24
11
4
港鐵葵芳站 D/ E 出口
繼續閱讀
開飯介紹
MOU MOU CLUB是提供日本進口優質和牛的涮涮鍋(Shabu Shabu)放題專門店。除了日本和牛外，也有澳洲及美國進口牛肉以供選擇。客人在別緻優雅的和風裝修的店內，自由地在自助食品區內無限量挑選新鮮野菜及烏冬麵類，更有香滑雪糕放題供應。
繼續閱讀
附加資料
無肉餐單詳情: 每天午市供應素食放題，其他時間亦有少量素食菜式供應。
以上資料只供參考, 請與餐廳確認詳情
相關文章
和家人到葵芳新都會廣場 食牛涮鍋 火鍋放題 ，我們等了 兩個 小時才有位， 本來 未肚餓的我，都等到肚子都餓了 。我們選了168 set 套餐， 和牛 都算沒有令我們失望 ，和牛肉質仍然保持水準 ，豚肉， 雞肉 都很 新鮮 。還有 粟米 ，餃子 ，芋頭， 芝士丸， 芝士腸， 冬菇 ，豆腐 ，生菜和油麥菜 作為火鍋 配料 的選擇， 最後還有牛奶 雪糕 食 非常 滿足。
繼續閱讀
終於等到今個月出糧喇, 今晚一收工就同同事去新都會既牛涮鍋食餐火鍋放題。幸好我有預先Book位, 7點去到, 店內已經坐滿食客, 門外仲有唔少人等位。呢度有唔同既價錢對應唔同既肉類款式任食, 而我地就揀左 "美國特上牛小排放題" 每位HK$258既餐, 再免費轉左呢度新推出既"花見湯"湯底tim...入座起計90分鐘內任飲任食, 丸類、蔬菜類、烏冬、混醬都係自助形式, 食物都re-fill得幾快, 而且排列得整潔。至於飲品同雪糕就係另一面自己斟, 除左汽水機外, 隔離仲有一部果汁機, 上面說明教食客點去溝果汁梳打~湯底好快就送上檯, 面層有好多細細隻既蝦仔、蔬菜同埋金華火腿, 先飲一啖, 湯底味道其實有點似飲雞湯, 但鹹味比雞湯為輕, 反而突顯出清甜味道...本身擔心細細隻蝦會好似蝦米咁, 係煮唔透既情況下會有硬殼出現, 但食落其實又冇咩口感, 可以話食左都唔知~很快地, 肉類已經一併上檯, 侍應會將我地所揀既套餐肉類係第一round時整整地送上, 令我地可以食齊咁多款既肉, 如果中意邊款, 可以再encorn!本身自己係"牛魔王", 很少係打邊爐時食豬肉, 既然都上檯了, 所以就試一下, 呢款係鹿兒島出產既豚肉, 色澤粉紅, 薄切豚肉口感很嫩很林, 比起平時係出面食開既中式豬肉片好食得多!!值得我再ENCORN!雞件肉質很嫩滑, 但味道就較為淡一點.....套餐中既牛肉都有兩款, 分別係 美國特上牛小排 同埋 美國牛肉兩款牛既肉質鮮紅, 美國牛肉為薄切, 而牛小排就較為厚一點點牛小排比美國牛肉咬口重少少, 但亦唔會有很難咬開。美國牛肉容易吸取湯底味道, 所以食落很鮮甜。至於牛小排, 牛味較美國牛肉為重, 但兩款牛都是同樣美味, 正~加湯底方面, 呢度係會因應客人order左咩湯底而對應加返果款湯底, 所以唔會擔心加湯後, 令湯底味道有變/轉淡好幾年前食牛涮鍋都係食完一碟, 先可以向店員order另一碟, 宜家牛涮鍋原來轉左客人可以用平板電腦order加單、加湯等等服務, 所以90分鐘內, 絕對可以係自己控制範圍內, order幾多碟, 食幾多碟, 食都食得有效率!最後我仲係雪糕機支左雲呢拿雪糕, 口感香滑, 而且仲有幾款配料自助調配tim~~~90分鐘內有效率地任飲任食, 只要係食得快, 絕對係可以回本的!!!
繼續閱讀
同朋友去行行佢話想打邊爐，就食牛涮鍋，佢個叫野模式電子化咗，個人覺得十分無謂。一開頭叫佢加肉，佢話下次禁個部機就得。佢事前又冇介紹過。咁之後計ful湯都禁機，但佢哋又周不時走黎問你要唔要加肉。有2次佢跟啲豬上埋雞，我哋都唔鐘意食！所以覺得呢部機好無聊！佢既雪糕都變咗唔係乳酪，令到食完邊爐都冇咩胃口再食雪糕，同埋佢既糖漿for 淋係係雪糕到既都冇了！
繼續閱讀
每次行葵芳新都會，都總會見到牛涮鍋大排長龍。我認識該店老闆，我識，我真係識，不是我認識他，但他不認識我的那種，而是真的與他的餐廳傾過合作，我以一個年輕人的身份，膽粗粗與他談合作，竟然會真的收到回覆，雖然最後生意傾不成，但他那種樂於幫助人的心態已經很值得支持(為此，一個LIKE)，所以，你話我義犬報恩也好，或者義肢報恩都好，我們逕自走了入去牛涮鍋。我們即場點了美國進口牛肉放題($158)，話就話放題，吃過牛肉放題的 都知道，每人叫2碟已是極限，正所謂:佢搞得放題，預左你食濟。這個套餐還包括了豚雞，所以來了一碟純情牛牛及一碟豚雞，好PURE好TRUE的純情牛牛經過自動刮牛刀的削薄之後，每一片的厚度幾乎一樣，脂肪分佈平勻，容易入口，而且咬口不韌。對於貪多的我們，自然選擇了鴛鴦湯底：辛辣泡菜湯及番茄濃湯，一種選擇，兩種口味，不同的配料配搭不同的湯底，吃出不同的味道。來吃火鍋，自己十下十下，火鍋配料講求的最緊要新鮮，多款選擇，已足夠達到稱為一間火鍋的標準，古乳有暈：火鍋夠新鮮，食到人都癲，其它都不太重要。可能由於地方所限，這間牛涮鍋的自助配料不夠多(不是不夠，只是不夠多)，一眼可以睇晒，但是，每樣各取幾塊，已經夠飽肚。對於我而言，最好吃的是芝士丸，咬下去有汁流出，新鮮滾熱辣，吃完直情可以跳隻忘情森巴舞，正所謂：越食越多汁，唔使驚老笠。為了照顧有些朋友的需要，提供配料名單以供參考：丸類:魚丸，龍蝦丸，芝士丸瓜類：翠玉瓜，青蔥，紅蘿蔔，粟米，白蘿蔔，洋蔥菜：油麥菜，菠菜，，蕃茄生菜，娃娃菜，滑豆腐澱粉類：烏冬其他種類：芋絲，日本餃子，脆皮腸。唯一令我吃到有些意外的是親眼目睹隔鄰枱的客人要求互調座位的有趣情景，我不禁啞然失笑，他們這樣做，目的究竟為何，因為已吃了一半，我唯一想到的是他們座位互調，不同的方位感受到的味道都不一樣，亦都有可能他們徵求過風水師的意見，認為猴年要多多郁動，才能全面吸收運氣，就算連吃東西也不例外。膚淺如我只是聽過換位思考，即是能夠設身處地，站在對方立場思考問題，從而令自己與對方聯繫起來，容易理解對方，想不到吃東西也有如此妙用，果然人生有涯學無涯，阿彌陀佛。
繼續閱讀
今日又到出街覓食日子，因為新都會大裝修，我又未諗到食咩好就決定同老公黎食好耐冇食嘅牛涮鍋。可能係因為星期五啦，大約730黎到都等左大約45分鐘位。揀左168一位嘅set，唔知係我太耐冇黎食定點，佢加左十蚊價，同埋唔知咪係因為巴西凍肉事件佢地冇哂雞肉供應。湯底我揀左豬骨同新出嘅濃蝦湯底。豬骨嘅味道有d似出前一丁嘅豬骨湯味，但就淡少少。濃蝦味就完全唔覺有蝦味，仲有3粒面粉做嘅花。肉都不錯，肥瘦適中，大約12片左右一碟。每次要肉都大約5分鐘左右會送到，90分鐘入面我地大約食左每樣2碟左右。配料就比起其他分店少，丸類有；咖哩魚丸，芝士魚餅，芋頭丸，魚板。另外有芝士腸，魔芋，芋絲，菜有娃娃菜，油麥菜，蘿蔔。菇類有冬菇同金菇，另有烏冬同拉麵。芋頭丸十分驚喜，中間包住一條芋頭，甜甜地。甜品嘅雪糕，其他分店有埋frozen yogurt,但呢間得牛奶雪糕，topping 有：cheerio ,kit Kat 碎，朱古力彩針，糯米滋，同提子乾。除左雪糕仲有檸檬蛋糕同雲呢拿puff 。90分鐘其實好快就過，所以其實要食得快先抵，哈哈。不過呢間嘅牛就算叫最平嘅set都唔會太差。
繼續閱讀