20
1
1
營業時間
今日營業
16:00 - 03:00
星期一至日
16:00 - 03:00
以上資料只供參考, 請與餐廳確認詳情
食家推介
真平民抵食小店🔥！之前去過佐敦分店，早幾日趁天氣涼啲同朋友去石硤尾總店宵夜，幾有大排檔feel小店做學生哥同街坊生意外賣為主，亦有唔少區外人慕名而嚟食宵夜圖9-10餐牌全日同價，夜晚大多數飯類都係$39-$42，包埋熱飲凍飲加$3多飯多餸大大碗，男仔都一定夠飽肚，大食人士想添飯都係免費，名符其實嘅平民飯堂🤪！除咗主打大碗飯同各款香炸小食，仲有多款麻辣涼拌小食、暖笠笠湯飯等鎮店招牌四寶(避風塘、蔥油、椒鹽、辣椒醬) 全部都係自家製🌟-👍🏻避風塘豬扒飯(包嘢飲) $39鋪滿大量自家炒製避風塘脆脆，加上招牌蔥油、秘製辣粉、椒鹽鹹鹹辣辣，香濃蒜香味，超級惹味，忍唔住撈飯食晒啲炸蒜🤣豬扒連骨但碎上方便食，沾滿避風塘香口入味，不過瘦咗啲同炸得比較乾- 👍🏻蔥油雞扒飯(包嘢飲) $39私心好鍾意食呢度啲蔥油，蔥粒爽脆，蔥香味濃，唔會有蔥嘅草青味或辛辣感亦唔會太鹹太油膩，加上少少甜豉油撈飯一流，真係招牌🤤雞扒味道正常，肉質就唔算好滑，勝在大塊厚肉皮脆-👍🏻沙嗲牛肉飯(包嘢飲) $39石硤尾總店先有，牛肉份量多，沙嗲醬濃稠有花生味，但味道鹹咗啲個人覺得撈丁應該仲夾，仲要平啲$30咋-👍🏻馳名手撕雞飯(包嘢飲) $39手撕雞肉質正常，麻辣比較溫和，本身已有少少椒鹽底味幾入味，混咗芽菜、紅蘿蔔絲同招牌蔥油，整體唔會太油膩，撈飯一流-👍🏻生炸雞髀 $23招牌之一！即叫即炸，落單後大概等10分鐘，大大隻非常脆口，皮脆肉嫩，一咬開超多肉汁湧出🤤雞髀本身醃得入味又唔會有雪味，推薦要嗌辣，秘製辣粉麻麻辣辣惹味好多-👍🏻避風塘魷魚鬚 $28 & 金蒜豆腐 $20魷魚鬚魷魚味好香，金黃酥脆夠晒香口唔算好厚肉，但份量好多，呢個價抵食金蒜豆腐同樣有大量避風塘，味道就正常發揮，主要食避風塘脆脆😈-小店由老闆娘珍姐一腳踢，珍姐非常熱情好nice，好似媽媽咁驚我地食唔飽，又驚我地坐外面吹風凍親，好有人情味好有心😌整體走平價路線，環境就唔好期望太多，堂食係門口打開摺枱味道唔算好驚艷但唔差，食物勝在大件夾抵食，CP值高-味道：7/10性價比：9/10-📍#珍記大廚小食 @zankeefood石硤尾偉智里1-3號白田購物中心地下84號舖佐敦南京街6-6C號地下A2號舖
繼續閱讀
【深水埗區】【珍記大廚小食】之前寫過一間喺附近告咗急嘅黃店，收到一位朋友嘅留言，介紹返嗰度附近嘅嘢食。呢啲意見真係好重要，因為我都冇可能了解到每一度有啲咩嘢食，尤其係好嘢。實情我都幾中意咁樣捐窿捐罅搵食，好過只食潮流嘢。如果唔係有人講，我可能一世都唔會有機會搵到呢間嘢嚟食，所以都希望大家明白同理解點解咁重視大家嘅意見。我就唔係咁叻去搵啲平民美食，主要都係靠大家口耳相傳，因此，當我聽到有呢啲嘢食嘅時候，我幾乎即刻去。呢位朋友介紹嘅係「避風塘酥脆魷魚鬚」，佢話好食喎，咁我第一次去就當然唔會介意花 $28 去試。佢畀我嘅時候係用一個感覺幾保溫嘅錫紙袋入住啲嘢食，好似就算攞遠啲食都幾保到質素咁。食落都幾惹味，份量就唔算多。我覺得佢個避風塘嘢都幾正，夠晒味，不過食太多的話就會好似有啲鹹，如果買嚟加餸可能都會好正。第二次去我就食其他嘢，叫咗個「營多撈麵」，單拼「燒賣」價錢係 $12，味道都幾平庸，不過唔算貴就冇乜問題。咁一個撈麵當然唔夠我食，之前買嘢嗰陣聽到人哋叫兩隻「生炸雞髀」，搞到我又好似幾好奇，今次嚟到就忍唔住用 $20 叫隻試吓。佢又真係炸得幾好，所以我都明白點解上次嗰個客會叫兩隻，係真係唔差，我幾中意食。佢好食個 point 係在於佢本身隻雞髀係幾好，夠晒雞味，肉質實淨又唔會太靭，平時出去食雞髀都幾少食到呢款，所以我都幾驚喜。再一次多謝上次留言嘅呢位朋友，介紹咗呢間唔錯嘅小食店畀我，我就幫幫手將佢傳揚出去啦。。。（地址：石硤尾偉智里1-3號白田購物中心地下84號舖）
繼續閱讀
之前買過幾次$20/1 隻大大隻雞髀…8/4 夜晚買外賣返屋企食！買完飯又為食想買D小食！心血來潮諗起依間野… 買完之後簡直一肚氣，以後都唔會再幫襯，個講唔正廣東話嘅亞姐同我講一句👉👉我哋都唔想買👈👈簡直令我畢生難忘🤣🤣原來佢咁唔休做！唔知開門做嘜…當晚9 點去到叫左10 件煎釀三寶、一份炸雞之後見佢D海報寫住韮菜豬紅$20/1 碗、淨豬紅$15/1 碗…想淨食韮菜就問亞姐幾多錢？佢話淨韮菜都要$20，我覺得都可以喇當食油菜！3 樣嘢一共買咗$58！企喺度等之際三寶拎出黎問佢有冇辣醬，佢話冇，得辣椒油，我問佢可唔可以俾個袋我裝住？因為我食辣但屋企人唔食辣想分開D辣椒油！個亞姐話冇😤😤真係一個袋都唔肯俾😡😡之後到俾拎碗韮菜擺喺枱面諗住冚埋時我見咁少…問個亞姐依度$20 嫁喇？佢話係…之後我話咁少嘅？佢話你覺得少丫？我話梗係啦…拎個超細碗裝仲要一半都冇…之後佢仲係度唔知講咩（因為佢啲廣東話講唔正）最清楚係講👉👉依個我哋都唔想買👈👈我即刻答佢一句唔想買就唔好開門喇！咁樣做生意嘅！係咪嫌棄買得少？睇番網民之前D相$20/1 碗嘅韭菜豬紅用中碗裝，都有三份二係韮菜丫！韮菜根本就係最平嘅菜，大大隻雞髀先$20…理解唔到整出嚟嘅亞姐竟然仲同人講一句…👉👉依個我哋都唔想買👈👈佢真係唔應該開門做生意🤬🤬🤬🙈🙈🙈今次真係貼錢買難受！仲有炸雞係凍冰冰的…
繼續閱讀
老闆娘好好人，好多街坊過嚟買野食，買完都會傾一陣計先，好有人情味。😚😚😚炸雞脾（$20），超大隻👍，成隻揸住食，食完心情好好🤣🤣豚肉韓式拌飯（$42），好多餸好大碗，泡菜、豚肉、芽菜、青瓜加隻即煎太陽蛋，唔會太辣，食到尾都有豚肉🤣（影得差好似好細碗咁😅，下次再食再影過）仲有好多唔同類型小食，燒賣、煎釀三寶、公仔麵、營多撈、魷魚鬚、蛋牛治...........不能盡錄下次可以試埋其他
繼續閱讀
1.) 珍寶沙嗲牛奄列連多士奄列真係珍寶，睇落點都有三隻蛋！未食多士，淨係食佢個奄列已經飽咗， 個奄列又落咗勁多沙爹牛肉， 根本係一個餸， 可以用嚟送飯，因為太足料， 食食下就覺得味太濃，但味道係啱嘅。2.) 紅酒燴牛肉飯呢個飯前前後後食過三次，味道真係好味， 牛肉同紅蘿蔔一粒粒大細啱啱好， 可能因為佢飯比較多，覺得啲餸相對嚟講比較少。
繼續閱讀
您可能會有興趣的...