7
6
5
營業時間
今日營業
06:30 - 23:00
星期一至日
06:30 - 23:00
以上資料只供參考, 請與餐廳確認詳情
難得飲次早茶, 叫左鳳爪排骨飯, 牛仔骨, 鮑魚雞粥鳳爪排骨飯 - D排骨蒸完仲係粉紅色既, 最後排骨掉哂, 食到底兜飯好重漂白水味牛仔骨 - 份量夠, 但係一夾起最面果舊, 下面果D全部都唔熟架!鮑魚雞粥 - 又話生滾粥, D粥凍既, 跟住一路撈, 果D雞血一路浮上面都唔知係咪因為果日飲完茶食左佢地D野, 果晚開始就肚屙, 屙左3日大佬呀, 味道都其次, 野都唔熟就唔會拎出黎比客啦
繼續閱讀
我今日去左黃大仙豪園地下的百好名宴飲早茶，環境闊落，地方夠大。我點左至愛好寶（鳳爪排骨飯配鮮竹牛肉球）$26.8，及晨光自由配（鹹魚肉餅飯配蠔皇鮮竹卷） $32.8。茗茶每位$10。點心好食又經濟，值得推介！
繼續閱讀
2023年最後一日，為左獎勵返過去一年既努力，梗係要食餐好既慰勞下自己同家人，我地決定食中餐，因為可以自己揀海鮮同埋叫啲有穫氣小炒🍻我地點左前菜先：蒜蓉粉絲蒸元貝，元貝開邊上特別入味，加上鮮味豉油蒸蒜蓉粉絲，好味到停唔到口。本來想叫多碟聖子皇， 可惜一早已經賣哂。呢度最出名既係平靚正片皮鴨🦆78蚊平絕全城！廚師即叫即煮同片，份量夠3個人食，配菜有新鮮青瓜絲，大蔥絲，仲有脆卜卜既鴨皮，肥瘦均勻,掂呀！主食叫左個上湯西澳龍蝦伊麵🦞，估吾到甘大碟！龍蝦有2-3斤,出肉量十分高🤣👍最後叫左碟薯仔黑椒牛柳粒作結，臨尾仲送左紅豆沙比我地，圓滿呀！埋單HKD1111, 好意頭，新年快樂，2024仲快樂。
繼續閱讀
不良銷售 屈老人家🤬🤬🤬🤬最近家有大陸長者親戚來港 探望老人家(90 歳），諗住近近地，平平地，去黃大仙豪苑中心樓下 百好名宴 飯個晚餐。在餐牌楝了 B座，$698，夠曬 5 個長者和工人姐姐食。埋單時收銀處亞姐話 $1,100 幾，我問單解咁貴？睇下張單，居然變咗 A 餐！但枱單係手寫 B餐喎！收銀亞姐好冷靜地話：「你食咗喇喎。」我當然同亞姐嘈啦，「我叫 B餐，你手寫枱單都係 B餐 仲寫埋價錢 $698，你地落單就 A餐？趁住全枱老人家傾計 冇留意食咗，伱地就可 多 $300？」亞姐充滿自信地話「你冇留意條魚唔同？食之前你唔出聲？而家你食咗，你享受咗，咪當同老人家食餐豐富啲囉⋯⋯」喂，A 餐同 B 餐，係蝦 / 龍蝦 和條魚唔同，其他小菜係完全一樣喎！老人家掛住傾計，留意唔到，要硬食？從亞姐嘅專業反應和對答自如，有理由相信 唔止一次發生此類事件啦，好明顯係刻意落個貴餐，收貴幾百蚊！😡😡🤬🤬都好明白 疫情過後，食肆經營仍然困難，但做街坊生意 最緊要老實，一枱老人家，趁機落錯單？老人家好肉赤，離開酒家仲好唔憤氣，亦好唔明 究竟落單果個錯，定係食果個錯！當然，亦發誓以後唔去 百好名宴！🤬🤬🤬🤬
繼續閱讀
前晚到百好名宴設宴2席，朋友貪佢房間有得唱K，極度推薦。4588元一席全包，見菜單，吃的是大廳晚飯菜式，已覺物非所值，但不想掃朋友興，就中招了。-五色拼盤無乳豬件。-澳龍蝦E底，龍蝦是雪櫃出品，肉硬無蝦味 ，E麵碎任任，夾唔起。-花膠翅是粉漿，料少漿多。-柚子蝦仁12件，拆去厚厚炸粉漿，蝦仁細少，蝦肉霉散無蝦味，超市雪藏蝦仁好過佢。-上湯花膠浸菜苗，白菜仔有苦味，花膠比手指尾細，又硬又韌，上湯是水，只有白菜苦味，叫佢煮過碟菜，侍應話廚房收咗工。-龍躉魚唔熟，肉鞋唔新鮮，雪藏魚。-燒鵝，皮韌肉鞋，硬掘掘咬唔開，食燒雞好過。-松子什錦炒飯，松子益味，粟米粒乾睜睜，飯生冷鋼。-紅豆糖水，每碗水還水，豆還豆，碗底有幾粒豆売，分明用水溝稀。 -壽包麵粉唔得，蓮蓉勁甜，咸旦王6分1粒，乾睜睜，硬掘掘。-薑汁糕好D，因為是日間賣淨的點心，但唔明一籠裡有2隻色，黑色糕味苦，啡色糕味道正常，可能特登將新舊貨2溝清貨。結論：食物唔得，廚房唔得 ，收人4588一席，無碟菜得，無下次囉。
繼續閱讀