468
10
11
影片
港鐵銅鑼灣站 C 出口
電話號碼
28916928
96901733 (WhatsApp)
開飯介紹
以放題形式供應多款日、泰料理，而主打的日本菜餐單分為冬、夏兩季，並以時令食材入饌；裝修則糅合西日元素，簡約時尚。
獎項殊榮
新餐廳金獎
十大任食／放題
營業時間
今日營業
12:00 - 15:00
16:00 - 00:00
星期一至日
12:00 - 15:00
16:00 - 00:00
以上資料只供參考, 請與餐廳確認詳情
有關獎賞計劃
相關文章
數得出名嘅日式放題基本都食過曬，今次又試下新野，位於銅鑼灣京都廣場嘅「瀛豐放題料理專門店」，係銅鑼灣站C出口斜對面，位置非常就腳。閒日晚市正價時段$259，今次仲加左$148升級放題，除左可任飲生啤及任食海膽帶子，最重要係升級海鮮拼盤仲有魚子醬，今次真係學劉德華話齋，一人一罐啊!自取嘅前菜有十多款，麻辣魚皮爽脆香辣，海蜇爽口彈牙，等緊刺身嘅同時食少少都唔錯。基本嘅刺身都有十餘款，每款嗌左四件試下，普遍都幾新鮮：厚切三文魚腩魚油豐富，非常香滑；油甘魚同樣厚切，油花甘香，魚肉爽滑；珍寶赤蝦勁大隻，肉質爽彈，味道鮮甜；其他刺身仲有馬刀貝、赤貝、北寄貝、八爪魚等等。再黎一個升級刺身海鮮拼盤，除左高貴嘅魚子醬外，仲有磯煮鮑魚、松葉蟹腳、象拔蚌及翡翠螺等等。魚子醬帶咸香，口感香滑，除左鮮味外，仲有種Creamy嘅奶油味道，非常獨特，好食！磯煮鮑魚爽口彈牙之餘，其實都夠軟腍入味；松葉蟹腳鮮甜多汁，肉質夠結實，足夠新鮮。松葉蟹肉、蟹味噌及蟹子壽司飯，味道鮮甜，有啲甲羅燒嘅感覺。升級Menu仲有海膽帶子，原粒帶子夾住鮮甜海膽，大滿足!其他料理仲有泰式串燒、燒蠔、一品料理、辣酒花螺等等，淨係食刺身我都食到半飽，其他野我都只係食左少少。
繼續閱讀
🥢刺身拼盤，嚟到嘅時候仲有乾冰嘅效果！非常適合打卡！我哋叫咗幾種唔同嘅魚類，再加埋赤蝦！三文魚腩非常好食，而且食得出非常新鮮，亦都冇腥味！希靈魚亦都唔錯！我同朋友都非常鍾意食佢嘅赤蝦，好新鮮大大隻. 食落去嘅時候覺得非常鮮味，淨係食呢一樣都回本！真係好！🥢我哋仲加咗升級刺身！有另一個海鮮嘅拼盤！有譏笑鮑魚長腳蟹馬刀貝仲有魚子醬.！魚子醬都非常好食，鹹鹹地我幾鍾意呢一個口感！馬刀貝亦都非常爽脆加埋少少芥辣嘅效果，令到佢嘅味道更加突出！鮑魚就非常大隻，而且厚身非常有口感！鍾意食鮑魚嘅朋友不能夠錯過！長腳蟹亦都非常好食，肉身非常好！唔會話好腥！整體刺身嘅質素非常好，淨係食頭盤都好飽！正！🍺加咗呢一個升級之後仲可以任飲出邊嘅啤酒！有兩款唔同嘅生啤酒我就選擇咗1664！充滿果香甜甜地非常好飲！🥘熟食方面餐廳係屬於偏向泰式嘅方向！鍾意食佢嘅燒羊腩！第一次係識到呢一個方法烹調嘅羊腩！外身脆脆地幾好食！忍唔住叫多咗幾次！🥘另外都有叫佢嘅串燒，燒帶子亦都非常好食，由於係即刻叫即刻做嘅關係，所以都係熱辣辣！再加埋少少蒜蓉同埋香蔥，令到成個口感更加好食！我都叫咗炒大硯，非常有鑊氣同埋有風味，大大隻硯，非常好味！🥤除咗啤酒之外，亦都有好多種唔同款式嘅飲品，我就應該飲咗韓國嘅芒果汁！都覺得唔錯！🍦雪糕就主打香港品牌有好多種唔同嘅味道，亦都有韓國榴槤雪條
繼續閱讀
再次來到這銅鑼灣這間較有特色的放題店，用一如以往的超值價格，提供多款日式及泰式食物，因此一直深受我們喜愛，也是作為慶祝特別節日的好選擇🤓✏️位置（9/10）：銅鑼灣港鐵出口對面商廈，十分好找✏️環境（9/10）：新店比較寛敞，玻璃窗望向街景，環境舒適✏️服務（8/10）：員工相當友善，掃碼下單上菜快而準✏️食物（8/10）：食物選擇夠多，質素不錯，性價比高🌟晚市放題 - 成人$259/位+升級版 (+$148/位)基本的晚市放題本身已包括180款港日泰美食，確實抵食。加配升級版更有爽滑鮮甜的海膽帶子，還有多款海鮮任食，當中包括松葉蟹腳、鮑魚、魚子醬、海蝦、象拔蚌、海螺等等，同時可以任飲生啤，絕對超值。老板娘更在開餐前送了每人一盅的足料燉湯，十分貼心🥰🍴刺身拼盤刺身拼盤船包含了多款的刺身，包括大隻肉厚的珍寶赤蝦、北寄貝、馬刀貝、北海道角螺、赤貝、三文魚、吞拿魚、油甘魚、八爪魚及鮑片，另外還有香辣爽口的泰式生蝦可以任食😘🍴前菜及涼菜青木瓜沙律、尖椒皮蛋、鹵水豬耳、口水雞、蟹肉胡麻豆腐、松葉蟹杯等多款前菜及涼菜，選擇相當多，味道亦不差😃🍴壽司款式多樣亦高貴，計有和牛火炙壽司、三文魚火炙壽司、海膽玻璃蝦火炙壽司、火炙芝士魚生船、和牛火炙壽司、海膽醬火炙三文魚壽司、蟹肉蟹膏軍艦、芝士蟹籽軍艦、鵝肝帶子壽司、原條穴子壽司、軟殼蟹卷等等。手卷則有海膽甘蝦三文籽手卷及軟殼蟹手卷等，用料不計成本，性價比滿分呢🤩🍴炸物炸蝦及多款天婦羅、炸榴槤波波、芝士年糕、芝麻炸雞翼、八味黃金豆腐、脆皮炸香蕉、香酥鍋包肉，整體感覺不錯🍴串燒當然少不了串燒，沙爹有串燒牛柳、串燒雞肉及串燒豬柳，肉質夠嫩滑，味道不差。另外有泰式魚露燒蝦，帶有泰式風味很開胃😉🍴泰式料理泰式小炒同樣出色，泰式鹵水豬手、泰式肉碎包、飛天炒通菜、炭燒豬頸肉、辣椒膏炒蜆、麻辣小龍蝦、甘葉香蒜炒墨魚鬚、泰式蝦餅、泰式魚餅等等，可謂應有盡有，還有乾炒泰式金邊粉及干炒燒汁雞柳烏冬等泰式主食，泰式小炒的質素更是堪比泰國菜館呢😄🍴湯品有鮮甜魚香味的香茜三文魚湯，以及充滿泰式風味、香辣味濃的冬蔭公蝦湯😊🍴飲品冰櫃內有幾款啤酒及多種品牌汽水及飲品選擇，應該可以滿足所有的客人吧☺️🍴甜品自取幾款雪條及雪糕，更有太太最喜歡的韓國雪條呢💪🏠瀛豐放題料理專門店 (銅鑼灣)📬地址：銅鑼灣駱克道491-499號京都廣場3樓
繼續閱讀
瀛豐放題料理專門店是一家以日式、泰式料理為主的放題餐廳，亦有午市set lunch供應！方便打工一族！而放題入面有好選擇的刺身、壽司、炸物、燒物及泰式菜餚，並可升級任食生蠔、海膽帶子等海鮮，性價比高！刺身、壽司、炸物、泰式料理等。刺身新鮮厚切，叫左三文魚、油甘魚及珍寶赤蝦，重有泰式菜餚特別推介辣椒膏炒蜆、飛天通菜重有一個好特別蟹杯，底層係壽司飯，上面鋪滿蟹膏，蟹籽、蟹肉和蟹鉗 還有很多燒物可以選擇例如 雞翼，豬頸肉煙靭嘅魷魚，每樣燒物非常香口食到最後梗係要食埋甜品店內提供多款選擇，如Tiramisu、布丁、糯米糍等，還有雪糕櫃供應多種雪糕及雪條。
繼續閱讀
久久一段時間無食放題, 今晚平日相約朋友大拆一餐位於銅鑼灣鬧市的"瀛豐"位置極佳 , 地鐵站一出30秒對面馬路樓上舖就到, 獨位3樓全層樓底夠高, 空間感好夠, 餐廳地方大, 環境舒適, 坐得都舒服, 2人入座更安排左4人卡位因為6點正入場 , 並未滿座 , 到7點已全場滿座餐廳一部份以QR Code📱落單, 另一部份前菜小食則是自助區, 飲品區則是幾個大櫃自選, 甜品雪糕區選擇亦不少時段是平日星期一 6:00PM $259除了基本, 還額外加購$149/位 升級版兩盤海鮮拼盤頭盤是重中之重誠意十足 , 巨鮮帶子夾心海膽 十分衝擊味蕾 , 豪華刺身拼盤及魚子醬 鮑魚魚子醬回本之選 , 真鮑魚非素鮑魚, 放題非常罕有 , 並首推三文魚腩好出色 肥美入味即溶又鮮味至極 , 牡丹蝦好大條好多肉 蝦頭膏多赤身味美新鮮 無乜腥味 , 長腳蟹鮮甜d肉唔霉而無限任點重點點名的有:刺身大多足料兼厚身象拔蚌刺身 肉質爽口彈牙牛柳及 雞肉串燒 天婦羅 即叫即燒 肉質鮮嫩 好惹味燒生蠔 自家調配的醬汁 即叫即燒 生蠔肥美可口各款特色花之戀, 有mix魚子醬, 沙律, 海膽 , 值得一讚壽司飯細細舊, 良心地唔會諗住用飯質飽你七味雞軟骨 , 炸雞翼, 泰式燒豬肉 , 椒鹽豆腐 在炸物燒物 中尤其出色 全部新鮮榴槤炸彈, 榴槤重擊口腔內爆發燒元貝 鮮味十足泰式料理方面 亦做出超額放題的質素 , 我地叫咗冬陰功同炒通菜 , 充滿鑊氣及正宗泰式風味甜品方面推介要試 海鹽味雪糕 奶滑甜甜食完搭車返去差d飽到嘔, 呢個價錢絕對無投訴啦 , 大胃王如果嫌唔夠時間食 建議午市時段黎可食足3粒鐘 , 價錢又平
繼續閱讀