14
6
10
港鐵西灣河站 A 出口, 步行約3分鐘
繼續閱讀
開飯介紹
提供坊間少見的雞蛋腸粉，即叫即蒸，配上蔥花及甜豉油，十分滋味。
繼續閱讀
以上資料只供參考, 請與餐廳確認詳情
食家推介
相關文章
經過見到門口有塊牌寫住各款鹹肉綠豆糭紅豆糭$20於是同事頭婆講要隻綠豆鹹肉糭！佢話$25我問唔係$20咩？佢話$20嗰隻裹蒸糭好少餡！雖然我心諗裹蒸糭唔係多喊啲咩！🤔不過唔緊要照俾咗$25買隻綠豆鹹肉糭返去試吓！我仲同事頭婆講因為鍾意食肥豬肉！佢仲笑笑口口答我係咩！結果返到去一打開一大浸酸縮味！比錯紅豆糭都唔緊要，啲餡仲要少過平時基本一隻糭！差唔多全部都係豆😨都唔緊要😑但係成隻酸縮變咗😩就接受唔到
繼續閱讀
喺太安樓一路行搵下有乜食，見到呢間娥姐粉菓有好多報導，家人心諗應該出名應該會好食，就想試，但我覺得好似佢個賣相好似恐怖片入面d胎盤餃子咁，很不開胃叫了個廿蚊套餐，有粉菓、魚蛋、燒賣。粉菓皮完全不煙韌、一督就成舊散晒、又粉又厚過批蕩，d餡又唔夠香，我不如去酒樓嗌一盅好過！魚蛋鬆泡泡一咬就散！完全無魚味！就算佢畢左一大羹沙嗲汁都救佢唔到！燒賣好淋，中規中矩，但其他野實在太難食千萬不要信佢店面痴嗰d剪報
繼續閱讀
喺呢家餐廳，我一入門就打算全力出擊嚟個美食大冒險😋！首先，嗰粉果🥟真係惹味得嚟，皮薄彈牙，包著嘅肉餡又多又多汁，食落去正宗得滯！點上啲豉油辣椒，一啖啖嘅辣香直沖鼻尖，嚟點刺激正！轉頭我攞起燒賣🍢，鮮美嘅魚蓉味道好突出，但係啲燒賣可能蒸得有啲過火，搞到腍咗少少，不過呢個價，食到幾串咁滿足，其實都算係值回票價。呢啲小吃間中夾雜著我嘅嬲嗲口味評語，好味得黎又唔會好貴，真係平民美食嘅楷模。總括嚟講，呢次食物體驗最正係粉果，皮嘅口感同餡料嘅配搭，真係令人食指大動，繞樑三日噏唔停🙌。燒賣雖然有小瑕疵，但仲係唔損佢做我午餐時間嘅好夥伴。下次過嚟，我一定攞塊大胃皮，要試埋佢哋嘅其他小吃，真係令人期待！
繼續閱讀
行過太安樓，肚又有啲餓，想食少少野，要留肚同老婆食晚飯，於是揀了經濟實惠嘅燒賣。芫茜魚肉燒賣- 同老闆娘講要一串燒賣，諗住是傳統口味，點知佢問我要唔要試下芫茜味，我二話不說話要，仲要問我要幾多粒芫茜味，芫茜控我的話要哂😋- 佢每粒燒賣都好大粒，一串仲要有5粒，都只是$6，價錢非常貼地👍🏽而味道方面，有魚肉味，但一點芫茜味都冇，有少少失望，但份量十足，一串剛剛好頂到肚，性價比搭夠👍🏽
繼續閱讀
咁大個仔，第一次嚟太安樓梗係要乜都試吓😋見到呢個娥姐粉果 啲粉果大大粒 又晶瑩剔透所以就同佢買咗兩粒黎試 佢話$24 4粒 不過我怕食得太多好飽食唔到其他嘢 所以就問佢可唔可以食兩粒 點知原來2粒係$15 所以如果胃口大嘅朋友 或者同咗幾個朋友一齊嚟 叫4粒抵啲 佢個攤檔除咗粉果之外 仲有其他小食👍🏼佢嘅粉果熱辣辣 而且側邊有豉油辣椒豉油辣椒醬等等俾你用 都幾貼心 呢個粉果同酒樓嘅有啲唔同 佢入邊有肉碎 鹹香味比較重 冇咗酒樓嗰一種有花生芫荽蔥嘅香味 不過亦都因為冇花生🥜嘅關係可以大大啖食 唔怕花生碎攝喺牙入面
繼續閱讀