影片
港鐵佐敦站 A 出口, 步行約3分鐘
繼續閱讀
電話號碼
34896033
營業時間
今日營業
15:00 - 23:45
星期一至日
15:00 - 23:45
公眾假期
15:00 - 23:45
公眾假期前夕
15:00 - 23:45
*最後落單時間: 02:00
以上資料只供參考, 請與餐廳確認詳情
今日約埋老友食飯，想食串燒就上網搵下油尖旺呢邊有咩串燒小店推介，睇到呢間串燒小店裝修格局同食物都唔錯，就黎一試。入去坐底睇下餐牌，點餐方式係剔點心紙，都幾方便，店內裝修好有日式居酒屋風格，坐位唔多大約5張枱，飲品主打啤酒同清酒，唔飲酒都可以選擇罐裝汽水飲品。蒜蓉粉絲大扇貝先黎左個扇貝食下，扇貝好新鮮，仲好大隻，蒜蓉味道唔會太搶，平時食都係蒸，用燒既形式就更香，非常滿足。燒雞泡魚乾，椒鹽墨魚咀再黎個燒雞泡魚乾做送酒小食，燒得岩岩好調味都唔會過重，後尾仲有加多1份，椒鹽墨魚咀，同一般餐廳既好唔同，呢度既墨魚咀好大粒，炸漿唔會好厚，都唔會炸得太乾有d驚喜。腩肉露荀卷，煙肉荔枝卷腩肉露荀卷個腩肉太薄燒得乾左，扣咁d分，露荀就ok幾爽幾甜，煙肉荔枝卷燒得岩岩好，咸甜混合，好夾既食法。燒羊架羊架雖然燒到全熟，但都唔會好柴，好嫩滑仲好厚肉，唔會羶，調味落左d孜然同好多香草，太滿足啦。鵪鶉蛋串，鹽燒雞心，鹽燒雞肝燒鵪鶉蛋就比較普通無咩特別，鹽燒雞心口感幾爽脆，雞肝我個人就一般d，因唔太鍾意食肝，但燒出黎既火候係好到位的。牛油甜粟米，紫金一口甜薯，燒白鱔燒粟米同燒甜薯都好正，驚豔係個燒白鱔，燒到皮脆肉嫩，仲好厚肉，忍唔住再加多1串。燒生蠔生蠔似係新鮮生蠔，好肥美好鮮甜。鹽焗寶石魚今日既主角黎啦，食之前都有個儀式，老闆先幫我地開左個鹽殼，再起左層皮，同我地介紹呢條魚無經調味純鹽焗，魚肉好嫩滑，好新鮮，不過層皮就太硬食唔到唔怪得要起皮，鍾意食魚皮既我就略為有點點美中不足。原條蒜蓉燒茄子，炸雞皮蝦燒茄子好多蒜蓉，燒得都岩岩好好入味，炸雞皮蝦有驚喜，雞皮包住虎蝦增加左脆度，蝦肉厚實鮮甜，我真係連炸蝦尾都食埋。總結黎講呢間十一串串燒小店我地一行3人都覺得好滿意，串燒師父火候控制得好，食材都高質，老闆都熱情有禮同熟客都打成一片，食物質素高價錢我地都覺得合理，好既小店值得繼續支持。
繼續閱讀
今日來到一間氣氛悠閒嘅日式串燒店體驗咗一頓好正嘅午餐，喂，真係頂級享受呀！首先，啲服務員熱情得滯，令人感覺好舒服。首打頭陣嘅蒜蓉粉絲大扇貝完全搶晒鏡，新鮮爽甜嘅扇貝，同埋香脆啲蒜蓉粉絲，嘩，簡直夾到不得了🤤！再來，原條燒茄子，攞上嚟一試，茄子嘅外皮燒得啱啱好，入口即溶，恰到好處嘅蒜香，呢個真係唔試唔得！至於串燒方面，卜卜脆嘅鹽燒翠玉瓜串，爽口得黎又多汁，食咗一串仲想再點多串咁嘅感覺。至於肉類嘅選擇，每一樣都咁誘人。串燒豬頸肉燒得啱啱好，外皮微焦嘅香味加埋肉汁濃厚，真係令人回味無窮㗎！呢度嘅每一款食物都份量足夠，一家大小或者同三五知己嚟，都啱晒，又唔怕食唔飽。而家嘅食品如此多樣化，但能喺呢度嘆到咁本土又咁美味嘅串燒，真係咪啦錯過！啲食物都係即叫即燒，保證新鮮出爐，你話，唔係正到爆炸咩？🔥😋👍
繼續閱讀
COVID之後好多餐廳都改左營業時間🕰️，想同朋友一班食宵夜聚下👭🏻，都要慢慢搵下心水。今次就揀左哩間食串燒🍖既餐廳，邊飲邊食邊吹水，估唔到都有驚喜。原條蒜蓉燒茄子 $38茄子🍆有啲未熟透未淋得哂，但勝在蒜蓉🧄夠哂大堆頭，整體普普通通。燒汁鮮冬菇 $22哩個係我成晚最鐘意既一串🍄，燒得好香，一咬落去啲汁爆出黎💦，燒汁唔多唔少，夠哂調味，超級推介。汁燒雞脾菇 $18哩個都燒得好好味，一片片都好JUICY💦，比冬菇更濕潤，但我仍然比較鐘意冬菇多啲❤️。燒菠蘿 $22雖然佢好甜但無咩🍍菠蘿味同菠蘿既香味。燒豆卜 $18外脆內軟，加少少辣粉🌶️都唔錯。紐西蘭羊肉串 $30 (左) • 串燒豬頸肉 $30 (中) • 鹽燒厚牛舌 $36 (右)羊肉本身醃料有微微辣🌶️同孜然味，夠香又有羊騷味🐑。豬頸肉🐷夠爽，簡單調味唔太膩。汁燒鵪鶉蛋 $26整體不過不失🥚。腩肉生菜卷 $38好有驚喜既一道，燒到腩肉🐷既油香出哂黎，而生菜🥬中和左腩肉既膩，食落好夾。脆脆串燒雞皮 $26第一次見成片咁薄既雞皮🐥，多數卷住黎串，食落好脆好似薯片咁。鮮嫩雞肉串 $26又真係幾嫩😋，鐘意食辣既朋友記得加辣粉，後勁十足。椒鹽雞軟骨 $38 (左) • 椒鹽黃金墨魚咀 $38 (右)炸雞軟骨都唔錯，脆口熱辣辣♨️，岩哂送酒。孤陋寡聞既我真係少見咁大粒炸墨魚咀🦑，而且唔係炸皮，真係墨魚咀肉，好彈牙爽口，同薄薄炸皮好夾👍🏻。炸水牛芝士 $38@3芝士拉絲拉到長一長，咸香芝士味🧀，外皮炸得脆卜卜。煙肉荔枝卷 $34煙肉🥓本身都比較咸，荔枝甜甜地又中和到，幾新鮮既組合😗。
繼續閱讀
好友和我慶祝生日，在無準備情況下，隨意在佐敦街頭遇上這間日系串燒店，舖仔小小，但佈置勁似日本居酒屋，重點係串燒意想不到嘅超好味，特別係燒生蠔，鮮甜又嫩滑，其他嘅燒海鮮如扇貝、蟶子、白鱔都係勁美味😋
繼續閱讀
番工咁辛苦🥹收工梗係要同朋友飲杯野傾下計啦😚最近就去左位於佐敦既一間日式串燒屋🇯🇵座位唔多只有十幾個位左右，暖黃燈光配上日式燈籠同酒，好有去左日本居酒屋既感覺👍🏻今次黎同朋友叫左個串燒套餐，包左生啤同串燒都幾抵食🍡_串燒COMBO包左2杯ORION生啤，大大杯幾香麥味，有助解膩🍻串燒類 (7選5)▪️鹽燒牛粒串牛粒一口一啖有咬口，食既時候亦帶牛味，用左鹽燒已經好正▫️鹿兒島牛粒京葱串小編最愛❤️牛粒燒到剛剛好，配埋清甜京葱好滋味👍🏻▪️蜜糖雞中翼除左蜜糖仲可以揀鹽燒，雞中翼幾大隻，蜜糖令雞皮帶焦香，雞肉都好Juicy🥰▫️鮮嫩雞肉串雞肉串同佢既名一樣入口好嫩滑，輕輕調味後已經好香口，餸酒一流▪️串燒豬頸肉豬頸肉燒到外皮香脆😋食落去爽口惹味另外仲有串燒雞皮同煙肉荔枝卷揀，下次有機會試埋其他散叫串燒先
繼續閱讀