影片
以上資料只供參考, 請與餐廳確認詳情
食評 (17)
果日中午無食野，咁晚上見就腳就係深水埗諗住快快趣食個飯就閃。一入到去先知道已經6點，所有餐牌都變哂做晚上，咁所有野都會貴一節(茶餐廳傳統啦)不過都無理由又走，就諗住試下。由我舉手果一刻到有人注意到我嘅時間都成一兩分鐘……其實間店好細，我係唔太明點解可以咁遲先理我。已經有一兩個人行行企企，我果個時間點，餐廳客人人數十隻手指數得哂，絕對唔係人員太忙問題。我叫左個肥牛金菇煲，75蚊，個人認為算合理。點餐完畢，茶餐廳傳統啦，野飲同湯呢一尐快快手就比左你先，主菜同個飯就硬係最後先比你。(圖一：湯)個湯都幾好飲，清清地又幾好味，都算開胃。飲完個湯間餐廳就開始進行我最討厭嘅事情，就係拖住唔肯比個飯你。茶餐廳傳統啦，飯係最後到。之不過，茶餐廳嘅另外一個特點係要快，就算你可以飯最後到，都唔可以拖咁耐架嘛？我足足等左成三十分鐘，我等左十五分鐘之後已經舉手催一催張單，都居然可以要再等多十五分鐘。而且前提係我肚仔餓左成個中午，仲要等咁耐係令人好煩心，我最討厭就係等單。(小弟唔識，到底肥牛金菇煲係唔係真係要整咁耐呢？)(圖二：主角遲到)此世間最令你感覺到空虛嘅事，莫過於係等緊個飯，等到杯野飲尐冰溶Q哂。咁七點正，個飯終於到左。雖然尐肥牛就真係普通野，但係個份量足夠你餸飯有突，又香口調個味唔錯咁，餸飯一流。而且飯都煮得幾好食，成個煲份量都足，食落都有滿足感。我其實本身想寫負評，但係個飯我食落係幾好食，所以最後又拉番個數。(圖三：主角)個飯望落去係醒神嘅最後收銀，又出現令餐廳分數下降嘅趣事。有位伙記同收銀忙緊，咁我就講句賣單唔該，都無催佢地，收銀大聲反而叫我等等。之後佢地忙完一輪之後，見眼前件事都要搞好耐，所以先黎處理我，又反問我黎做咩，好似我做錯咩事咁。其實大聲小小，態度差小小茶餐廳都常見，但你可唔可以先處理我先呢，茶餐廳要係快靚正，係度我就真係感受唔到。
繼續閱讀
樓下茶餐廳、樓上熟客小房serve，跟住老闆去食飯當然係上左包廳食！聽老闆講，呢度個主廚本來係港島區名廚過左黎呢邊開地道小菜餐，所以先咁有水準的食物！今次試左佢嘅季節限定 - 枝竹羊腩煲，超入味，羊口感非常好，怕羶嘅朋友都食得到！炸物係非常不錯，唔油膩亦香口，一試難忘！乳鴿皮勁脆口，食到停唔到口！另上酸菜魚，有D油，但水油分隔，最底的湯飲入口係唔油的！神奇！超麻感覺，好正！醬茶鴨，賣相不錯，醃味好濃好入味！唔辣的～蒜蒸扇貝，除了醃製品外，都是當天到貨的，非常新鮮。有心人開的餐廳真係要撐！基本上你早一天預約下單菜式，咩都有得食！下次諗唔到食乜，去開呢頭不妨試下！
繼續閱讀
純粹路過，見呢間茶餐廳門面有D Up Dup，不過門口餐牌樣式很多，便勇敢入內一試。阿姐招呼尚算殷勤，態度很好，有問必答，我們點了一份泰式豬扒湯檬粉和一份當天午餐肥牛炒烏冬。等候期間瀏覽牆上餐牌，發現很多特別菜式都非常合我個人口味，包括樟茶鴨和炸蝦丸等，已經有點期待我們的點餐，看是否適合返單再幫襯這些特色菜。上餐很快，檬粉另配3瓶泰式醬料，魚露，辣椒粉和酸甜醬，十分認真。湯很熱，味道正宗，豬扒也是即炸的，整體滿意。再來肥牛炒烏冬，賣相不錯，不過可能由於裝盤關係，初看感覺細碟，但是吃完還是非常飽肚的，且肥牛分量非常多，食極都有，味道調配也十分好，是相當驚喜和滿意的一餐。因為從來冇諗過寫食評，所以相片欠奉。現在經營環境困難，這種有心的茶餐廳實在不可多得，所以必須提筆在Openrice為這店寫了我人生第一份食評，希望能支持這些弱勢企業。呢張單連兩杯凍飲都係埋$88，如果大家去開這區，可以放心幫襯。我也會再去試他們的小菜，到時一定再評。
繼續閱讀
🎊《冬至快樂•枝竹羊腩煲》🎊💰價錢：$298/煲(大)·尋日冬至 一家人出街食飯諗住打邊爐做節真係完全冇預計要食呢間餐廳只係咁啱經過 見到有打邊爐就揀咗佢呢間餐廳位於深水埗平時行過路過都唔會望兩眼簡單嚟講 就係極為普通既一間茶餐廳但估唔到其貌不樣 實際上超抵食😍Cp值好高既一間餐廳👍🏻平日中午時段就係賣普通茶餐碟頭飯去到夜晚就有快炒 同埋打邊爐都有🤩湯底配料款式唔多 一開始望落感覺價錢唔平🧐但食物上枱 望到size就覺得 嘩 好多😂簡簡單單先點咗份大既羊腩煲羊腩份量真心好多而且羊腩冇腥味👍🏻有肥有瘦各一半瘦既口感un咗啲湯底勁濃 偏向重口味所以食到一半都要飲下水除咗羊腩 其實配料份量都係勁多枝竹 冬菇 馬蹄 多到滿瀉☺️總之成煲羊腩煲都係用「多」嚟形容份量就啱😂😂另外免費附送一份時菜仲叫咗份鮮牛肉片($50)份量一樣超多 絕對唔係得幾塊而係一碟 🤩 真心抵到爛可惜牛肉帶有少少筋 但亦都算新鮮 味道都ok整體嚟講 算唔上天堂級好味但以呢個價錢嚟講 非常之可以接受人均唔洗一百蚊已經可以食到好飽呢間餐廳絕對會再想嚟食多次🤪推薦‼️
繼續閱讀
今天一行12人又來到深水埗寶德餐廳小廚開飯，這裡的小炒非常有水準，所以漸漸我們都成為了寶德的常客。今天點了10道菜，十全十美。「寶德」的小炒出名鑊氣十足，而且每碟份量都很大！物有所值！今天點了椒鹽炸鮮魷、黃金炸涼瓜、菠蘿京都骨、粉絲雜菜煲、脆炸黃花魚、清蒸大班、牛仔骨煲等等！椒鹽炸鮮魷真的是超級！超級好吃！炸漿很薄，很脆，每口都充滿椒鹽香，而鮮魷則非常肥美厚肉，啖啖魷魚鮮甜！因太快被食清，我們最後追加了一客椒鹽炸鮮魷。
繼續閱讀
您可能會有興趣的...