4
1
0
港鐵觀塘站 A2 出口, 步行約8分鐘
繼續閱讀
營業時間
星期一至六
08:30 - 18:30
星期日
全日休息
以上資料只供參考, 請與餐廳確認詳情
相關文章
幾年前食過林昌記，當年味道依舊好，之後好少係香港，漸漸遺忘左林昌記，近排返黎香港後，突然醒起，就去左紅磡，點知原來執左，查openrice見到觀塘有，早兩日去食，點知好失望。1）魚蛋質感好粉：叫左咖哩+原味，奇怪既係，咖哩味既魚蛋質感好鬼粉，又鞋口，原味質感反而好佢少少，但都係有啲粉，店面宣傳聲稱含魚量高達9成，但食落，老實講，樓下街市賣既魚蛋仲好食過佢= =唔明點解差成咁，按道理，咖哩魚蛋應與原味魚蛋口感一致，但今次久違一食，質感有異，鞋口又粉，含魚量絕對少。總-極之失望。希望佢地好好整頓一番，可以再現從前既魚蛋（爽彈又滑既質感帶有一道魚香味），可惜目前變為記憶中既味道。好想比負評，但算啦，希望佢地會改進，下次有機會再試多次，如果質素都係咁差，咁下一次就係負評了。。。
繼續閱讀
以前在尖東返工經常食，後來公司執左就冇經開果頭啦。今日偶然發現觀塘都有啦！雖然剛剛食完午飯但都忍唔住想去食。都係之前嘅老細，餐牌同之前差唔多，多左飯盒便當外賣供附近返工人士選擇。見人未算多我就嗌左炸金蛋，比其他貴d，24蚊係十粒，外脆內嫩，點d沙律醬好解膩，宜家仲有茶黃俾大家試飲，如果食完覺得濟可以飲下～溫馨提示：如果趕時間嘅話就唔好試金蛋啦，製作需時，同埋要係十分鐘內食曬，如果唔係會影響口感架林昌記嘅魚蛋fans快d去食啦～
繼續閱讀
白魚蛋（$24/16粒）賣相：🐧🐧🐧🐧味道：🐧🐧🐧🐧白魚蛋用紙兜盛載，再放進外賣膠袋內，並未配有蓋子蓋好。白魚蛋大小劃一，尺寸為一口大小，外型白滑小巧，頗為討好吸引。味道方面，白魚蛋口感彈牙爽口，魚與粉比例剛剛好，能嘗出魚味，鹹度適中，十分不錯。外賣等候時間：🐧🐧🐧🐧🐧在平日下午時段下單，無需排隊，即叫即有。🐧❤️結語：1.5 蚊一粒、一口大小的爽滑白魚蛋，性價比還好，可以一試。
繼續閱讀
試業中的林昌記位於日升中心一樓，有午餐同小食賣，⚠️要留意返只得外賣無堂食⚠️今次叫左2款小食，分別魚蛋同海鮮角原味魚蛋 16粒/$24口感係爽口彈牙，魚肉味重，有98%係魚肉製造，食得岀係真材實料，如果想買回家食，有得買冷藏真空包裝的魚蛋，無記錯的話都係同一價錢😎相信咖哩，香辣更野味！推薦度4/5海鮮角 8件/$24呢個更好食，香口又有口感😋 全由八爪魚🐙，墨魚🦑，海魚🐠製造，真係可以食到粒粒墨魚🦑口感同樣有彈牙，食落其實同墨丸幾似，但就係外層加粉漿炸，更加香口，再配上千島醬，酸甜酸甜，好match好好食😋😋推薦度4.5/5林昌記 (觀塘)觀塘駿業街56號中海日升中心1樓C號舖
繼續閱讀
林昌記位於中海日升中心一樓一個小小既鋪位，只有外賣不設堂食，相信都係主打做附近返工嘅人嘅生意。舖頭好早就開始營業，今日上去買早餐人流唔算多，唔使排隊，可能係因為疫情關係同埋仲係試業中啦！早餐有三款套餐，頭兩個都係粥，我就要左C餐 蝦子炒麵配六粒魚蛋 $36。舖頭講到明魚蛋98%都係魚肉，令人感覺好期待呢☺️ 返到Office打開，個炒麵嘅份量都幾大，我原本預計會見到一粒粒嘅蝦子，但呢個原來係蝦仔炒麵！見到成碗都充滿着細細隻蝦仔，同炒麵嘅味道好夾，滿口鹹鮮香味。而且平時我好怕啲炒麵炒到油笠笠，依度嘅炒麵係比較乾身既👍🏻 味道亦都唔會太鹹，very good🤤另外舖頭嘅招牌魚蛋係細細粒既白魚蛋，超級彈牙。個咖喱汁味道都幾香，我朝早一早就買都入到味～舖頭仲有原味同辣味選擇～下次屋企打邊爐都可以過嚟買啲魚蛋了😎總括而言呢個早餐質素都幾高，對得住$36嘅價錢。美中不足係唔包嘢飲，即使你肯加錢 舖頭都冇供應😥 有時食完早餐好怕個口有浸食物味 扣少少分🤏🏻
繼續閱讀