影片
港鐵銅鑼灣站 F1 出口, 步行約6分鐘
繼續閱讀
營業時間
星期一至日
12:00 - 15:00
18:00 - 22:30
以上資料只供參考, 請與餐廳確認詳情
Went here to celebrate a friends birthday!!I didn't know it was Sichuan fare but it turned out to be great.Be sure to get the early as they have a wardrobe where you can dress up in Chinese Dynasty clothing!Dishes were great too especially the Kungpao prawns which were huge and crispy in a tangy sauce.The fish topped with crispy bean bits was comforting as the fish was tasty and similar to the fish and chip quality.Finished with the stir fried glass vermicelli which was loaded with egg.WE SHARED THE BILL AS IT WAS A FRIENDS BIRTHDAY.DECIDED NOT TO POST PICTURES AS THERE HAS BEEN TASTINGS HERE WHICH WE DID NOT ATTEND BUT KEEPS SUSPECTING THAT THIS WAS WHEN IT WASNT!!
繼續閱讀
一家大細食開年飯，今次簡左格格府，貪佢有特色，環境又好。年初四，7點到步，全場只有三圍，座位舒服鬆動，環境清靜，岩晒驚嘈雜既朋友。一入去就好有古代感，清朝服飾放係門口位置，係可以著黎影相架！裝修擺設都有心思，同出面中餐明顯唔同。我地一行10人，訂左個8人餐加多2份蝦球同湯，另外仲叫多碟水煮魚，份量足。前菜係五福拼盤有肴肉、醉豬手、酸青瓜、麻油木耳、胡麻醬雞絲。當中最好食係木耳同豬手。黃金大阿哥蝦球，原來單價要加97蚊一隻！一上已經好香蛋黃味，大大隻而且新鮮熱辣辣，非常香口夠味，對得住呢個價錢。菊花豆腐湯望落真係幾靚，朵花浮下浮下咁，而且味道唔錯。松子桂花魚，酸酸甜甜，外層香脆，內裹嫩滑。水煮魚麻香味濃，同樣以桂花魚入鐉，無骨又夠滑。重點係佢有大量芽菜同薯粉，吸晒d 麻辣味，好好食。我地叫左中辣，辣度可以接受，而且麻得好過癮。唯一要挑剔既係薯粉可以稍稍再淋身少少同入味少少。蔥油炸子雞一啲都唔鞋口，外皮香脆，水準都係高於預期。至於紅燒小元蹄，份量一啲都唔小，佢會幫我地切開晒一嚿嚿，方便入口。元蹄嘅肉質好淋易入口，肥而不膩。高湯浸菜苗都正常水準。格格府炒飯聽聞幾好食，反而食落有啲不足，飯粒確係炒到好乾身，粒粒分明。但係味道可以再濃郁少少。可能因為前幾道菜味道都好濃烈，呢碟飯就顯得有啲清淡了。最後嘅甜品係桂花酒釀丸子，都係一個唔錯嘅選擇黎嘅，唔會死甜，清清地，幾好味。全程嘅服務都唔錯，該換碟嘅換碟，加茶既加茶。如果一定要抽一樣嘢出嚟講，就係上菜上得有點過快，前面幾碟都未食完，就已經上另外一樣了，好似有少少趕咁，不過其實都係小小問題姐。重點係以呢個質素來講，價錢得宜，環境又好，服務又唔錯，食物又精緻。十人份量 set dinner 加水煮魚，包埋加一都係51xx。有得食有得睇有得玩，相信好多出面嘅餐廳都做唔到，下次一定會再嚟。
繼續閱讀
今次專程拜訪格格府御膳，不為什麼，為的就是大玩COSPLAY，滿足當小格格的心願女人都有扮靚的慾望，所以今次就帶皇后擺架格格府御膳一入門就已經見到好精緻既飾物同埋衣服，飾物同頭飾真心靚，唔係行貨，細緻位同光澤度都顯出餐廳既用心而且餐廳裝備都好雍容華貴，帶有中國風，餐筷已經很美了，我媽係開餐前已拍下巨量照片職員服務仲好好，會幫我地裝身玩完COSPLAY就夠鐘認真食野 ，其實除左COSPLAY GIMMICK，呢到都係中式私房菜，有唔少菜式都好少見 ，賣相同味道又相當之唔錯江南三小碟，有木耳、肴肉、酒糟豬手木耳同豬手爽口，肴肉同豬手好入味肴肉唔多地方有得食，最特別係佢底層既啫喱，係醬汁凝固而成既精華，超濃味菊花豆腐湯，不能不打卡的一款菜式超級考刀工，切開既豆腐借助湯水既浮力，係湯碗中微微散開，加上湯水帶黃的色調，真係好似一朵菊花糖醋魚柳雖然係比較普通既菜式，但經過師傅功力既加持下，係特別好食魚柳既炸漿一D都唔厚，仲有鬆、香、脆，之感入面既魚肉仲好滑同水潤松露醬獅子頭是媽媽很愛吃的菜式，我自己就很少叫，覺得肉太多了呢到除左有菜做伴碟，仲有好厚肉既冬菇獅子頭真係好大，本身都有肉香味，但一切開，肉香味加倍地飄出，真係有種令人食指大動既衝動食落肉很香，亦很鬆軟，鬆軟到有D唔似肉既質感，感覺很神奇高湯浸菜苗高湯浸菜苗是清清的，油鹽也沒什麼，只吃出菜苗的清甜格格府炒飯，上菜的時候有點失望，因為望落就同楊洲炒飯差唔多但點知食落就有好大驚喜炒飯粒粒分明，無多餘既水氣蝦分量唔少，切開黎炒，幾乎每啖都有我個人認為蝦係呢碟炒飯既靈魂，因為真係好新鮮，好彈牙同有鮮味，提昇左整碟炒飯既香同味道最後的甜品環節，必吃桂花酒饟丸子這個真的算是不太甜了，甜度令我很沒介心的吃掉整碗丸子很有質感，但我愛較彈牙的選擇桂花香和酒味絕對是充足的雖然價錢是有點少貴，但食物、環境質素真的值這個價，還要有COSPLAY玩
繼續閱讀
平時黎銅鑼灣想避開人潮，靜靜地傾下計都會諗起呢幢大廈，比較格攝唔會太多人剛巧發現呢間咁有gimmick既私房菜，當然要去試係咪一入到去都感受到氣派先Table既setting真係好靚靚呀酸辣湯同豆腐湯，個人覺得酸辣湯好飲d,不過都係唔太夠酸，豆腐湯就打卡一流，食落就冇咩特別比個近鏡先～真係好巧功夫ga😆咕嚕魚（其實佢地本身set左d好冠冕堂皇既名😂不過已經唔記得左🤭）呢個層次好分明，食落都夠晒淋清清腸胃唔錯蟹子炒飯作結酒釀湯圓都唔錯，鍾意個桂花味😊其實樣樣食物都好的骰，食完其實只係三成飽🤦🏻♀️值得瑋讚既係環境同服務都一絕，但價錢就堅離地，唔知食左d咩都要成$1200兩個人😅
繼續閱讀
中菜廳也可以很有格調，一踏足餐廳，已經見到餐廳名字的紅色牌匾。餐廳燈光不是酒樓光猛，而是較柔和，舒服，環境恬靜，到處都放置中國風擺設、屏風，裝潢帶古色古香，連餐具、碗碟也十分別緻，予人雍容華麗的感覺，很有特色。進入餐廳時，旁邊有個服裝區放置宮廷古裝服飾，細問之下，原來可以讓食客cosplay，拍照之用，一嘗當皇上、皇后、格格的感覺。另外，店員態度有禮服務殷勤，值得一讚。江南三小碟：木耳、牛肉及粉皮，木耳以醋汁醃製，帶酸甜，開胃小菜；牛肉以陳醋味醃過，加上凝固狀的啫喱，更加濃味；麻辣粉皮那麻辣滋味齒頰留香。菊花豆腐湯：單單一碗湯，那豆腐條條切得細緻，雕琢得像綻開的菊花，稍為一不小心就會斷掉，的確是巧手功夫菜。湯也是清清的，不會油膩。松露醬獅子頭：豬肉丸子而成的獅子頭圓圓，上面鋪上一小勺松露，挺有驚喜的crossover。肉質夾雜肥豬肉，讓整個肉變得更加軟腍。墊底的小棠菜及菇片，作顏色點綴及除去膩感。宮保大阿哥蝦球：大蝦被薄薄的粉漿包裹著炸，蝦肉厚實，大大隻，味道酸酸甜甜，還有些甜椒粒伴碟，就如咕嚕肉那道菜的味道。麻婆豆腐配格格府炒飯：麻婆豆腐麻香，豆腐十分嫩滑易碎，肉末有助提鮮，最適合跟飯一拼吃，不過海鮮炒飯，幾口就吃完了，份量少。桂花糕：有點遜色，甜度高掩蓋了清淡幽香的桂花味，糕有點硬身，味道一般般。
繼續閱讀