影片
電話號碼
23868883
98828116
營業時間
今日營業
07:30 - 22:00
星期一至日
07:30 - 22:00
以上資料只供參考, 請與餐廳確認詳情
平日約左屋企人喺沙田食飯，由於新城市D餐廳價位較高，所以行遠少少去禾輋商場，呢邊較多平民餐廳。今次試葡式餐廳，晚餐包湯或餐飲、無加一、自助落單同斟水。上菜快，食物份量大，性價比幾高。馬介休炸薯球$58/6件話明葡式餐廳，又點少得呢款經典小食呢?!😏 馬介休球新鮮炸出嚟，外脆內有一絲絲鱈魚同薯蓉，食落味道唔錯。東望洋芝士鮮茄焗豬扒飯$60炒飯底，豬扒厚薄適中，肉質唔韌，屋企人好中意。不過，個茄汁偏甜，所以整體我麻麻地😅。脆皮鹹豬手配薯條$108豬手如其名，豬皮食落似食緊薯片咁脆!! 😋膠質好高，好痴嘴唇😆 豬手本身唔係好鹹，唔點醬汁可以食到原味。薯條係熱辣辣炸出嚟，整體唔錯。BBQ醬烤豬肋骨配薯條$82豬肋骨份量唔少，有兩排骨!! 如果喺其他餐廳食，一定過百蚊!! 不過BBQ醬唔係英式/美式口味，味道偏向中式燒味。肋骨無煮到骨肉分離，食落依然有肉嘅口感。香煎紐西蘭牛扒配薯菜$68本身對呢個價位嘅牛扒無期望，切落要用少少力度，加上見到全熟，已經做好心理準備。點知，食落又唔差喎!!?😮 牛扒居然食得到牛味之餘，入口唔會好韌，亦無梳打粉怪味!! 食得過喎!!😏係個薯差D，普通烚薯仔😅餐湯有紅或忌廉湯供選擇，不過自助落單無得揀口味，職員話如果要紅湯就同佢地講，如果自助落單嘅話會係忌廉湯。我地四個人，四款主菜加一款小食，無加一，合共$382，非常抵食!!🤓 不過商場冷氣較弱，天氣再熱D嘅話，應該唔會嚟呢個商場住。🙈
繼續閱讀
【沙田區】【藍鳥葡國餐廳】尋日講起禾輋商場，見到自己好耐之前嚟食過嘅呢間平民葡式茶餐廳仲未執，就叫埋振華哥嚟一齊試。上次介紹個 post 原來已經係 1am0468，夠晒耐，相隔咗成八百幾個 post，我相信我再講，讀者都唔會詐型。入到去我哋都係試「午餐精選」，簡單啲。振華哥試 $63 嘅「牛骨汁香煎西冷牛扒飯」改配薯菜，個牛骨汁係幾香，薯菜就唔係炸薯條，係烚薯仔、車厘茄、紅蘿蔔、粟米，感覺健康好多。我就試 $62 嘅「葡式燒羊仔髀肉燒汁意粉」改配薯菜，啲羊起晒骨，啖啖肉，羊味又香，加上薯菜，感覺良好。一場嚟到，我哋仲試咗三款小食。首先係 $45 嘅「沙梨頭墨魚餅」六件，好香嘅墨魚餅，炸嘅火候啱啱好。而另外必食嘅仲有 $58 嘅「馬介休炸薯球」六件，從來馬介休球都係我去食葡國菜嘅必點菜式，咁平民嘅價錢都食到係正。薯味夠香濃，經濟又實惠。本來都冇諗住食春卷，但侍應話好正，咁就試埋 $45 嘅「春卷脆脆」六件，點知真係好好食，皮脆餡鮮，好有驚喜。嘢飲嗰度我哋各自加 $5 試咗凍「蜂蜜柚子茶」同埋凍「檸檬蜂蜜百香果」，都係清甜解渴之選。埋單價錢 $283，喪加小食嚟講唔貴呀。。。（地址：沙田德厚街3號禾輋廣場2樓251-252號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am沙田區 #沙田 #藍鳥葡國餐廳 #禾輋 #香煎西冷牛扒飯 #葡式燒羊仔髀肉燒汁意粉 #沙梨頭墨魚餅 #馬介休炸薯球 #春卷脆脆 #蜂蜜柚子茶 #檸檬蜂蜜百香果 #1am1317 #1ambackup
繼續閱讀
🌟餐廳：藍鳥葡國餐廳📍地址：沙田禾輋廣場2樓251-252號舖💰價位：～$50📱電話：23868883/98828116今日同細佬撐枱腳，一於就喺屋企附近同佢食埋先返晚飯先返屋企～黎到沙田禾輋就揀咗呢一間性價比十足嘅「藍鳥葡國餐廳」，主打各款葡式及西式主食，更有多款套餐，中式小菜等選擇，食物種類夠晒多元化，價錢又親民而且性價比極高～———————————————————🔹 羅宋湯及南瓜湯兩款餐湯，用料十足！特別推介羅宋湯，用上牛腩、椰菜、蘿蔔、洋蔥及蕃茄等等配料熬制，味道濃郁，色香味俱全～———————————————————🔹 東望洋芝士鮮茄焗豬扒飯焗飯即叫即焗，熱辣辣香噴噴！上層鋪滿拉絲嘅芝士夠晒邪惡，豬扒厚薄適中，肉質鮮嫩，搭配濃濃鮮茄醬及蛋炒飯底，份量十足！———————————————————🔹 葡萄牙原只鹹豬手 （伴薯菜）鹹豬手大大隻，先蒸後炸，外層香脆，內裏肉質保持鮮嫩，咬落又夠鬆軟，配搭自家調製微微酸辣汁，食落更惹味，配菜仲有香脆薯條及蔬菜，大大份性價比十足～———————————————————🔹 葡式炸雞翼雞翼即叫即炸夠晒大件，外層炸漿加入葡汁，味道夠晒濃郁，配搭埋自家製酸辣汁，食落香脆又過癮！———————————————————🔹 熱柚子蜜 及 凍檸檬洛神花蜜晚餐更可加配飲品，值得推介凍檸檬洛神花蜜，清潤得黎微微酸，夠晒解渴！———————————————————😋味道：4/5🏢環境：4/5💁🏻♀️服務：4/5💵價錢：4/5🤟🏻性價比：4/5———————————————————👅整體小總結餐廳主打葡式菜式，價錢親民，深受附近街坊歡迎～食物方面，提供多款套餐及小菜，食物種類夠晒多元化，值得一試！
繼續閱讀
上次黎呢個商場食過其他野，今次就試下呢間葡國平民餐廳啦。葡汁吉列炸魚柳意大利麵 $59吉列魚柳超大條，而且金黃外層炸粉薄脆，魚肉肉質嫩滑Juicy🐟配埋葡汁都幾滋味💛意粉本身有少少蒜香味，幾香口露絲瑪莉慢烤羊架 配 意粉 $136烤羊架都幾大塊有3件，羊味十足，煎得表面焦香，煎得偏熟不過肉質都幾軟腍，羊脂和羊肉比例剛好，唔會太油膩🐏 醬汁有得揀黑椒汁、牛骨汁同咖喱汁，今次揀左黑椒汁，香而不辣，好惹味👍🏻 海鹽燒沙甸魚 $63叫左一道葡國特色小食，沙甸魚原條用鹽燒，將魚油同魚香緊緊保留係魚身中，魚味濃郁，灑上檸檬汁令味道提鮮，去除腥味🐟📌藍鳥葡國餐廳 (沙田)沙田德厚街3號禾輋廣場2樓251-252號舖評語食物多選擇，性價比高環境舒適寬敞🐵推介🍌🍌🍌🍌🍌（5🍌為滿分）#foodie #美食 #外食 #知己相聚 #foodielife #foodiehk #hkfood #hkfoodlover #foodinhk #igfoodies #香港 #好去處 #吃貨 #吃貨人生 #香港美食指南 #相機食先 #香港旅行 #香港餐廳 #香港生活 #foodblogger #foodiegram #hongkong #禾輋 #性價比高 #抵食 #經濟實惠 #葡國菜 #慢烤羊架 #沙甸魚 #藍鳥葡國餐廳 #沙田
繼續閱讀
估唔到禾輋商場都會葡國菜！之前路過叫咗個午餐紅酒牛面肉飯個牛肉超林超香！晚餐落去繼續encore 仲叫多咗個馬介休薯球上枱已經香噴噴點埋個甜酸汁 match到爆！仲要炸到外脆內軟超級好食咁啱呢兩次都係一個人去食，叫唔到太多餸下次叫埋朋友仔一齊去就可以嗌多啲小食😆餐廳員工態度好好一入到去坐咗個風口位已經善意提醒令一邊有個冇咁大風嘅位置即刻拎埋水幫我換位10分推介呢間餐廳價錢中等座位都好寬敞舒適下次一定帶埋朋友仔去叫多啲嘢食！
繼續閱讀