84
0
0
港鐵銅鑼灣站 F1 出口, 步行約3分鐘
繼續閱讀
開飯介紹
木系裝潢的四川火鍋餐廳，精心炮製的湯底香氣撲鼻，加上各式川式料理、海鮮、特色刺身等美食，選擇十分豐富。
繼續閱讀
營業時間
星期一至日
12:00 - 15:00
18:00 - 23:30
公眾假期
12:00 - 15:00
18:00 - 23:30
公眾假期前夕
12:00 - 15:00
18:00 - 23:30
以上資料只供參考, 請與餐廳確認詳情
食家推介
相關文章
趁住晚上天氣涼嘅日子，加多D火鍋活動。呢間上樓嘅有川菜食，亦有火鍋，有辣有唔辣。店內裝修雅緻，一邊設有卡座，四人坐都幾舒服。火鍋進行前，必先選擇鍋底，呢度有惹味嘅麻辣鷄煲，四川麻辣鍋，秘製羊腩煲外，亦有香甜椰子鷄鍋及雜菌鷄湯鍋。今晚嚟個椰子鷄鍋(半隻/$238)，先滾起椰子湯，鷄件另上再落。半隻份量都唔少。侍應溫馨提示可以先飲碗湯，食件鷄，然後先開始火鍋。啖湯有椰子嘅清甜味，而鷄件都帶有鷄肉味。既然露營必須酒，咁火鍋就必須牛。幾款牛肉選擇安格斯牛小排 ($238/例)。每片切得大細厚薄均一，脂肪分佈平均。烚兩烚一轉色就食得，肉味幾濃，口感鬆軟。丸類可以雙拼，就算人少都可以試多款。今晚嚟個手打鮮墨丸拼潮州牛丸 ($78)，每款3粒。呢粒牛丸，口感相當札實，一咬D肉汁流出，肉味幾香。個人覺得蜂巢豆腐 ($48)真係火鍋恩物，尤其係個湯底夠正，咁就可以用黎索湯汁，但要小心”辣”親條脷(哈哈….)鍾意食皇帝菜 ($48)，每條都靚仔，入口無渣。邪惡之選又點少得即炸響鈴 ($48)，圓圓碌碌，烚幾秒就可以有外軟內脆。呢度仲有紅糖流心糍粑，外脆內有紅糖流心，又另一種食法。
繼續閱讀
眨吓眼就嚟到11月尾，抓緊時間今晚同老細過嚟「山止川行」呢度食大閘蟹套餐，店內環境清靜，座位舒適，設有VIP房，就算一大班朋友聚會都冇問題。大閘蟹套餐$588/each(兩位起）🔹前菜三款～蔥油海蜇頭、涼拌毛豆、黑松露金磚豆腐 蔥油好香，海蜇頭口感爽脆；毛豆清涼開胃；炸得外脆內軟的豆腐配黑松露都好好食。🔹湯～蟹黃魚肚豆腐羹 裏面放左蟹黃、魚肚、豆腐，每啖都品嚐到濃厚嘅海鮮味。🔹主菜(每人兩隻）～清蒸時令大閘蟹 大閘蟹大約4.5~5兩，大閘蟹即叫即蒸，等咗十分鐘就有第一輪，11月食嘅蟹公都爆晒白膏，好甘香，蟹肉鮮甜，店員仲好貼心俾咗枝蟹醋我地，仲有手套、濕紙巾同較剪，食完一隻之後，再上第二輪，保證大閘蟹唔會攤凍。～自選香鍋（每兩位一鍋）香鍋可以 麻辣、香辣、孜然、蔥爆四款口味選擇，另外自選三款食材，我哋揀咗白鱔片、肥腸、五花腩片，上菜香噴噴，麻麻辣辣好惹味。～蟹粉櫻花蝦炒五常米飯 第一口已經食到櫻花蝦鮮香，飯粒炒得煙韌有ロ感個隻〜可惜位係大閘蟹粉份量偏少，拌勻後味道略嫌不太明顯。🔹甜品～薑茶湯圓 食完大閘蟹飲碗薑茶驅走寒涼，仲有大大粒芝麻湯圓。
繼續閱讀
自從Blue整親後，都好少出去食飯，尤其打邊爐，真係好耐無打過！今日同朋友試新野，去咗一間位於銅鑼灣嘅火鍋店，店名都幾特別「山止川行」。餐廳嘅食品都幾多樣化，唔止有火鍋，仲有好多唔同嘅中菜選擇，連大閘蟹套餐都有～鮮排骨冬瓜鍋 $268由於我同朋友都唔食到太辣，見到佢地除咗有四川麻辣湯底外，亦有鮮排骨冬瓜鍋同椰子雞湯底供選擇。我地就揀咗比較健康無咁熱氣嘅鮮排骨冬瓜鍋～排骨同冬瓜嘅份量都好多，排骨唔會太嚡，所以所有野都可以食得，而且湯底都幾鮮甜添～美國桶蠔 $198美國桶蠔賣相最吸引，一共有5隻，放喺冰盤上，每隻都好巨型同新鮮～即使淥熟後，桶蠔依然大大隻，食落好有口感，啖啖肉～非常滿足！羊肉卷 $128羊肉卷比較厚身，所以變成羊肉片～份量亦都唔少，食落去有羊肉味但又唔會太騷，厚薄適中，羊肉唔會太韌。手打三寶 $188手打三寶，一次過可以試晒3款手打丸～分別有鮮蝦丸、墨魚丸同豬肉丸。鮮蝦丸同墨魚丸同樣彈牙，入口仲會食到有啲蝦粒同墨魚粒喺入面。而豬肉丸就比較腍身，豬肉丸嘅脂香入口都幾香口~成都老豆腐 $88餐廳有得揀平時食開嘅普通軟豆腐，亦有依款比較特別嘅成都老豆腐！老豆腐質感比較硬，食落會有微微類似煙燻嘅味道。感覺特別~即炸響鈴 $68餐牌上只係寫住「響鈴」，問一問餐廳係唔係即炸，因為即炸同黎貨嘅口感真係相差太遠！知道係即炸後，即嚟一份！即炸響鈴份量十足，一共有8個咁多！而且每個都大大個，可愛非常！即炸即食，香脆可口，放入湯底幾秒，吸收晒湯底嘅精華再食，同樣好食！雜菌拼盤 $78友人鍾意食菇類，所以叫咗個雜菌拼盤，有冬菇、秀珍菇同金菇。3款之中我最鍾意嘅都係金菇～紅糖流心糍粑 $58最後再嚟一份飯後甜品！一份有4件，同平時食開嘅賣相有啲分別！但咬落去相當有驚喜，除咗外脆內軟嘅口感外，入面嘅紅糖糖漿相當流心，配上帶煙韌口感嘅糍粑，甜而不膩，飯後每人1-2件，相當滿足～📍📍📍📍📍📍📍📍山止川行 (銅鑼灣)銅鑼灣渣甸街66號亨環2樓
繼續閱讀
這間中菜館位於銅鑼灣，主打中國八大菜系之一的川菜，木系裝潢寬敞舒適，設有卡位及獨立房間更具私隱度，適合多人聚餐。正值大閘蟹當造季節，餐廳亦推出應節的大閘蟹宴，品嚐多種煮法的大閘蟹。茶芥 - $18/位烏龍茶甘潤不苦澀，茶包不會泡出茶渣。秋意金黃蟹粉大閘蟹套餐 - $588/位兩位起，另加一服務費。蔥油海蜇頭一大片的海蜇頭是最精華的部位，晶瑩剔透、肥厚有嚼勁特別爽脆。涼拌毛豆一粒粒毛豆軟糯香甜，涼拌醬油好入味。黑松露金磚豆腐即炸的豆腐熱呼呼的，金黃色的炸衣薄脆而不膩，咬開滑溜的豆腐好嫩，更有黑松露醬的飄香。蟹黃魚肚豆腐羹滑爽稠黏豆腐羹除了嫩滑的豆腐粒外，還加入鮮拆蟹黃及蟹肉，甘香又甘甜，更有軟嫩的魚肚，滋補滋養。清蒸大閘蟹每人有兩隻約五両重的大蟹王，分兩次上菜保持新鮮；亦有即棄膠手套、剪刀、匙、刮及濕紙巾等工具。大蟹閘清洗得很乾淨，打開蟹蓋便看到滿滿橙黃色及白色的蟹膏，細滑綿密齒頰留香；蟹身及蟹腳亦有不少肥美飽滿的蟹肉十分清甜。自選香鍋超過三十款食材中自行挑選三款，亦可自選辣度、濃淡、口味及種類等。走辣的蔥爆那份鹹鮮，絕不遜色香辣鍋，不會喧賓奪主；一片片牛小排油花分布均勻，鮮美滑嫩有著濃郁牛味；蜂巢般的金錢肚鮮嫩且薄，掛汁又柔韌；數隻鮮蝦球去殼去腸爽滑彈牙。蟹粉櫻花蝦炒五常米飯粒粒分明的炒飯充滿鑊氣，均勻染滿雞蛋花，更加入甘香的蟹肉蟹黃增添鮮味，香脆的櫻花蝦帶獨特香氣。薑茶湯圓兩粒肥美飽滿的湯圓煙煙韌韌，咬開流出濃濃芝麻餡；濃醇的薑茶帶原始的薑辛辣，正好消減大閘蟹的寒涼，溫暖身心。
繼續閱讀
表姐請食飯，相約到她喜歡的川菜，大廈好新淨，感覺好舒適。餐廳門口裝修簡潔高級。午餐好抵食，由$68 起，來個川行擔擔麵$68，好惹味，好多炒香肉碎。金牌回鍋肉$78 附一碗白飯及一碗鮮菇湯。回鍋肉肥瘦適中，大蔥炒得好有獲氣。非常美味炒手撕包菜$68 廚師有功力,炒菜都炒得有獲氣，小小辣。另外再單點手製家鄉蔥油餅 例牌有兩件，$48 都係正宗做法，外面酥脆，入面包滿蔥花。更驚喜的是蘿酥餅$48 三件，蘿蔔當造好清甜。餐廳夜晚有火鍋。
繼續閱讀