影片
港鐵銅鑼灣站 F1 出口, 步行約3分鐘
繼續閱讀
開飯介紹
餐廳以木和石為設計主軸，更佈置了一個日式小庭園，簡潔而優雅。主打的廚師發辦價錢豐儉由人，另有多款清酒可供配搭，是約會的好地方。
繼續閱讀
營業時間
星期一
全日休息
星期二至日
12:00 - 15:00
19:00 - 22:00
以上資料只供參考, 請與餐廳確認詳情
燉蛋同麵豉湯淡而無味魚生不新鮮失望。師傅話係蔬菜燉蛋關係所以淡味師傅話鮭魚壽司上的鮭魚片（即係三文魚啦）係諗身但我嘗到的口感卻是「梅」的我個餐係$1100嗰隻自行判斷
繼續閱讀
舍利鮨主打江戶前壽司OMAKASE，餐廳只提供午餐及晚餐廚師發辦，大約有10個座位，另外最吸引人既係餐廳設有露天日式庭園，晚上亮了燈又另一番風味，令人仿如置身日本🇯🇵Dinner Omakase｜$1888🥗前菜赤貝配上水雲，上面加梅同清酒既醬汁啫喱，赤貝爽脆，整體酸甜開胃🐠刺身右口魚薄切成刺身，上面加左肝醬、豉油、青檸汁同青蔥，撈埋一齊食用，本身魚較清淡，其醬汁能夠提鮮味鰹魚刺身配青瓜芥末醬，表面炙烤過的半熟鰹魚，醬汁極為清新鮟鱇魚肝本身油脂柔嫩香醇，配搭曲奇脆餅，呢個配搭都幾夾🍣壽司姖鱒魚外型同三文魚有點相似，但質感更嫩滑石垣貝肉質甘甜，口感又厚實甜蝦昆布漬扎實好重膠質，醬油味道濃郁卻不會蓋過蝦鮮味，蝦肉爽滑扎實，鮮甜味美中吞拿魚腩，熟成7日，肉味同酸度較高，肉質又軟又嫩拖羅鄂位Kama Toro，脂肪紋密佈如雪花，油脂遠比大拖羅豐富，入口即溶赤身醬油漬鹹度剛好，有著濃濃的吞拿魚鮮味，同時又食到吞拿魚肉質白海膽份量好多，師傅加上三層海膽，夾時都份外小心，味道清雅，口感極佳赤海膽味道強烈，濃厚的海水鹹香味鯖魚肉厚肥美，完全唔腥鯖棒壽司係我最愛一件壽司，飯與料捲起壓緊，比生食更具風味，味道協調平衡，鹹香開胃🥘煮物厚岸產蠔配冬菇，蠔味好重，海水味淡，肉身厚肥黒梅貝姐係日本東風螺，食落清甜帶嚼口，另外加上山椒粉，味道略帶檸檬清香花咲蟹蟹羮蟹羮份量十足，每啖都有一絲絲蟹肉，唔會好濃味，更能食到蟹鮮甜味燒帆立貝脆口紫菜包住差不多手掌咁大既帆立貝，超滿足，帆立貝食落好嫩滑，不過如果再燒耐d香氣會更出煮蝦夷鮑入口柔滑且富彈性，吸收醬汁味道🍲燒金鯛魚配鰹魚湯湯好清澈，魚肉保持嫩滑口感🧁甜品蕨餅配哈密瓜
繼續閱讀
📍舍利鮨 𝗦𝘂𝘀𝗵𝗶 𝗦𝗵𝗮𝗿𝗶 (銅鑼灣) 為左慶祝朋友生日，今次就黎左舍利鮨食午市omakase🥰!! 舍利鮨位於銅鑼灣，餐廳裝修偏水泥風，入面嘅環境好舒適，而且用料新鮮，每一道菜都係視覺同味覺嘅享受~ 𝑰𝑻𝑬𝑴𝑺 𝑶𝑹𝑫𝑬𝑹𝑬𝑫:▪️午市廚師發板 ($1180) 呢個lunch set好豐富，首先試嘅就喺茶碗蒸，蒸蛋熱辣辣同好香滑，入面仲有百合蓮子㗎！✨跟住就有兩款刺身 - 赤睦、鰹魚，兩款都好鮮甜。壽司款款都好吸引，赤羽太、姫鱒魚、鯖魚、青柳貝等好新鮮，賣相好有光澤；鳥貝富有彈性；深海池魚脂肪比例平均，色澤明麗，入口爽彈鮮甜；😍中拖羅同大拖羅好肥美，入口即溶，油脂豐富！赤身醬油漬都好正，醬油的鮮香正好帶出赤身的鮮甜。食完壽司之後，仲會有燒帆立貝同燒太刀魚，兩款燒物都好香口，不過不失。接著有花咲蟹蟹羮🦀，蟹肉嘅份量好足，肉質爽口，味道鮮美。白海膽真係第一次試，質地好軟綿，入口即溶。🦪蒸蠔好鮮嫩而米麵豉湯鹹味適中，有米香之餘仲有淡淡酒香。最後就有綠茶黃豆粉蕨餅，食落好煙韌，茶味香濃，超滿足！𝑨𝑫𝑫𝑹𝑬𝑺𝑺:📍銅鑼灣蘭芳道21號地舖G/F, 21 Lan Fong Road, Causeway Bay
繼續閱讀
/ /銅鑼灣午市Omakase😙😙今日同朋友去慶祝生日，中午去咗呢間食！食左個午市$1180嘅Omakase！茶碗蒸,裡面有百合蓮子呢個蒸得啱啱好，好鮮甜～跟住就係壽司🍣赤羽太姫鱒魚鳥貝，食落好有彈性深海池魚好厚身！中拖羅、大拖羅都超正！好有魚油香赤身醬油漬青柳貝燒帆立貝，係炙燒嘅味道，彈牙爽口！赤睦、鰹魚，好有魚味！燒太刀魚花咲蟹蟹羮，超多蟹肉！白海膽呢個係我最愛！海膽好新鮮鯖魚蒸蠔米麵豉湯綠茶 黃豆粉蕨餅
繼續閱讀
每一次食廚師發板Omakase都會有一種期待 🥰由於香港多咗好多呢類型嘅餐廳，但係質素參差😆 今日試咗呢間位於銅鑼灣蘭芳道嘅地舖， 位於旺中帶静既地段， 門面及店內裝修好舒服，日式優雅😌今日試咗兩個唔同既午市廚師發板，(A)$1180同(B)$680， 主要分別係A有和食同刺身， 今餐真係食得好開心🫶🏻今日負責我哋嘅師傅好細心， 一絲不苟咁處理唔同嘅魚， 仲向我哋介紹咗每一款嘅食材，唔止美味仲長知識🫶🏻🌟清湯蓮子百合蓮霧蒸蛋(A)(B)以蔬菜甜湯配新鮮嘅蔬菜食材， 食出淡淡清甜配合嫩滑嘅蒸蛋， 為今餐打開序幕😊🌟帆立貝拼北寄貝(A)兩種美味嘅貝類再配埋特調醬汁，帶出兩款貝類嘅鮮味。🌟帆立貝刺身(B)新鮮帆立貝拼赤醋飯， 入口鮮甜，壽司飯做得好好👍🌟愛女魚配日本葱(A)份量都唔少，山女魚平時比較少食，淡調味更加顯得食材嘅鮮味，加上蔥嘅清新，我幾鍾意。🌟剃鬚鯛壽司(B)肉質比較緊緻，配咗中濃度醬汁，口感好好。🌟深海池魚壽司(A)(B)完美， 油脂十足，魚味徘徊喺口腔好耐🤩🌟姬樽魚壽司(A)(B)與坊間三文魚唔同，肉質同挪威三文魚有少少似， 飯同魚融合為一齊， 感覺柔軟，入口即化。🌟甜蝦壽司(A)(B)三隻甜蝦，衝擊視覺，感覺到甜蝦嘅甜味喺口腔爆發😆🌟黑梅貝拼京都冬菇配山椒粉(A)黑梅貝好爽脆， 冬菇好香， 有心思嘅配搭。🌟中拖羅壽司(A)(B)顏色好靚， 魚油味濃， 好紮實嘅感覺👍🌟大拖羅壽司(A)(B)油花分佈平均， 魚味好重🤤 師父講呢種吞拿魚係野生，同坊間一啲粉紅色嘅大拖羅係完全唔同， 今次真係長知識👏 要食到野生吞拿魚真係一分錢一分貨， 係值得嘅👍🌟赤身醬油漬壽司(A)(B)最重魚味嘅赤身位置， 配合醬油漬， 與赤醋飯配合得天衣無縫。🌟燒鰹魚拼芥末籽青瓜醬(A)燒鰹魚特別嘅香味再配襯清新嘅醬汁， 配搭得宜。🌟燒宮城瀨尿蝦拼太刀魚(A)瀨尿蝦裏面爆膏， 燒完更加香， 太刀魚即牙帶魚， 估唔到魚油香味都頗高，唔錯。🌟石垣貝壽司(A)石垣貝好厚肉， 好爽甜🫶🏻🌟赤貝壽司(B)睇相都知幾新鮮，好鮮甜好靚🫶🏻🌟白海膽壽司(A)(B)，赤海膽壽司(A)師父落海膽一啲都唔手軟， 白海膽味道較淡， 毫無腥味， 飯粒更加帶出海膽嘅鮮🫶🏻 赤海膽就比較濃味，鍾意強烈海膽味嘅客人相信赤海膽會啱口味。🌟鯖魚壽司(A)(B)同池魚壽司一樣，都係好驚喜，魚油及魚肉十足。🌟蒸蠔壽司(A)(B)呢個根本係全場總冠軍🤩 超級推介， 師傅將壽司飯釀入半熟蠔中，蠔味大爆發🤤🌟麵豉湯(A)(B)師父話呢個麵豉湯加入咗少少牛奶，口感即刻完全提升咗好多👍🌟蕨餅(A)(B)兩種唔同口味嘅蕨餅， 質感爽彈。餐廳服務好好， 真心推介， 當日隔離枱有兩位熟客同師父傾得好開心除咗交流喺屋企做廚師發板之外，對魚類嘅處理及日本刀嘅種類都無所不談，盡顯師傅嘅知識同功架， 今餐真係學到好多嘢呀😆
繼續閱讀