雖然d蠔就細細粒唔會好大隻，但蠔既數量都算好多，而且入口唔會感覺成口油，無油膩既感覺。至至個濃蝦湯米線味道就一般， 湯底就正正常常食唔出有蝦味，就係一碗普通米線無咩特別。鋪頭仲有自選米線可以揀，就唔一定要食蠔既～
繼續閱讀
今日同朋友上堂前黎到呢間太子地鐵站出口既第一蠔粉面食蠔~😋😋坐低order 佐一個餐: 炸蠔餅 + 蝦米線另外再叫多碗蠔米線炸蠔餅出到黎熱辣辣 明顯係即叫即炸 炸皮好金黃 唔會話好深色食落好脆 而且好多蠔!!! 唔會點食到粉👍🏻👍🏻👍🏻濃蝦湯米線上枱係有D失色 始終期待佢個湯底會再濃D 蝦就正常size…亦無話大大隻咁米線叫做滑 有咬口整體黎講就係一碗普通粉面🥺朋友叫既蠔米線蠔唔腥 幾好味 清底 米線正常🥺合格以上 值得一提係態度好好👍🏻
繼續閱讀
事隔一年，再經過太子西洋菜南街，黎到第一蠔粉麵開餐。 兩個字總結：失望！老闆娘話鮮蠔米線只有柯仔煎大細嘅蠔，同埋而家無再做淨金蠔湯米線。無得揀嘅情況下，同友人叫左一個鴛鴦蠔米線同埋濃蝦湯米線。鴛鴦蠔米線湯底非常淡，兩種蠔嘅size其實同柯仔煎用嘅蠔差不多。鮮蠔無甜味，金蠔只有淡淡咸香。濃蝦湯米線味道更為失望，同水一樣。蝦同帆立貝味道正常。全單$140。 同一個價錢 下次可能行遠少少食鳳X居好過啦～ 希望第一蠔可以改善一下，否則都應該捱唔到貴租了
繼續閱讀