34
8
5
開飯介紹
合發燉奶餐廳地方寬敞，有多款中西美食如即炒粉麵飯，三文治及甜品等。
繼續閱讀
營業時間
星期一至日
07:00 - 04:00
以上資料只供參考, 請與餐廳確認詳情
招牌菜
相關文章
入去食就預左要等, 因為人多到七彩, 不過都真係等好耐.豬扒飽係幾好食, 奶茶係幾好飲, 多士都整得不錯, 係要等太久.葡撻都係很好食, 就連飲品都整得不錯, 都係差在要等太久.扒方面就要看運氣了, 有時候的確係幾好食, 不過很多時候太硬.炒麵應該係最好食的食物, 每次都好快就食個凊光.
繼續閱讀
我住荃灣, 對合發都有一定既信心, 可惜星期六去完銅鑼灣.......叫我以後唔會去, 亦想大家三思味道係可以的.......不過服務就.........首先如果唔廚房唔可以處理咁多客人就唔好放咁多個位凍奶茶 : 等了 20min 才到 (奇怪佢係一次過出好多杯, 咁樣做茶餐廳, 死得啦)紅豆冰 : 等了 30min 完全唔可以接受既時間常餐既雙蛋 : 等了 40min 過了 n 次都冇黎, 追佢地時, 伙計跟榻冇理會我地既追單......最後我走出櫃檯同佢講 我等左好耐都唔黎, 你同我取消佢, 先有人理會我, 最黎經理幫我 void 左.........對於以上既投訴我即時寫左意見書, 希望佢地老闆會明白, 當日我見差不多每檯客都在追單, 可能真係太多人去, 要趕咁 d 客人, 我就唔會再去了
繼續閱讀
四月三十日(星期三)同老公食完好味咖哩之後,又要好忙咁去食甜品,不過o係銅鑼灣既甜品選擇真係比較少!上次經過呢度見到有燉奶,咁就試試啦!佢寫住係北海道燉奶,但係個menu又冇,咁唯有直接叫燉奶啦!點知一入口!e!mud係薑汁撞奶...呃人!同埋冇mud奶味wor!真係要比劣評喇!唔通真係新到連menu都冇名!如果一早知係薑汁撞奶,就唔會叫啦!但係出面又唔係咁寫...
繼續閱讀
2008年2月17日跑完10K馬拉松, 同D朋友去食合發, 原來同翠華完全一樣.食物無特別, 味道普通.奶茶–普通沙爹牛麵餐–勁普通魚柳–好大塊, 但味道普通*** 所有炒、炸野都好鬼油
繼續閱讀
其實對於我嚟講, 合發完全等同翠華餐廳,雖然佢哋兩個門口, 兩間舖, 兩邊裝修同坐位, 但其實佢哋個廚房係一齊用架!!我成日都見到佢哋兩邊既侍應將啲一碟碟既食物兩邊拎既!!話時話, 係度做咗咁耐, 我都係第一次入嚟坐底食嘢, 之前都係食外賣tea 咋~今次我哋好求其咁叫咗個午餐食, 有薯仔炆雞翼同帶子牛扒餐揀,我當然揀帶子牛扒餐跟薯菜啦! ($35)先嚟個羅宋湯, 都ok, 但唔算好特出,然後嚟碟扒, 未睇個扒得唔得, 我已經扣分啦!因為拎碟嘢既果個侍應係好大力「啪」一聲咁「掉」碟扒落嚟囉!!!嚇到我哋三位女仕立即停晒手望住個侍應,但佢係完全唔覺得自己有問題咁行開咗啦!而行係後面果個亞姐就問我哋咩事, 係咪嚟錯咗嘢,我話: 「唔係, 不過比佢嚇親啫...!!」亞姐笑笑口: 「唔好意思呀! 唔好意思呀!」老實講, 個扒真係麻麻哋! 以我嚟講食淨三分一就知有幾得啦!個汁太杰, 又似乎得個味精味, 成碟食物全部都只係暖暖哋, 唔夠熱喎!件扒一睇就知係cheap 貨, 又多肥膏又多根又韌, 雖然未至到完全入唔到口, 但係以呢間「名牌茶餐廳」嚟講, 真係好差囉!至於粒帶子真係普通到嘔, 又只係得一粒咁細粒既...好采個原個焗薯比較ok, 如果唔係呢餐實唔夠飽啦!! 最後叫咗杯熱華田走, 呢杯飲品等咗好耐好耐先到,仲超熱, 唔知係咪等煲水所以先咁耐呢?味道都係普通, 唔算特出。之後有對情侶坐底, 叫咗嘢食, 又係頭先果個高高廋廋既男侍應,將碟咖哩雞同碟飯一齊「掉」落檯面.................點呀!! 佢其實係咪唔想做啫! 係就出聲啦!! 仲比我留意到佢全程塊面都係冇表情架! 亦冇講過半隻字...!!整體嚟講, 其實以一間咁出名既茶餐廳有咁既服務質素真係離晒譜!!仲有個份帶子牛扒餐, 真係求其搵間普通既茶餐廳都好食過佢喎!!
繼續閱讀